ପାଣିରେ ବୁଡି ବୃଦ୍ଧ ମୃତ
ଡାବୁଗାଁ, ୨୭/୬ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ର କୋଇଲାରୀ ପଞ୍ଚାୟତ ଅଧୀନ ବଡକୋଇଲାରୀ ଗ୍ରାମରେ ପାଣିରେ ବୁଡି ଜଣେ ବୃଦ୍ଧ ଙ୍କ ଗୁରୁବାର ମୃତ୍ୟୁ ଘଟିଛି | ସୂଚନାଯୋଗ୍ୟ:- ଡାବୁଗାଁ ବ୍ଲକ ର କୋଇଲାରୀ ପଞ୍ଚାୟତ ଅଧୀନ ବଡକୋଇଲାରୀ ଗ୍ରାମର ଦୁପୁତ ଭତ୍ରା (୬୬) ଆଜି ଭୋରରୁ ଉଠି ଶୌଚ ପାଇଁ ଗ୍ରାମ ପାଖ ପୋଖରୀ କୁ ଯାଇଥିଲେ | ଶୌଚ ସମୟରେ ତାଙ୍କ ଗୋଡ ଖସି ଯାଇ ପାଣିରେ ବୁଡୁ ଯାଇଥିଲେ | ଫଳରେ ତାଙ୍କ ମୃତ୍ୟୁ ଘଟିଥିଲା | ସକାଳୁ ଗ୍ରାମର ଲୋକେ ପୋଖରୀକୁ ଗାଧୋଇବାକୁ ଯାଇ ଦେଖିଥିଲେ ଯେ ଦୁପୁତ ମାରି ପାଣିରେ ଭାସୁଛି | ପରେ ଗ୍ରାମବାସି ତାଙ୍କ ପରିବାର ଲୋକ ଙ୍କୁ ଖବର ଦେଇଥିଲେ | ଖବର ପାଇ ପରିବାର ଲୋକେ ଆସି ଦେଖିଥିଲେ | ପରେ ମୃତକଙ୍କ ପୁଅ ରାଜାରାମ ଭତ୍ରା ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲା କୁ ଭିତ୍ତି କରି ଥାନା ସବଇନିସ୍ପେକ୍ଟର ବିଜୁରାମ ବାଘ ଘଟଣାସ୍ଥଳରେ ପହଞ୍ଚିବା ପରେ ଶବକୁ ପାଣିରୁ ଉଦ୍ଧାର କରଯାଇଥିଲା | ପରେ ପଞ୍ଚନାମା କରାଯାଇ ବେବଚ୍ଛେଦ ପାଇଁ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିଲେ | ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରଯାଇଥିଲା | ଏନେଇ ଥାନା କେସ ନଂ ୨୩/୨୪ ରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
