ଜଣାଣ
ମାନଗୋବିନ୍ଦ ସ୍ବାଇଁ
ଚିନ୍ତାମଣି ଚିନ୍ତା ଦୂର କର ବ୍ୟଥା
ପାପ ଯାଉ ଦୂର ଛାଡ଼ି
ମୁକ୍ତି କରି ଦିଅ ଏ ଅଧମ ପାପି
ସିଂହ ଦ୍ବାର ଅଛି ପଡ଼ି।
ଥରେ ଚାହିଁ ଦେଲେ ମୁକ୍ତି ପାଇ ଯିବି
ରହିବି ପ୍ରଭୁ ସେବାରେ
ଅନେକ ଦୂରରୁ ଧାଇଁ ଆସିଅଛି
ଘେନ ମୋ ପ୍ରାର୍ଥନା ବାରେ।
ତୁମେ ନ ଚାହିଁଲେ କିଏବା ଚାହିଁବ
ଆଶା ମୋ ତୁମ ଉପରେ
ପବିତ୍ର ହୋଇବା ତୋବାନା ଚାହିଁଲେ
ଆଶୀର୍ବାଦ ମୋ ଭାଗ୍ୟରେ।
ଅନୁରୋଧ କରି ଯାଉଅଛି ହାରି
କେବେ ଶୁଣିବ ଗୁହାରୀ
ପଥ ଅନୁସରି ବସି ଅଛି ହରି
ସତେକି ଦେବ ପାଶେରି।
କରୁଛି ଜଣାଣ ଶୁଣ ଦୁଃଖ ମାନ
ଏମିତି ଭୋଗିବା କଷ୍ଟ
ତୁମେ ଥାଉ ପ୍ରଭୁ ଦେଖା ଦିଅ ବେଳ
ବିପଦ ଯାଉ ଯେ ନଷ୍ଟ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
