ବର୍ଷା ସାଜିଲା କାଳ, ଗାଁକୁ ରାସ୍ତା ନଥିବାରୁ ତିନି କିମି ଭାରରେ ବୁହା ହେଲେ ଆଦିବାସୀ ଗର୍ଭବତୀ
ବନ୍ଧୁଗାଁ,୨୪/୭/୨୪–ଥମୁନି ଜନନୀ ଯନ୍ତ୍ରଣା।ପୁଣି ଭାରରେ ବୁହା ହେଲେ ଗର୍ଭବତୀ ମହିଳା । ଗାଁ କୁ ରାସ୍ତା ନଥିବାରୁ ତିନି କିମି ବର୍ଷା ରେ ବୁହା ହୋଇ ଆମ୍ବୁଲାନ୍ସ ନିକଟକୁ ଆସିଲେ ଗର୍ଭବତୀ I ଗାଁକୁ ରାସ୍ତା ,ମା କୁ ସନ୍ନମାନର ଆଉ ଏକ ବାସ୍ତବ ଚିତ୍ର।ଘଟଣାଟି ଘଟିଛି କୋରାପୁଟ ଜିଲ୍ଲା ନାରାୟଣପାଟଣା ବ୍ଲକ ତଳଗୁମାଣ୍ଡି ପଂଚାୟତର ଡୋକରୀ ଘାଟି ରେ । ଡକରୀଘାଟି ଗାଁକୁ ରାସ୍ତା ନାହିଁ ଯାହା ହୋଇଥିଲା ମନରେଗା ଯୋଜନାରେ ବର୍ଷାରେ ଧୋଇ ନଷ୍ଟ ହୋଇଗଲା । ଫଳରେ ବର୍ଷା ଲାଗିରହିଥିବା ବେଳେ କାଦ ପଚପଚ ଜଙ୍ଗଲ ରାସ୍ତା ରେ ଜରି ଘୋଡେ଼ଇ ବାଉଁଶ ଠେଙ୍ଗା ଭାରରେ କାନ୍ଧ ରେ ବୁହା ହୋଇ ଆମ୍ବୁଲାନ୍ସ ନିକଟକୁ ତିନି କିଲୋମିଟର ଅତିକ୍ରମ କରି ଆସିଲେ ଗର୍ଭବତୀ ମହିଳା ।
ଡୋକରୀଘାଟି ଗାଁର ରମେଶ ତାଡିଙ୍ଗି ଙ୍କ ସ୍ତ୍ରୀ ରୋଜୀ ତାଡିଙ୍ଗି ଆଜି ସକାଳୁ ଗର୍ଭ ଯନ୍ତ୍ରଣାରେ ଛଟପଟ ହୋଇଥିଲେ । ଗତ ରାତିରୁ ବର୍ଷା ଲାଗିରହିଥିବାରୁ କାଦ ପଚପଚ ରାସ୍ତା ରେ ଗାଁ କୁ ଆମ୍ବୁଲାନ୍ସ ଆସିବା ସମ୍ଭବ ହୋଇନଥିଲା । ଫଳରେ ଆମ୍ବୁଲାନ୍ସ ତଳଗୁମାଣ୍ଡି ରେ ଅଟକି ରହି ଥିଲା । ବାଧ୍ୟ ହୋଇ କୈାଣସି ଉପାୟ ନପାଇ ବାଉଁଶ ଠେଙ୍ଗାକୁ ଭାର କରି ସେଥିରେ ଏକ ଲୁଗା ବାନ୍ଧି ଜରି ଘୋଡେଇ ତିନି କିମି ବୁହା ହୋଇ ଆସିଲେ ଗର୍ଭବତୀ । ଏ ଦୁଃଖ କୁ ଗାଁ ର ଗ୍ରାମବାସୀ ମାନେ ଭିଡିଓ କରି କିପରି ଗର୍ଭବତି ବୁହାହୋଉଛଛନ୍ତି , ଗାଁ ର ସମସ୍ୟା ବଖାଣିଛନ୍ତି । ଅନ୍ୟପଟେ ରୋଗୀ ଆମ୍ବୁଲାନ୍ସ ସହଯୋଗ ରେ ଡାକ୍ତରଖାନା ରେ ଭର୍ତି ହୋଇ ଏକ ଶିଶୁକନ୍ୟା ଜନ୍ମ ଦେଇଛନ୍ତି । ଉଭୟ ମାଁ ଓ ଶିଶୁ କନ୍ୟା ସୁସ୍ଥ ଥିବା ଡାକ୍ତରଖାନା କର୍ତ୍ତୃପକ୍ଷ କହିଛନ୍ତି I
ସଂଜୀବ କୁମାର ବାଙ୍ଗାରି ଙ୍କ ରିପୋର୍ଟ୍
