ଜୀବନ
ଏଇତ ଜୀବନ ହସ ଓ ଲୁହର
ଚାଲେ ଲୁଚକାଳି ଖେଳ,
ମୋହ ମାୟା ଏହି ଜୀବନ ଯନ୍ତ୍ରଣା ମିଛଟାରେ କଲବଲ।
କେବେ ସେ ମିଶାଣ କେବେ ସେ ଫେଡାଣ
ଜୀବନର ହରିହାଟ,
ଗୁଣନ ହରଣ ଗଣିତ କଷାରେ
ଜୀବନର ଚାଲେ,
ନାଟ।
ପାଞ୍ଚମନ ଆଉ ପଚିଶ ପ୍ରକୃତି ଜୀବନର ମୂଳ ମନ୍ତ୍ର,
ଏନ୍ତୁଳି ନିଆଁ ରୁ ଜୀବନ ଆରମ୍ଭ
ମଶାଣି ନିଆଁ ରେ,
ଶେଷ।
ଅଣୁ ପରମାଣୁ କୋଷ ବିଭାଜନ
ଜୀବନ ପ୍ରକ୍ରିୟା ଏହି
ଜଳରୁ ଜୀବନ ସୃଷ୍ଟି ହୋଇଅଛି
କରିଛନ୍ତି ଭାବଗ୍ରାହୀ।
ଜୀବନ ର ଗତି କେବେ ବୃତ୍ତାକାର କେବେ ସେ ସରଳରେଖା
କପାଳେ ଆୟୁଷ ବିଧାତା ଲେଖିଛି ସେ ଅଟେ ଭାଗ୍ୟ ବିଧାତା।
ଜୀବନ ଅଟଇ ସ୍ବଚ୍ଛ ମୁକୁର ସବୁତ ପ୍ରତିଫଳିତ
ଛାୟା ପ୍ରଛାୟା ର ଖରା ଛାଇ ଖେଳ
ଚାଲିଅଛି,
ଅବିରତ।
କାନ୍ଦରୁ ଜୀବନ ଆରମ୍ଭ ହୁଅଇ
କାନ୍ଦରେ ହୁଅଇ,
ଶେଷ
ଜୀବନ ସଉଦା କାନ୍ଦରେ
ସରଇ,
ହରି ନାମ ଗୋଟି ସତ୍ୟ।
ଜନରଞ୍ଜନପ୍ରଧାନ
ଆଳୋଇ
ବାଲିପାଟଣା
ଖୋର୍ଦ୍ଧା
