ଓକିଲ ଙ୍କ ଠାରୁ ଲୁଟ ସହ ରାଜପୁର ଗାଁ ରେ ସଶସ୍ତ୍ର ଡକାୟତି
( ଜୁନାଗଡ଼ ରେ ଆଇନ ଶୃଙ୍ଖଲା ବିପର୍ଯ୍ୟସ୍ତ )
ଜୁନାଗଡ଼୧/୮(ମନୀସ) – ଗତ ୨୮ ତାରିକ ସକାଳ ୬ଘଣ୍ଟା ସମୟରେ ଚି଼ଚେଇଗୁଡା ରାସ୍ତା ରେ ଓକିଲ ସୁଦିପ ପୁଝରୀ ଙ୍କୁ ମରଣାସ୍ତ୍ର ଦେଖାଇ ଚାରିଜଣ ଡକାୟତ ୧୬ ହଜାର ଟଙ୍କା ଓ ସୁନା ଚେନ ଲୁଟିବା ଘଟଣା ମନ ରୁ ନ ଯାଉଣୁ ଜୁନାଗଡ଼ ଥାନା ଅନ୍ତର୍ଗତ ରାଜପୁର ଗାଁ ରେ ଗତ କାଲି ବିଳମ୍ବିତ ରାତ୍ରି ରେ ସଶସ୍ତ୍ର ଡକାୟତ ହୋଇଛି l ରାଜପୁର ଗାଁ ର ବ୍ୟବସାୟୀ ବୈଶାନର ନାଏକ ତାଙ୍କ ସ୍ତ୍ରୀ ଓ ତାଙ୍କ ଶାଶୁ ଶୋଇ ଥିବା ବେଳେ ବିଳମ୍ବିତ ରାତ୍ରି ରେ ୧୦ ରୁ ଉର୍ଦ୍ଧ୍ୱ ଡକାୟତ ରାତି ଘର କୁ ପଶି ମାରଣାସ୍ତ୍ର ଦେଖାଇ ଏବଂ ତାଙ୍କ ଶାଶୁ ଙ୍କୁ ମାରଣାସ୍ତ୍ର ରେ ଆକ୍ରମଣ କରିଥିବା ଅଭିଯୋଗ ହୋଇଛି l ପ୍ରାୟ ପାଞ୍ଚ ଲକ୍ଷ ଟଙ୍କା ଓ ୧୪ ଭରି ସୁନା ନେଇ ଯାଇଥିବା ଜଣାପଡିଛି l ଘଟଣା ସ୍ଥଳ ରେ ଚିଲିଗୁଡା ଫାଣ୍ଡି ଅଧିକାରୀ, ଜୁନାଗଡ଼ ଥାନା ଅଧିକାରୀ, ଧର୍ମଗଡ଼ ଏସ ଡି ପି ଓ, ସାଇଣ୍ଟିଫିକ ଟିମ ସହିତ କଳାହାଣ୍ଡି ଏସ ପି ଘଟଣା ର ତଦନ୍ତ କରୁଛନ୍ତି l ଆଇନ ପରିସ୍ଥିତି ନିୟନ୍ତ୍ରଣ କୁ ଆଣିବା ଓ ଡକାୟତ ଙ୍କୁ ତୁରନ୍ତ ଗିରଫ ଦାବୀ ସହ ପେଟ୍ରୋଲିଙ୍ଗ କଡ଼ାକୁଡି କରିବା ପାଇଁ ଓକିଲ ସଂଘ ସଭାପତି କୈଳାଶ ଚୌଧୁରୀ ଙ୍କ ନେତୃତ୍ୱ ରେ ଓକିଲ ସଂଘ ସ୍ଥାନୀୟ ଆଇ ଆଇ ସି ଉଲ୍ଲାସ ରାଉତ ଙ୍କୁ ଭେଟି ଦାବୀ ଜଣାଇଥିଲେ l ପରିସ୍ଥିତି ନିୟଂତ୍ରଣ ନ ହେଲେ ଓକିଲ ସଂଘ ଜିଲ୍ଲା ଏସ ପି ଙ୍କୁ ଭେଟିବା ପାଇଁ ନିଷ୍ପତି ନିଆଯାଇ ଥିବା ଜଣାଇଛନ୍ତି l ଖୁବ ଶୀଘ୍ର ଡକାୟତ ଙ୍କୁ ଧରାଯିବ ବୋଲି ଥାନାଧିକାରୀ ଶ୍ରୀ ରାଉତ ଜଣାଇଛନ୍ତି l ସେହିପରି ଚିଲିଗୁଡା ଫାଣ୍ଡି କୁ ଏକ ଗାଡି ଓ ଷ୍ଟାଫ ଦେବା ପାଇଁ ଅଂଚଳବାସି ଏସ ପି ଙ୍କୁ ଅନୁରୋଧ କରିଛନ୍ତି।
ଜୁନାଗଡ଼ ରୁ ନରେନ୍ଦ୍ର କ୍ଷିତି ଙ୍କ ରିପୋର୍ଟ୍
