ନୂଆପଡା: ନୂଆପଡା ଜିଲ୍ଲା ଖଡିଆଳ ବ୍ଲକ ସମ୍ମଳନୀ କକ୍ଷରେ ଠାରେ ସାମ୍ଵାଦିକ ସଂଘ ଜର୍ଣ୍ଣାଲିଷ୍ଟ ଏସୋସିଏସନ ଅଫ ନୂଆପଡା ( ଜାନ୍ ) ର ଏକ ସାଧାରଣ ବୈଠକ ଅନୁଷ୍ଠିତ ହୋଇଯାଇଛି । ଆବାହକ ଘନଶ୍ୟାମ ଭୋଇଙ୍କ ଅଧ୍ୟକ୍ଷତା ଓ ବରିଷ୍ଠ ସାମ୍ଵାଦିକ ମାୟାଧର ସରାଫଙ୍କ ସଭା ପରିଚାଲନାରେ ଅନୁଷ୍ଠିତ ବୈଠକରେ ପ୍ରଥମେ ସଂଘର ସାଂଗଠନିକ ସ୍ଥିତି ଉପରେ ବିଶୃତ ଭାବରେ ଆଲୋଚନା ହୋଇଥିଲା । ପରେ ଜିଲ୍ଲାର ୫ ଗୋଟି ବ୍ଲକ ଏବଂ ୩ ଗୋଟି ଏନଏସି ରୁ ୪୫ ରୁ ଉର୍ଦ୍ଦ ଜାନ ସଦସ୍ୟଙ୍କ ସହମତିରେ ଆଗାମୀ ୩ ବର୍ଷ ପାଇଁ ସଂଘର କର୍ମକର୍ତା ମନୋନୟନ କରାଯାଇଥିଲା । ଏଥିରେ ସର୍ବସମ୍ମତି କ୍ରମେ ସଭାପତି ଭାବେ ଘନଶ୍ୟାମ ଭୋଇ , ସାଧାରଣ ସଂପାଦକ ଭାବେ ସୁଶାନ୍ତ ପାଣିଗ୍ରାହୀ, ଯୁଗ୍ମ ସଂପାଦକ ଭାଵେ ଆଦିତ୍ୟ ମହାଉତି, କୋଶାଧ୍ୟକ୍ଷ ଭାବେ ସଂଜୀବ ପାଣିଗ୍ରାହୀ ଏବଂ ଉପସଭାପତି ୫ ଗୋଟି ବ୍ଲକରୁ ଜଣେ ଲେଖାଏଁ ନୂଆପଡା ଅଶ୍ଵିନୀ ପାଣିଗ୍ରାହୀ, କୋମନା ସରୋଜ ଦାଶ, ଖଡ଼ିଆଳ ଯୋଗେଶ୍ଵର ସଗରିଆ, ବୋଡେ଼ନ ଦିଲିପ ପଣ୍ଡା ଓ ସିନାପାଲି ଯୁଧିଷ୍ଠିର ମହାନନ୍ଦଙ୍କୁ ମନୋନୀତ କରାଯାଇଥିବା ବେଳେ ଜିଲ୍ଲା କାର୍ଯ୍ୟକାରିଣୀ ସଦସ୍ୟ ଭାବରେ ତାଳେଶ୍ଵର ଦେବାଙ୍ଗନ, ରବିକାନ୍ତ ଠେଲା ଓ ଯୁଗଳ କିଶୋର ଚଲାନ ଙ୍କୁ ମନୋନୀତ କରାଯିବା ସହିତ ଉପଦେଷ୍ଟା କମିଟିର ସଦସ୍ୟ ଭାବରେ ପୁର୍ବତନ ସଭାପତି ତାରିଣୀ ମହାନ୍ତୀ, ଖୁଟୁରାମ ସୁନାନୀ ଓ ମାୟାଧର ସରାଫ ଙ୍କ ପୂର୍ବତନ ସାଧାରଣ ସଂପାଦକ ବିମଳ ସିଂ ଦଳପତି ଏବଂ ରତନ କେତକୀଙ୍କୁ ମନୋନୀତ କରାଯାଇଥିଲା । ପରେ ଆସନ୍ତା ମଇ ୪ ତାରିଖରେ ଖରିଆର ରୋଡ ସ୍ଥିତ ଗଣପତି ପେଲେସ ରେ ସଂଘ ପକ୍ଷରୁ ଏକ ଜିଲ୍ଲାସ୍ତରୀୟ ଆଲୋଚନା ଚକ୍ର ଅନୁଷ୍ଟିତ ହେବାକୁ ଥିବା ଏହାର ପ୍ରସ୍ତୁତି ସହ ରୂପରେଖ ସମ୍ପର୍କରେ ଆଲୋଚନା ହୋଇଥିଲା । ଉକ୍ତ ବୈଠକ ରେ ଅନ୍ୟମାନଙ୍କ ମଧ୍ୟରେ ବଂଶିଧର ନାଗ, ସନ୍ତୋଷ ଦଣ୍ଡସେନା, ବଣ୍ଟି ହେର୍ଣ୍ଣା , ନନ୍ଦିଘୋଷ ଖମାରୀ , ସତ୍ୟବ୍ରତ ସାମଲ, ରାହୁଲ ଯାଦବ, ପ୍ରଶାନ୍ତ ଯାଦବ, ନଟ ଆଡବଙ୍ଗ, ମିଥୁନ ବାଗ , କୈଲାଶ ପ୍ରଧାନ ଏବଂ ମୁକେଶ ଦଣ୍ଡସେନାଙ୍କ ସମେତ ୪୫ ରୁ ଉର୍ଦ୍ଦ କାର୍ଯ୍ୟରତ ସାମ୍ଵାଦିକ ଜିଲ୍ଲାରୁ ଯୋଗ ଦେଇଥିଲେ । ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
