୮,୯ ଓ ୧୦ ତାରିଖରେ ଏନଏ ସି ସ୍ତରୀୟ କଳାହାଣ୍ଡି ଉତ୍ସବ
ଜୁନାଗଡ଼ ୨୭/୧୨(ମନୀସ)କଳାହାଣ୍ଡି ଜିଲ୍ଲା ଜୁନାଗଡ଼ ସହରସ୍ଥିତ ଏନଏସି ସଭା ଗୃହ ଠାରେ ଏନଏସି ସ୍ତରୀୟ କଳାହାଣ୍ଡି ଉତ୍ସବ ନିମନ୍ତେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । ଏଥିରେ ଆସନ୍ତା ଜାନୁୟାରୀ ୮,୯ ଓ ୧୦ ତାରିଖରେ ୩ ଦିନ ଧରି ଏନଏ ସି ସ୍ତରୀୟ କଳାହାଣ୍ଡି ଉତ୍ସବ ଅନୁଷ୍ଠିତ ପାଇଁ ତାରିଖ ଧାର୍ଯ୍ୟ କରାଯାଇଥିଲା । ଏହା ସଭାରେ ଏନଏସି ଭାରପ୍ରାପ୍ତ ଅଧ୍ୟକ୍ଷ୍ୟା ହିମାଦ୍ରୀ ନାଏକ ଅଧ୍ୟକ୍ଷତା କରିଥିବା ବେଳେ ଅନୁଷ୍ଠିତ ସଭାରେ ଏନଏସି ଇଓ ପ୍ରମୋଦ କୁମାର ଖିଲୋ, ପୂର୍ବ ଇଓ ଈଶ୍ୱର ପୁଝରୀ, କର୍ତ୍ତବ୍ୟ ଅନୁଷ୍ଠାନ ର ମୁଖ୍ୟ ଅଶୋକ ପଟ୍ଟନାୟକ,ସମାଜସେବୀ ଦୁର୍ଗା ନାଏକ, କଳାହାଣ୍ଡି ସାମ୍ବାଦିକ ୟୁନିଅନ ର ସାଧାରଣ ସମ୍ପାଦକ ସନ୍ତୋଷ କୁମାର ସିଂହଦେଓ, ଜୁନାଗଡ଼ ସାମ୍ବାଦିକ ସଙ୍ଘର ସଭାପତି ଖଗେଶ୍ବର ଧଙ୍ଗଡାମାଝୀ, ସାଂସ୍କୃତିକ କମିଟିର ସଦସ୍ୟ ବିଘ୍ନରାଜ ବରାଡ଼, ଶିକ୍ଷକ ବିଭାଗର ଯୀଶୁ ରାମ ଗୋପାଳ, ମଳୟ ମୁଣ୍ଡ, କାଳିଆ କନ୍ଦପାନ ସମେତ ଅନେକ ବୁଦ୍ଧିଜୀବୀ ଉପସ୍ଥିତ ଥିଲେ । ଆସନ୍ତି ଜାନୁୟାରୀ ୮,୯ ଓ ୧୦ ତାରିଖରେ ଏନଏସି ସ୍ତରୀୟ କଳାହାଣ୍ଡି ଉତ୍ସବ ପାଳନ ନିମନ୍ତେ ତାରିଖ ଧାର୍ଯ୍ୟ କରାଯାଇଥିଲା । ପ୍ରତିବର୍ଷ ବ୍ଲକ ଓ ଏନଏସି ସ୍ତରୀୟ କଳାହାଣ୍ଡି ଉତ୍ସବ ପାଳନ ହେଉଥିବା ବେଳେ ଚଳିତ ବର୍ଷ ବ୍ଲକ ଏକାକୀ କରିବା ପାଇଁ ନିଷ୍ପତ୍ତି ନେଇଛନ୍ତି । ତେଣୁ ଏନଏସି ନିଜ ଉଦ୍ୟମରେ ୩ ଦିନ ଧରି କଳାହାଣ୍ଡି ଉତ୍ସବ ପାଳନ କରିବା ପାଇଁ ଧାର୍ଯ୍ୟ କରାଯାଇଛି ।
ଜୁନାଗଡ଼ ରୁ ନରେନ୍ଦ୍ର କ୍ଷିତି ଙ୍କ ରିପୋର୍ଟ୍
