ସୁନ୍ଦରୀ ଝିଅ ବୋହୂ ହେବାପରେ
(ଭାଗ… ୧ )
ଶରତ ଚନ୍ଦ୍ର ପଣ୍ଡା, ଯାଜପୁର
ଲଳିତ ଖଣ୍ଡିଏ ଚାକିରୀ କରିଛି
ଶିକ୍ଷା ବିଭାଗରେ ଅଧ୍ୟାପକ,
ତl’ବିବାହ ପାଇଁ ଝିଅ ଖୋଜl ହୁଏ
ବଛା ହୋଇଲେଣି ରାଜ୍ୟ ଯାକ ll 1
ବାପା ଦେଖୁଛନ୍ତି ମାମୁ ଓ ପିୟୁଷl
ମଉସା,ଭିଣୋଇ, ଭାଇ,ବନ୍ଧୁ,
ଶେଷରେ ଝିଅଟେ ଜେଜେ ବାଛିଦେଲେ
ତାପସୀ ନାମତା’ସ୍ବର୍ଗ ଇନ୍ଦୁ ll 2
ମହା ଆଡ଼ମ୍ବରେ ବିବାହ ସରିଲା
ସ୍ବର୍ଗ ପରୀ ଠାରୁ କମ ନୁହେଁ,,
ଭୋଜିରେ ବସିଲେ ଅତିଥି ଦେଖିଲେ
ଲକ୍ଷ୍ମୀ ନାରାୟଣ ପରି ଦୁହେଁ ll 3
ଯିଏ ଦେଖିଦେଲା ଘଡିଏ ଚାହିଁଲା
ଏତେ ସୁନ୍ଦରୀ ସେ’ଦିଶୁଥିଲା,,
ଭୋଜି କି ଖାଇବେ ବହୂ ମଞ୍ଚ ପାଖେ
ଭିଡ଼ ଯାହା ଖାଲି ଜମୁଥିଲା ll 4
କିଏ କହେ ଗୋରୀ, କେକହେ ସୁନ୍ଦରୀ
କିଏ ପୁଣି କହେ ସୁନା ଗୋରୀ,,
କିଏ କହେ ସୀତା, ହିମାଦ୍ରୀ ଦୁହିତା
କିଏ କହେ ସ୍ବର୍ଗ ଅପସରି ll 5
ଏପରି ସୁନ୍ଦରୀ ଭାଗ୍ୟରେ ଜୁଟଇ
ଯଦି କାମଦେବ ପୁଜିଥିବ,
ଏହି ଝିଅ ଯାର ଭାରିଜା ଅଟଇ
ନ ଖାଇ ନ ପିଇ ବଞ୍ଚିଯିବ ll 6
ଭୋଜି ସରୁ ସରୁ ଅନେକ ରାତିଯେ
ହୋଇଗଲା ଅସି କେତେବେଳେ,,
କ୍ରମେ କ୍ରମେ ସାଙ୍ଗ ସାଥି ଚାଲିଗଲେ
ବାସର ସେଜଟା ସଜକଲେ ll 7
ଗୋଲାପ ପାଖୁଡ଼ା, ରଜନୀଗନ୍ଧାରେ
କର୍ପୂର ବିଞ୍ଚିଲେ ଗନ୍ଧ ତେଲ,,
ମହ ମହ ବାସ୍ନା ଶୀତଳ ଆଲୋକ
ହୋଇଗଲା ଚଉଠିର ବେଳ ll 8
ଭାଉଜ, ନଣନ୍ଦ, ଜେଜୀ ଅବା କିଏ
ଟlପରl ସମ୍ପର୍କ ଆସିଗଲେ,,
କାନେ କାନେ କେତେ ଅନୁଭୂତି କଥା
ଚୁପି ଚୁପି କହି ଛାଡ଼ି ଗଲେ ll 9
କିଛି କ୍ଷଣ ପରେ ଲଳିତ ବାବୁଯେ
କବାଟ ଭିତରୁ ଦେଇ ଦେଲେ,,
ଧୀରେ ଧୀରେ ଅସି ସ୍ମିତ ହସି ହସି
ଚଉଠି ପଲଙ୍କେ ବସିଗଲେ ll 10
କ୍ରମଶଃ..……
