ଧର୍ମଗଡ ପଞ୍ଚାୟତ ସମିତି ର ସଧାରଣ ବୈଠକ ଅନୁଷ୍ଠିତ
କଳାହାଣ୍ଡି ଜିଲ୍ଲା ଧର୍ମଗଡ ପଞ୍ଚାୟତ ସମିତି ର ଅଷ୍ଟମ ସଧାରଣ ବୈଠକ ଆଜି ବ୍ଲକ ସମ୍ମିଳନୀ କକ୍ଷ ଠାରେ ଅନୁଷ୍ଠିତ ହୋଇଯାଇଅଛି । ବ୍ଲକ ଅଧ୍ୟକ୍ଷା ଶ୍ରୀମତୀ ବବିତା ପଟ୍ଟଯୋଶୀ ଙ୍କ ଅଧ୍ୟକ୍ଷତା ରେ ଆୟୋଜିତ ଏହି କାର୍ଯ୍ୟକ୍ରମରେ ରେ ମୂଖ୍ୟ ଅତିଥି ଭାବେ ଧର୍ମଗଡ ବିଧାୟକ ସୁଧିର ରଞ୍ଜନ ପଟ୍ଟଯୋଶୀ ଯୋଗ ଦେଇଥିଲେ । ଅନ୍ୟ ମାନଙ୍କ ମଧ୍ୟ ରେ ତହସିଲଦାର ସଞ୍ଜୟ କୁମାର ସାମନ୍ତରା, ସାଂସଦ ପ୍ରତିନିଧି ଲକ୍ଷ୍ମୀ କାନ୍ତ ବାଗ, ଉପାଧ୍ୟକ୍ଷ ଶ୍ରୀମତୀ ଜୁଲି ମେହେର ପ୍ରମୁଖ ମଞ୍ଚାସିନ ଥିଲେ ।
ବିଡିଓ ଶରତ କୁମାର ପାତ୍ର ସ୍ୱାଗତ ଅଭିଭାଷଣ ପ୍ରଦାନ କରିଥିଲେ । କୃଷି, ସ୍ବାସ୍ଥ୍ୟ ସେବା, ଶିଶୁ ବିକାଶ, ଅବକାରୀ, ବିଦ୍ୟୁତ, ପ୍ରାଣୀ ସମ୍ପଦ, ଜଳ ଛାୟା ଓ ମୂର୍ତ୍ତିକା ସଂରକ୍ଷଣ, ମସ୍ୟ, ପାନୀୟ ଜଳ ଓ ପରିମଳ, ଜଙ୍ଗଲ ଓ ଲଘୁ ବନ ଜାତୀୟ ଦ୍ରବ୍ୟ ପରିଚାଳନା, ଆଦିବାସୀ ଓ ହରିଜନ କଲ୍ୟାଣ, ରାସ୍ତା ଓ ଗୃହ ନିର୍ମାଣ, ଜଳସେଚନ ବ୍ୟବସ୍ଥା ,ଗ୍ରାମ୍ୟ ଉନ୍ନୟନ, ପ୍ରଧାନମନ୍ତ୍ରୀ ଗ୍ରାମୀଣ ଆବାସ ଯୋଜନା, ସଧାରଣ ବଣ୍ଟନ ବ୍ୟବସ୍ଥା, ଓଡ଼ିଶା ଜୀବିକା ମିଶନ ଓ ସ୍ୱଚ୍ଛ ଭାରତ ମିଶନ ଆଦି ଉପରେ ଆଲୋଚନା ହୋଇଥିଲା । ଏହି ଅବସର ରେ ବିଧାୟକ ୧୨୫ ଜଣ ନୂତନ ହିତାଧିକାରୀ ଙ୍କୁ ଭତ୍ତା ବଣ୍ଟନ କରି ଥିଲେ । ବିଭିନ୍ନ ପଞ୍ଚାୟତ ର ସରପଞ୍ଚ,ସମିତି ସଭ୍ୟ ଙ୍କ ସମେତ ବିଭିନ୍ନ ଲାଇନ ବିଭାଗ ର ଅଧିକାରୀ ମାନେ ବୈଠକରେ ଉପସ୍ଥିତ ଥିଲେ । ବୈଠକ ର ବିବରଣୀ ପ୍ରଦାନ ରେ ବିଳମ୍ବ କୁ ନେଇ ସରପଞ୍ଚ ସମିତି ସଭ୍ୟ ମାନେ ଅସନ୍ତୋଷ ପ୍ରକାଶ କରି ଥିଲେ । ଜୀପିଓ ଦେବୀ ପ୍ରାସାଦ ମେହେର କାର୍ଯ୍ୟକ୍ରମ ସଞ୍ଚାଳନ ଓ ଧନ୍ୟବାଦ ଅର୍ପଣ କରିଥିଲେ ।
ବିଦ୍ୟାଧର ସାହୁଙ୍କ ରିପୋର୍ଟ….
