ଶ୍ରୀରାଧାକୃଷ୍ଣଦିବ୍ୟ ପ୍ରେମ
ରାଗ,–ରାମକେରୀ
ସଂସାର ଶାଶ୍ୱତ ସୁନ୍ଦର
ସିତ ଅସିତ ସାର
ସରସ୍ୱିଜ ମୁଖୀ ଶ୍ରୀରାଧା
କୃଷ୍ଣ ଅସୀତାକାର |1|
ନବୋଦୟ ବାଳଅରୁଣ
.. ସ୍ଵର୍ଣ ବରଣା ରାଧା
କଳା ମାଣିକ୍ୟର ଶ୍ରୀଅଙ୍ଗେ
… ମାଡ଼େ ଲଭି ଶରଧା |2|
କଳାମାଣିକ୍ୟରେ ମାଡିଛି
ରାଧା ସ୍ଵର୍ଣବଲ୍ଲରୀ
ବିମୋହିତ କରି ନେଉଛି
…. ତ୍ରିଭୁବନ ସୁନ୍ଦରୀ |3|
ଉଦୟ ଅଚଳ ଶିଖର
ଚୂଳେ ରାଧା ମାଧବ
ଫଗୁଖେଳେ ମାତି ଅଛନ୍ତି
ପ୍ରେମ ପ୍ରୀତି ବିଭବ |4|
ଶୁଭ୍ରାଙ୍ଗୀ ଶ୍ରୀରାଧା ପ୍ରେମର
ଦିବ୍ୟ ପ୍ରୀତିର ଧାରା
ନବ ଯଉବନେ ମୋହୁଛି
କୃଷ୍ଣ ହୃଦୟ ସାରା |5|
ସଂସାରର ସାର ପୁର୍ଣିମା
ଦୋଳ ପୁର୍ଣିମା ଆଜି
ସମଗ୍ର ଜଗତେ ଆସିଛି
….. ଯେତେ ଋତୁକୁ ମାଜି |
ସାରା ଜଗତରେ ହସୁଛି
ଆମ୍ବ ମହୁଲ ଫୁଲ
ଶିମୁଳୀ ପଳାସ ବଉଳ
ଜନେ କରି ପ୍ରଫୁଲ |6|
ମନ୍ଦ ମନ୍ଦ ଧୀର ପବନ
ବହେ ସାରା ଜଗତେ
ନବ ପଲ୍ଲବିତ ପାଦପେ
ସୁବାସିତ ବସନ୍ତେ |7|
କୁଳୁକୁଳୁ ଯେତେ ଝରଣା
ଶୁଖାଇଲେ ନିର୍ଝର
ବଡ଼ ବଡ଼ ନଦୀ କଲେଣି
……. ତାଙ୍କଗତି ମନ୍ଥର |8|
ବନେ ଉପଵନେ ରାବିଲେ
କୋଇଲି କୁହୁସ୍ୱରେ
ହଳଦୀ ବସନ୍ତ ନାଚିଲେ
ଗୀତଗାଇ ମଧୁରେ |9|
ବିବାହ ଉତ୍ସବ ଚାଲିଲା
ଗାଆଁ ସହର ସାରା
ଏହି ପରି ଲୀଳା ରଚିଲେ
ଵିଧି ନବ ଇସାରା |10|
କୁସୁମ ଉତ୍ସବ ନିମିତ୍ତ
….. ଗ୍ରାମ ବନଉଦ୍ୟାନେ
ହେଲେ ବିକଶିତ ଗୋଲାପ
ମଲ୍ଲୀ ବିବିଧ ସ୍ଥାନେ |11|
ଏକାଳେ ରଚିଲେ ବିଧାତା
ଦୋଳଜାତ ମହୀରେ
ଆନନ୍ଦ ଉତ୍ସବେ ମାତିଲେ
ମର୍ତବାସୀ ବିଧିରେ |12|
ଶଙ୍ଖ ହୁଳହୁଳି ମୃଦଙ୍ଗ
ଢୋଲ ନାଗରା ନାଦେ
ଉଛୁଳି ପଡିଲା ସଂସାର
ଦୋଳଯାତ ସମବାଦେ |13|
ଫଗୁରଙ୍ଗ ଆଉ ଅଵିରେ
ପରସ୍ପର ବୋଳିଲେ
ଘରେ ଘରେ ରାଧା ମାଧବ
ଆନନ୍ଦରେ ଖେଳିଲେ |14|
ବିମାନେ ହସିଲେ ଶ୍ରୀରାଧା
କୃଷ୍ଣ ଚିତା ଚନ୍ଦନେ
ଶ୍ରୀରାଧା କୃଷ୍ଣ ଦିବ୍ୟପ୍ରେମ
ମଧୁଭରା ପବନେ |15
ଆତ୍ମା ପରମାତ୍ମା ଅଟନ୍ତି
ପ୍ରଭୁ ଶ୍ରୀକୃଷ୍ଣ ରାଧା
ତେଣୁତାଙ୍କୁ ଧ୍ୟାନ କରିଲେ
ଜୀବ ଜୀବନୁ ବାଧା|16|
ସମାପ୍ତ
ଶ୍ରୀ ବିଦ୍ୟାଧର ମହାନ୍ତ, ତମ୍ବାହରା, କେନ୍ଦୁଝର
