ମା’ ବିରଜା ପୀଠରେ ୧୨ ପର୍ଯ୍ଯାୟ କମ୍ବଳ ବାଣ୍ଟିଲା ମୋ ଅନୁଷ୍ଠାନ ସାହିତ୍ୟ ସଂସଦ
ବାଲେଶ୍ଵର,୧୪/୧୨/୨୪ – ସମାଜସେବା ଲକ୍ଷ୍ୟ ନେଇ ଆଗେଇ ଚାଲିଛି ବାଲେଶ୍ଵର ଜିଲ୍ଲା ଖଇରା ଠାରେ ଗଢ଼ି ଉଠିଥିବା ମୋ ଅନୁଷ୍ଠାନ ସାହିତ୍ୟ ସଂସଦ । ସାହିତ୍ୟ, ସମ୍ବାଦ ଓ ସମାଜସେବା ଉକ୍ତ ଅନୁଷ୍ଠାନର ମୂଳ ଲକ୍ଷ୍ୟ । ମୋ ଅନୁଷ୍ଠାନ ସାହିତ୍ୟ ସଂସଦର ପ୍ରତିଷ୍ଠାତା ନରେନ୍ଦ୍ର ପ୍ରସାଦ ବେହେରାଙ୍କର ଗୋଟିଏ ଲକ୍ଷ୍ୟ ସମାଜସେବା । ଏହି ସେବା ମାଧ୍ୟମରେ ଗରିବ, ଅସହାୟ, ନିରାଶ୍ରୟ, ବାର୍ଦ୍ଧକ୍ୟ, ବୃଦ୍ଧବୃଦ୍ଧା, ବିଧବା ଓ ଭିନ୍ନକ୍ଷମ ମାନଙ୍କ ନିକଟରେ ପହଞ୍ଚିବା ଏବଂ ନିଜର ତଥା ଅନୁଷ୍ଠାନର ସକ୍ଷମ ଅନୁସାରେ କିଛି ସାହାଯ୍ୟ ସହଯୋଗ କରିବା । ପ୍ରତ୍ୟେକ ବର୍ଷ ଅକ୍ଟୋବର ଠାରୁ ଅନୁଷ୍ଠାନ ଗରିବ, ଅସହାୟ, ବୃଦ୍ଧବୃଦ୍ଧା, ବିଧବା, ଭିନ୍ନକ୍ଷମ, ଏଡସ୍, କୁଷ୍ଠରୋଗୀ ମାନଙ୍କୁ ଶୀତ ବସ୍ତ୍ର ଅର୍ଥାତ କମ୍ବଳ ପ୍ରଦାନ କରିଥାଏ । ଏ ବର୍ଷ ମଧ୍ୟ ବିଭିନ୍ନ ସ୍ଥାନ ଓ ଦେବାଦେବୀ ପୀଠରେ କମ୍ବଳ ବଣ୍ଟନ ଜାରି ରଖିଛି ମୋ ଅନୁଷ୍ଠାନ । ଆଜି ଅର୍ଥାତ ତା ୧୪/୧୨/୨୦୨୪ ରିଖ ଥିଲା ଅନୁଷ୍ଠାନର ୧୨ ପର୍ଯ୍ଯାୟ କମ୍ବଳ ବଣ୍ଟନ ଯାହା ଯାଜପୁର ଜିଲ୍ଲାର ଅଧିଷ୍ଠାତ୍ରୀ ଦେବୀ ମା’ ବିରଜା ପୀଠରେ ବଣ୍ଟନ କରିଛି ମୋ ଅନୁଷ୍ଠାନ । ମା’ ଙ୍କ ସିଂହ ଦ୍ବାର ସମ୍ମୁଖରେ ବସି ଭିକ୍ଷା ବୃତ୍ତି କରୁଥିବା ଅସହାୟ ମାନଙ୍କୁ କମ୍ବଳ ବଣ୍ଟନ କରିଛନ୍ତି ସମ୍ପାଦକ ନରେନ୍ଦ୍ର ପ୍ରସାଦ ବେହେରା । ସହଯୋଗ କରିଥିଲେ ଚିନ୍ମୟ ଫାଉଣ୍ଡେସନର ପ୍ରତିଷ୍ଠାତା ଚିନ୍ମୟ ଦାଶ । ସ୍ଥାନୀୟ ସାମ୍ବାଦିକ ବିଜୟ ସାହୁ ଓ ହିମାଂଶୁ ପାଢ଼ୀ ଉପସ୍ଥିତ ରହି ବଣ୍ଟନ କାର୍ଯ୍ୟରେ ସହଯୋଗ କରିଥିଲେ । ଆଗାମୀ ଦିନରେ ଯାଜପୁର ଜିଲ୍ଲାର ଆହୁରି କେତେକ ଧାର୍ମିକ ପୀଠରେ କମ୍ବଳ ବଣ୍ଟନ ହେବ ବୋଲି ସମ୍ପାଦକ ନରେନ୍ଦ୍ର ପ୍ରସାଦ ବେହେରା ଗଣମାଧ୍ୟମକୁ ସୂଚନା ପ୍ରଦାନ କରିଛନ୍ତି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
