ବ୍ରାହ୍ମଣ ଛେଣ୍ଡିଆ ଠାରେ କ୍ଲଷ୍ଟର ସ୍ତରୀୟ ଶିଶୁ ମହୋତ୍ସବ “ସୁରଭି-୨୦୨୪”
ଧର୍ମଗଡ଼ ବ୍ଲକ ବ୍ରାହ୍ମଣ ଛେଣ୍ଡିଆ କ୍ଲଷ୍ଟର ରେ “କ୍ଲଷ୍ଟର ସ୍ତରୀୟ ଶିଶୁ ମହୋତ୍ସବ “ସୁରଭି-୨୦୨୪” ଅନୁଷ୍ଠିତ ହୋଇ ଯାଇଛି l ସି ଆର ସି ସି ଟିକେଶ୍ୱର ନାଏକଙ୍କ ସଂଯୋଜନା ରେ ସଂଯୋଜିତ ଏହି କାର୍ଯ୍ୟକ୍ରମର ଉଦ୍ଘାଟନୀ ସମାରୋହରେ 
ମୁଖ୍ୟ ଅତିଥି ଭାବରେ ବ୍ରାହ୍ମଣ ଛେଣ୍ଡିଆ ସରପଞ୍ଚ ମନୋଜ ନାଏକ ଯୋଗଦାନ କରିଥିଲେ ଓ ଉଦଯାପନୀ ସମାରୋହରେ ମୁଖ୍ୟ ଅତିଥି ଭାବେ ଅନ୍ତର୍ଜାତୀୟ ଫେସନ ଡିଜାଇନର ସୁଜିତ କୁମାର ମେହେର, ସମ୍ମାନିତ ଅତିଥି ଭାବରେ ପ୍ରଧାନ ଶିକ୍ଷକ ସରୋଜ ଧଙ୍ଗଡା ମାଝୀ, ଚକ୍ରଧର ପ୍ରଧାନ ଯୋଗ ଦେଇ ଥିଲେ l ଏଥିରେ କୁଇଜ଼, ବକୃତା, ତର୍କ, ସଂଗୀତ, ପ୍ରବନ୍ଧ ଲିଖନ, ମଧ୍ୟାହ୍ନ ଭୋଜନ ଚିତ୍ର କଳା ଓ ଶିଳ୍ପ କଳା ସହିତ ସାଂସ୍କୃତିକ କାର୍ଯ୍ୟକ୍ରମ ର ପ୍ରତିଯୋଗିତା ହୋଇଥିଲା l ସରକାରଙ୍କ ନିର୍ଦେଶ କ୍ରମେ ଏହି ବର୍ଷ କ୍ଲଷ୍ଟର ସ୍ତରରେ ଏଫ ଏଲ ଏନ ଗ୍ରେଡ଼ ର ଛାତ୍ର ଛାତ୍ରୀ ମାନଙ୍କର ଗଣିତ ଦୌଡ଼, ଚିତ୍ରାଙ୍କନ, ଗଳ୍ପ କଥନ ଓ ଗଣିତ କୁଇଜ଼ ପ୍ରତିଯୋଗିତା ହୋଇଥିଲା I କୃତି ଛାତ୍ର ଛାତ୍ରୀଙ୍କୁ ପୁରସ୍କୃତ କରାଯାଇ ଥିଲା I ନୃତ୍ୟ କଳା ପ୍ରତି ଯୋଗିତାରେ ଚିଲିଚିଲା ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟର ନୃତ୍ୟ ଶିଳ୍ପୀ ମାନେ ପ୍ରଥମ ସ୍ଥାନ ଅଧିକାର କରି ବ୍ଲକ ସ୍ତରରେ ଅଂଶ ଗ୍ରହଣ ପାଇଁ ମନୋନୀତ ହୋଇଛନ୍ତି I ଏହି କାର୍ଯ୍ୟକ୍ରମକୁ କେବିଡି ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ କବିତା ମୁଣ୍ଡ ପରିଚାଳନା କରିଥିବା ବେଳେ ଶିକ୍ଷକ ମୁକେଶ ଛତ୍ରିଆ, ଗଦାଧର ବାରିକ, ମୌସୁମୀ ଦାସ, ଆଶିଷ ମୁଣ୍ଡ, ପ୍ରିତୀମୟୀ ପାତ୍ର ସହ ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ ଛାତ୍ର ଛାତ୍ରୀ ସହଯୋଗ କରିଥିଲେ I
ବିଦ୍ୟାଧର ସାହୁଙ୍କ ରିପୋର୍ଟ….
