ମୁଠାଏ ସପନ
ତୁମକୁ ନେଇ ମୁଁ ଲେଖିଥିଲି ସାଥି
ମୁଠାଏ ସପନ ଗାଥା,
ସେହି ସ୍ୱପ୍ନ ଆଜି ଭାଙ୍ଗିଦେଲ ତୁମେ
ହୋଇଗଲା ଆଜି ବ୍ୟଥା।
ହୃଦୟର କଥା ମନ ଅଭିଳାସା
ପ୍ରକାଶ କରିଲି ସାଥି
ମନେ ମନେ କେତେ ଭଲ ପାଉଥିଲି
ହୋଇଗଲା ଆଜି ଇତି।
ମନ ପ୍ରାଣ ଦେଇ ହୃଦୟ ଭିତରେ
ରାଣୀ କରି ରଖିଥିଲି,
ସ୍ୱର୍ଗ ରାଇଜର ପରୀ ଟିଏ ଭାବି
ମେନେ ମନେ ଝୁରୁଥିଲି।
ମନର କଥାକୁ କହିବି କି ନାହିଁ
ଭାବି ଭାବି ଡରୁଥିଲି
ଭୟ ଥିଲା ଯାହା ଘଟି ଗଲା ତାହା
ତୁମ ଦୋଷୀ ହୋଇଗଲି।
କହିଦେଲେ କାଳେ ଭାଙ୍ଗି ଦେବ ମନ
ଥିଲା ମୋତେ ପୁରା ଜଣା
କହିଦେଲି ବୋଲି ଭଲ ପାଏ ବୋଲି
କରୁଅଛ ଆଜି ଘୃଣା।
ଜାଣି ଜାଣି ମୁହିଁ ଅଜଣା ହୋଇଲି
କହୁ କହୁ କହିଦେଲି,
ଭଲ ପାଇବାର ଉଚିତ ପାଉଣା
ତୁମ ଠାରୁ ପାଇଗଲି।
ସହି ପାରିଲିନି ହୃଦୟ କୋହକୁ
ଯନ୍ତ୍ରଣାରେ ଜଳିଗଲି,
ଭୁଲ ବୁଝିବନି ମାନସୀ ଗୋ ମୋର
ଲେଖୁ ଲେଖୁ ଲେଖିଦେଲି।
ରୀକ୍ଷିରାମ ମେହେର,
ସାନପୋଡ଼ାଗୁଡା,
ଦେବସେନା ଜିଲ୍ଲା ଉପାଧ୍ୟକ୍ଷ,
କଳାହାଣ୍ଡି