ଜ୍ଞାନଜ୍ୟୋତି ପବ୍ଲିକ ସ୍କୁଲରେ ବନ ମହୋତ୍ସବ ଅନୁଷ୍ଠିତ
ରାଉରକେଲା,: ସେକ୍ଟର ୧୯ ସ୍ଥିତ ଜ୍ଞାନଜ୍ୟୋତି ପବ୍ଲିକ ସ୍କୁଲରେ ସପ୍ତାହବ୍ୟାପି ବନ ମହୋତ୍ସବ ଅନୁଷ୍ଠିତ ହୋଇଯାଇଛି l ଏହି ଉପଲକ୍ଷେ ପିଲାଙ୍କ ମଧ୍ୟରେ କୁଇଜ, ପ୍ରବନ୍ଧ, ରଚନା, ଚିତ୍ରାଙ୍କନ ପ୍ରଭୃତି ପତିଯୋଗିତା ଅନୁଷ୍ଠିତ ହୋଇଥିଲା l
ଉଦଯାପନୀ ଉତ୍ସବରେ ରାଉରକେଲା ଡ଼ିଏଫଓ ଯଶବନ୍ତ ସେଠି ମୁଖ୍ୟ ଅତିଥିଭାବେ ଯୋଗ ଦେଇ କାର୍ଯ୍ୟକ୍ରମ ର ଉଦଘାଟନ କରିଥିଲେ l ସେ ତାଙ୍କ ବକ୍ତବ୍ୟରେ ବୃକ୍ଷର ଉପକାରିତା ସମ୍ପର୍କ ରେ ଆଲୋକପାତ କରି ପ୍ରତେକ ଛାତ୍ର ଛାତ୍ରୀ ୨ଟି ଲେଖାଏଁ ବୃକ୍ଷ ଲଗାଇବା ଓ ତାହାର ଯତ୍ନ ନେବାକୁ ଆହ୍ୱାନ ଦେଇଥିଲେ l ରାଉରକେଲା ଫରେଷ୍ଟ ଡିଭିଜନ ପକ୍ଷରୁ ରହିଥିବା ବନିକରଣ ଯୋଜନା ସମ୍ପର୍କ ରେ ମଧ୍ୟ ସୂଚନା ଦେଇଥିଲେ l
ୱାଇ.ଏମ.ଏଫ.ଆଇ ର ସାଧାରଣ ସମ୍ପାଦକ ବିବେକାନନ୍ଦ ଦାସ ସମ୍ମାନିତ ଅତିଥିଭାବେ ଯୋଗଦେଇ କହିଲେଯେ ଜଳବାୟୁ ପରିବର୍ତନ ର ପ୍ରଭାବ ଓ ଉତ୍ତାପ ବୃଦ୍ଧିକୁ ରୋକିବା ପାଇଁ ବୃକ୍ଷ ରୋପଣ ଓ ଏହାର ସଂରକ୍ଷଣ ଜରୁରୀ l ସ୍କୁଲର ଅଧ୍ୟକ୍ଷ ଜଳଧର ମହାପାତ୍ର ସ୍ୱାଗତ ଭାଷଣ ପ୍ରଦାନ ସହ ବନ ମହୋତ୍ସବ ସମ୍ପର୍କରେ ପିଲାଙ୍କୁ ସଚେତନ କରାଯାଇ ଆସୁଥିବା କହିଥିଲେ l ସ୍କୁଲ ର ଉପାଧ୍ୟକ୍ଷ ଲଲାଟେନ୍ଦୁ ମହାନ୍ତି ଅନ୍ୟତମ ଅତିଥି ଭାବେ ମଂଚାସୀନ ଥିଲେ l ଏହି ଅବସରରେ ପିଲାଙ୍କ ପକ୍ଷରୁ ବୃକ୍ଷ ଛେଦନର ପ୍ରଭାବ, ଔଷଧୀୟ ବୃକ୍ଷର ଆବଶ୍ୟକତା, ପରିବେଶ ସୁରକ୍ଷା ଓ ବୃକ୍ଷ ରୋପଣ ପ୍ରଭୃତି ସମ୍ପର୍କରେ ଛାତ୍ର ଛାତ୍ରୀ ମାନେ କ୍ଷୁଦ୍ର ନାଟକମାନ ସୁନ୍ଦର ଢଙ୍ଗର ପରିବେଷଣ କରିଥିଲେ l ପୂର୍ବରୁ ଅନୁଷ୍ଠିତ ପ୍ରତିଯୋଗିତା ରେ କୃତୀ ପ୍ରତିଯୋଗୀଙ୍କୁ ଅତିଥି ଙ୍କ ଦ୍ୱାରା ପୁରସ୍କୃତ କରାଯାଇଥିଲା l ଏଥିସହ ସ୍କୁଲ ପରିସରରେ ଅତିଥି ମାନେ ଚାରା ରୋପଣ କରିଥିଲେ l ଇକୋ କ୍ଲବର ସଂଯୋଜିକା ଓ ସ୍କାଉଟ ଗାଇଡ଼ ଛାତ୍ର ଛାତ୍ରୀ ମାନେ ସାମିଲ ହୋଇଥିଲେ l
କାର୍ଯ୍ୟକ୍ରମ କୁ ଶିକ୍ଷୟତ୍ରୀ ଶୁଭ୍ରା ମିଶ୍ର ସଂଯୋଜନା କରିଥିଲେ l ଶେଷରେ ଶିକ୍ଷୟତ୍ରୀ ପୁର୍ଣ୍ଣିମା ମୁଖି ଧନ୍ୟବାଦ ଅର୍ପଣ କରିଥିଲେ l କାର୍ଯ୍ୟକ୍ରମ ପରିଚାଳନାରେ ସ୍କୁଲର ସମସ୍ତ ଶିକ୍ଷକ ଓ ଶିକ୍ଷୟତ୍ରୀ ମାନେ ସହଯୋଗ କରିଥିଲେ l
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
