ଆଦର୍ଶ ବିଦ୍ୟାଳୟ କୁ ଗଣଶିକ୍ଷା ମନ୍ତ୍ରୀ ଙ୍କ ଅଚାନକ ଗସ୍ତ, ବିଦ୍ୟାଳୟ ପରିସର ଅପରିଷ୍କାର ଦେଖି କ୍ଷୋଭ ପ୍ରକାଶ
ଡାବୁଗାଁ, ୨୭/୬ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦରମହକୁମା ସ୍ଥିତ ଓଡ଼ିଶା ଆଦର୍ଶ ବିଦ୍ୟାଳୟ କୁ ରାଜ୍ୟ ବିଦ୍ୟାଳୟ ଓ ଗଣଶିକ୍ଷା, ଅନୁସୂଚିତ ଜାତି ଓ ଜନଜାତି ସଂଖ୍ୟାଲଘୁ, ସାମାଜିକ ସୁରକ୍ଷା ଓ ଭିନ୍ନକ୍ଷମ ବିଭାଗ ମନ୍ତ୍ରୀ ନିତ୍ୟାନନ୍ଦ ଗଣ୍ଡ ଗୁରୁବାର ଅଚାନକ ଗସ୍ତ କରିଛନ୍ତି । ସେ ବିଦ୍ୟାଳୟ କୁ ଯିବା ପରେ ସମସ୍ତ ଶ୍ରେଣୀଗୃହ ବୁଲି ସୁବିଧା ଅସୁବିଧା ବିଷୟରେ ଛାତ୍ରୀ ଛାତ୍ର ଙ୍କୁ ପଚାରିଥିଲେ । ପରେ ବିଦ୍ୟାଳୟ ର ସମସ୍ତ କକ୍ଷ ବୁଲି 
ଥିଲେ । ବିଦ୍ୟାଳୟ ର ସ୍ୱଚ୍ଛତା ଠିକ ନଥିବା ରୁ ବିଦ୍ୟାଳୟ ର ଅଧକ୍ଷ ଙ୍କ ଉପରେ କ୍ଷୋଭ ପ୍ରକାଶ କରିଥିଲେ । ବିଦ୍ୟାଳୟ ରେ ଥିବା ଛାତ୍ର ଶୌଚାଳୟ ବୁଲି ତାର ଅବସ୍ଥା ଠିକ ନଥିବା ଦେଖିଥିଲେ। ବିଦ୍ୟାଳୟ ରେ ରନ୍ଧା ଯାଉଥିବା କକ୍ଷ ଓ ସାମଗ୍ରୀ ଦେଖି ଥିଲେ । ବିଦ୍ୟାଳୟ ରେ ପାଠ ପଢା କିପରି ଭାବରେ ହେଉଛି ତାହା ମଧ୍ୟ ଛାତ୍ରୀ ଛାତ୍ର ଙ୍କ ସହ ଆଲୋଚନା କରିଥିଲେ। ପରେ ସମସ୍ତ ପ୍ରକାର ଅସୁବିଧା ଦେଖି ବିଦ୍ୟାଳୟ ର ଅବ୍ୟବସ୍ଥା ନେଇ ବିଦ୍ୟାଳୟ ର ଅଧକ୍ଷ ଓ ଶିକ୍ଷୟତ୍ରୀ ଶିକ୍ଷକ ଙ୍କ ସହ ଆଲୋଚନା କରି ଆଗମୀ ଦିନରେ ଯେପରି ଏହି ଅବ୍ୟବସ୍ଥା ନ ହୁଏ ସେ ନେଇ ବିଦ୍ୟାଳୟ ର ସମସ୍ତ କର୍ମଚାରୀ ଙ୍କୁ ତାଗିଦ କରିଥିଲେ। ମନ୍ତ୍ରୀ ଙ୍କ ସହ ଡାବୁଗାଁ ଭାଜପା ର କର୍ମୀ ମାନେ ଉପସ୍ଥିତ ଥିଲେ ।
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
