ବିଭାଗୀୟ ଅଧିକାରୀଙ୍କ ମିଳିତ ଚଢ଼ାଉ, ୩ କ୍ରସର ସିଲ୍
ଖଇରା,୨୫/୭/୨୪ – ବାଲେଶ୍ଵର ଜିଲ୍ଲା ଖଇରା ବ୍ଲକ ଖଇରା ତହସିଲ ଅଧିନରେ ଥିବା ଶାରିଶୁଆ ପାହାଡ଼ ଅଞ୍ଚଳରେ ବେଆଇନ ଭାବେ ବହୁ କ୍ରସର ଚାଲିଥିଲା । ତା ୨୫/୭/୨୪ ରିଖ ଗୁରୁବାର ଅପରାହ୍ନରେ କ୍ରସର ଯାଞ୍ଚ ପ୍ରକ୍ରିୟା ଆରମ୍ଭ ହୋଇଛି । ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ଆଞ୍ଚଳିକ ଅଧିକାରୀ ଭୀମଚ ରଣ ମାରାଣ୍ଡିଙ୍କ ନେତୃତ୍ୱରେ ବିଭିନ୍ନ ବିଭାଗର ଅଧିକାରୀଙ୍କୁ ନେଇ ଟିମ୍ ଗଠନ କରାଯାଇ କୁପାରି ଅଞ୍ଚଳରେ ଚାଲିଥିବା କ୍ରସର ଗୁଡିକର କାଗଜପତ୍ର ଯାଞ୍ଚ କରାଯାଇଥିଲା । ଯେଉଁଥିରେ ପ୍ରଦୃଷଣ ରୋକିବାକୁ ଗୁରୁତ୍ବ ଦିଆଯାଇଥିଲା । ଉକ୍ତ ଟିମ୍ ରେ ଜିଲ୍ଲା ଖଣି ଅଧିକାରିଣୀ ସନ୍ତୋଷିପ୍ରଭା ସେଠୀ, ଫରେଷ୍ଟର ନରେଶ ସିଂ, ରେଞ୍ଜର ମନୋରଞ୍ଜନ ନାୟକ, ଖଇରା ତହସିଲଦାର ସବ୍ୟସାଚୀ ଜେନା, ଅତିରିକ୍ତ ତହସିଲଦାର ସନ୍ଦୀପ ଶୁଭଦର୍ଶନ ଧଳ, ଖଇରା ଆଇଆଇସି ଗୟାଧର ବେହେରା, ପ୍ରମୁଖ ସାମିଲ ହୋଇଥିଲେ । ସେହିପରି ତା ୨୬/୭/୨୪ ରିଖ ଶୁକ୍ରବାର ଦିନ ମଧ୍ୟ ଅନ୍ୟ କ୍ରସର ଗୁଡ଼ିକ ଯାଞ୍ଚ କରାଯିବ । କାଗଜପତ୍ର ଓ ଅନ୍ୟାନ୍ୟ ଆନୁଷଙ୍ଗିକ ତଥ୍ୟ ଉପରେ ସମୀକ୍ଷା କରାଯିବା ପରେ ବାକି କ୍ରସର ଗୁଡ଼ିକ ସମ୍ପର୍କରେ ନିଷ୍ପତ୍ତି ନିଆଯିବା ବୋଲି ଜିଲ୍ଲା ଖଣି ଅଧିକାରିଣୀ ସନ୍ତୋଷିପ୍ରଭା ସେଠୀ କହିଛନ୍ତି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
