ଇସ୍ରୋ ର ବୈଜ୍ଞାନିକ ମାନେ ସରକାରୀ ସ୍କୁଲ ର ଛାତ୍ରଛାତ୍ରୀ.. ନିରଞ୍ଜନ
ପାଟଣାଗଡ ତା 15.08 // ୭୮ତମ ସ୍ୱାଧୀନତା ଦିବସରେ ପାଟଣାଗଡ ବ୍ଲକ ମରୁଆ ପଞ୍ଚାୟତ ର ପାଣ୍ଡ୍ରିପାଣି ସରକାରୀ ପ୍ରାଥମିକ ବିଦ୍ୟାଳୟ ରେ ମୁଖ୍ୟ ଅତିଥି ଭାବରେ ରାଜ୍ୟସଭା ସାଂସଦ ନିରଞ୍ଜନ ବିଶି ଯୋଗ ଦେଇଥିଲେ l ସ୍ୱାଧୀନତା ଦିବସ ପାଳନ ଅବସରରେ ତ୍ରିରଙ୍ଗା ଝଣ୍ଡା , ଜାତୀୟ ସଙ୍ଗୀତ ଏବଂ ସହିଦ ମାନଙ୍କ ବଳିଦାନ କୁ ସମ୍ମାନ ଜଣାଇବା ପାଇଁ ମହତ କାର୍ଯ୍ୟକ୍ରମ ରେ ଗ୍ରାମବାସୀ ଯୋଗଦେଇଥିଲେ l ମହୋତ୍ସବ ରେ ସାଂସଦ ଶ୍ରୀ ବିଶି ଉଦବୋଧନରେ ପ୍ରକାଶ କରିଥିଲେ ଯେ ଭାରତ ର ଚନ୍ଦ୍ରୟାନ ୩ ପ୍ରଥମେ ଚନ୍ଦ୍ରପୃଷ୍ଠ ର ଦକ୍ଷିଣମେରୁ ରେ ସଫଳତା ର ସହିତ ଅବତରଣ କରିଥଲା l ଏହି ଐତିହାସିକ ସଫଳତା ହାସଲ କରିବା ରେ ଭାରତୀୟ ଅନ୍ତରୀକ୍ଷ ଅନୁସନ୍ଧାନ ସଙ୍ଗଠନ (ଇସ୍ରୋ ) ର ବୈଜ୍ଞାନିକ ମାନଙ୍କୁ ବିଶ୍ୱବାସୀ ପ୍ରଶଂସା କରିଥିଲେ l ଇସ୍ରୋ ର ବୈଜ୍ଞାନିକ ମାନେ ହେଉଛନ୍ତି ସରକାରୀ ସ୍କୁଲ ରେ ଅଧ୍ୟୟନ କରିଥିବା ଛାତ୍ରଛାତ୍ରୀ l ଇଂରେଜ ମାନଙ୍କ ହାତରୁ ଭାରତଦେଶ କୁ ସ୍ୱାଧୀନତା ଆଣିଥିବା ସମସ୍ତ ମହାନ ସ୍ୱାଧୀନତା ସଂଗ୍ରାମୀ ମାନେ ମଧ୍ୟ ସରକାରୀ ବିଦ୍ୟାଳୟ ର ଛାତ୍ରଛାତ୍ରୀ ଥିଲେ l ଡାକ୍ତର, ଇଞ୍ଜିନିଅର, ବୈଜ୍ଞାନିକ, ରାଜନୈତିଜ୍ଞ, ପ୍ରଶାସକ, ଗବେଷକ, ସାହିତ୍ୟିକ, ଐତିହାସିକ, ସମାଜସେବୀ ମାନେ ମଧ୍ୟ୍ୟ ସରକାରୀ ବିଦ୍ୟାଳୟ ରେ ପାଠ ପଢିଥିବା ଛାତ୍ରଛାତ୍ରୀ l ତେଣୁ ସରକାରୀ ସ୍କୁଲ ରେ ପାଠ ପଢ଼ୁଥିବା ଛାତ୍ରଛାତ୍ରୀ ଦେଶର ଗର୍ବ ଏବଂ ଗୌରବ l ଆଜିର ଶିଶୁ କାଲିର ନେତା, ଛାତ୍ରଛାତ୍ରୀ ହେଉଛନ୍ତି ଭାରତ ର ଉଜ୍ବଳ ଭବିଷ୍ୟତ l ଦେଶର ଏକତା, ଅଖଣ୍ଡତା ଏବଂ ସର୍ବଭୌମତ୍ତ୍ୱ ରକ୍ଷା କରିବା ପ୍ରତ୍ୟେକ ନାଗରିକ ଙ୍କ ମୌଳିକ କର୍ତ୍ତବ୍ୟ ବୋଲି ସାଂସଦ ଶ୍ରୀ ବିଶି ଉଦବୋଧନ ଦେଇଥିଲେ l ଗାଁ ର ବିକାଶ ହେଲେ ଦେଶର ବିକାଶ ହେବ l ଗରିବ, କୃଷକ, ଆଦିବାସୀ, ମହିଳା ମାନଙ୍କ ବିକାଶ ହେଲେ ଭାରତ ର ବିକାଶ ସମ୍ଭବ l ଦେଶରେ ନାଗରିକ ମଧ୍ୟରେ ଶାନ୍ତି,ମୈତ୍ରୀ,ସଦଭାବନା, ଭାଇଚାରା ରହିଲେ ଗାନ୍ଧିଜୀ ଙ୍କ ସପ୍ନ ର ରାମରାଜ୍ୟ ପ୍ରତିଷ୍ଠା ହେବ ବୋଲି ରାଜ୍ୟସଭା ସାଂସଦ ନିରଞ୍ଜନ ବିଶି ପ୍ରକାଶ କରିଥିଲେ l
ବଲାଙ୍ଗିର ରୁ ଦୁର୍ଯ୍ୟୋଧନ ବର୍ଗେ ଙ୍କ ରିପୋର୍ଟ୍
