ନର୍ଲା ଠାରେ ଆର୍ଟ ଅଫ ଗିଭିଂ କାର୍ଯ୍ୟକ୍ରମ
ନର୍ଲା(ମନିସ)କଳାହାଣ୍ଡି ଜିଲ୍ଲା ନର୍ଲା ବ୍ଲକ ସମ୍ମିଳନୀ କକ୍ଷ ଠାରେ ଡ. ଅଚ୍ୟୁତ ସାମନ୍ତ ଙ୍କ ପ୍ରେରଣାରେ ଆର୍ଟ ଅଫ ଗିଭିଂ ବ୍ଲକ ସ୍ତରୀୟ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଅଚ୍ୟୁତ ସାମନ୍ତଙ୍କ ଜୀବନଦର୍ଶନକୁ ଭିତ୍ତି କରି ୨୦୧୩ ମସିହାରୁ ପାଳନ ହୋଇଆସୁଥିବା ଏହି କାର୍ଯ୍ୟକ୍ରମ ସମାଜସେବୀ, ବରିଷ୍ଠ ବ୍ୟକ୍ତି , ସାଧାରଣ ଜନତା , ମିଶନ 
ଶକ୍ତିର ମହିଳା ଓ ଅଭିଭାବକ ମାନଙ୍କୁ ନେଇ ଅତି ଶୃଙ୍ଖଳିତ ଭାବରେ ପାଳନ ହୋଇଆସୁଛି । ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ନର୍ଲା ବ୍ଲକ ଉପାଧ୍ୟକ୍ଷ ଦୁର୍ଗାପ୍ରସାଦ ମହାନ୍ତି , ସମ୍ମାନୀତ ଅତିଥି ଭାବେ ବୈଦ୍ୟରାଜ ପବିତ୍ର ଶବର , ଶିକ୍ଷାବିତ୍ ଜିତେନ୍ଦ୍ର କୁମାର ବିଶ୍ବାଳ, ପୂର୍ବତନ ଜିଲ୍ଲା ପରିଷଦ ସଦସ୍ୟା ରୀନା ଭୋଇ, ଯୁବ ସ୍ଵେଚ୍ଛାସେବୀ ପ୍ରକାଶ ଚନ୍ଦ୍ର ଭୋଇ, ସତ୍ୟସାଇ ସେବା ସଙ୍ଗଠନ ର ସଦସ୍ୟା ପଙ୍କଜିନି ନାୟକ ପ୍ରମୁଖ ଅତିଥି ଉପସ୍ଥିତ ଥିଲେ। କାର୍ଯ୍ୟକ୍ରମରେ ନିଃସ୍ୱାର୍ଥପର ସେବା ପ୍ରଦାନ କରିଥିବା ବ୍ୟକ୍ତି ମିଲନ କୁମାର ଭୋଇଙ୍କ ସମେତ ସମସ୍ତ ଅତିଥିବୃନ୍ଦଙ୍କୁ ସମ୍ବର୍ଦ୍ଧିତ କରାଯାଇଥିଲା । ବିଦ୍ୟାଳୟର ଛାତ୍ରୀ ମାନଙ୍କୁ ଅତିଥି ମାନଙ୍କ ଦ୍ଵାରା କଲମ ବଣ୍ଟନ କରାଯାଇଥିଲା । ପରବର୍ତ୍ତୀ ପର୍ଯ୍ୟାୟରେ କେତେ ଜଣ ପ୍ରତିଭାଶାଳୀ ଛାତ୍ରୀ ନୃତ୍ୟ ପରିବେଷଣ କରି କାର୍ଯ୍ୟକ୍ରମକୁ ସରସ ସୁନ୍ଦର କରିଥିଲେ । ଏହି କାର୍ଯ୍ୟକ୍ରମକୁ କଳାହାଣ୍ଡି କିସ୍ର ଶିକ୍ଷକ ଟୁକୁଲାଲ ଶବର ଓ କ୍ଷୀରସିନ୍ଧୁ ସାହୁ ପରିଚାଳନା କରିଥିବାବେଳେ ତାଙ୍କୁ ସହଯୋଗ କରିଥିଲେ ମଶାଣିବନ୍ଦ ସ୍କୁଲର କ୍ରୀଡା ଶିକ୍ଷକ ଅଜିତ କୁମାର ନାଏକ।କିସର ପୂର୍ବତନ ଛାତ୍ର ଗୋପୀନାଥ ଶବର, ଅଭିଭାବକ ପ୍ରମୁଖ ସହଯୋଗ କରି କାର୍ଯ୍ୟକ୍ରମଟିକୁ ସଫଳ କରିଥିଲେ । ପରିଶେଷରେ ଜଳନ୍ଧର ପାତ୍ର ଧନ୍ୟବାଦ୍ ଅର୍ପଣ କରି କାର୍ଯ୍ୟକ୍ରମସାଙ୍ଗ କରିଥିଲେ ।
ଦୀପକ ଠାକୁର ଙ୍କ ସହ ପ୍ରଦୀପ କୁମାର ଗଉଡ ନର୍ଲା ମସୀହା ପ୍ରତିନିଧି
