ପି ଏମ୍ ପୋଷଣ ଯୋଜନାରେ କାର୍ଯ୍ୟରତ ପାଚିକା ଓ ସହାୟିକା ନିମନ୍ତେ ପ୍ରଶିକ୍ଷଣ ଶିବିର ଓ ରନ୍ଧନ ପ୍ରତିଯୋଗୀତା କାର୍ଯ୍ୟକ୍ରମ
ଡାବୁଗାଁ, ୩୦/୧୨ ମ. ନି. ସ.)- ନବରଙ୍ଗପୁର ଜିଲା ଡାବୁଗାଁ ବ୍ଳକ ସଦର ମହକୁମାସ୍ଥିତ ସରକାରୀ (ନୂତନ)ପଞ୍ଚାୟତ ଉଚ୍ଚ ବିଦ୍ୟାଳୟ ଶ୍ରେଣୀଗୃହ ପରିସରରେ ପି ଏମ୍ ପୋଷଣ ଯୋଜନାରେ କାର୍ଯ୍ୟରତ ପାଚିକା ଓ ସହାୟିକା ନିମନ୍ତେ ପ୍ରଶିକ୍ଷଣ ଶିବିର ଓ ରନ୍ଧନ ପ୍ରତିଯୋଗୀତା ଦିର୍ଘ ତିନିଦିନ 
ଧରି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଉକ୍ତ କାର୍ଯ୍ୟକ୍ରମରେ ତା ୨୯|୧୨ ପ୍ରଥମ ଦିନରେ ୧୦୦ ଜଣ,ତା୩୦|୧୨ଦ୍ଵିତୀୟ ଦିନରେ ୧୦୦ ଜଣ,ତା୩୧|୧୨ ତୃତୀୟ ଦିନରେ ୪୯ ଜଣ ଏପରି ତିନି ଦିନରେ ୨୪୯ ଜଣ ପ୍ରଶିକ୍ଷଣ ନେବା ର କାର୍ଯ୍ୟକ୍ରମ ରହିଛି l ପ୍ରଶିକ୍ଷକ ଭାବେ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ପ୍ରସନ୍ନ କୁମାର ଦଣ୍ଡସେନା, ବିକାଶ ରଞ୍ଜନ ନିଶଙ୍କ, ହେମନ୍ତ କୁମାର ପଣ୍ଡା ଓ ଗୀତାଞ୍ଜଳି ବସ୍ତିଆ ପ୍ରମୂଖ ପ୍ରଶିକ୍ଷଣ ଦେଇଥିଲେ l 
ଗୋଷ୍ଠୀ ସାଧନ କେନ୍ଦ୍ର ସଂଯୋଜକ ତଥା ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଭାଗବାନ ମାଝୀ ଙ୍କ ପ୍ରତ୍ୟେକ୍ଷ ତତ୍ତ୍ଵାବଧାନରେ ସାଧନ ବ୍ୟକ୍ତି ତଥା ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ସନ୍ତୋଷ କୁମାର ସାହୁ ପର୍ଯ୍ୟବେକ୍ଷକ ଦାୟିତ୍ଵ ସୂଚାରୁ ରୂପେ ପରିଚାଳନା କରିଥିଲେ l କାର୍ଯ୍ୟରତ ପାଚିକା ଓ ସହାୟିକା ମାନେ କିପରି ସ୍ଵଚ୍ଛତା ପାଳନ କରି ସ୍ଵାସ୍ଥ୍ୟ ସୁସ୍ଥ ରହିବା ଭଳି ଖାଦ୍ୟ ରନ୍ଧନ ପ୍ରଣାଳୀ,ମୁଣ୍ଡରେ କ୍ୟାପ୍ ଆପ୍ରନ ପିନ୍ଧି ରୋଷେଇ କରିବା, ସ୍ୱାସ୍ଥ୍ୟ ଓ ପରିମଳ, ଖାଦ୍ୟ ନିରାପତ୍ତା, କରି ଛାତ୍ରଛାତ୍ରୀ ମାନଙ୍କୁ ପରିବେଷଣ କରିବେ ତା ଉପରେ ବ୍ୟାପକ ଉପାଦେୟ ତଥ୍ୟ ତାଲିମରେ ବୁଝାଇଥିଲେ l ଏଦଦ୍ ବ୍ୟତୀତ ବିଭିନ୍ନ ପ୍ରକାର ଖାଦ୍ୟ ପ୍ରସ୍ତୁତ କରି ଆଣି ଏଠାରେ ଖାଦ୍ୟ ପ୍ରଦର୍ଶନୀ କରାଯାଇ ଥିଲା l ପ୍ରଶିକ୍ଷକ ମାନେ ଖାଦ୍ୟ ପ୍ରଦର୍ଶନୀ ରେ ଏହା କିପରି ପ୍ରସ୍ତୁତ କରାଯାଇଛି, କଣ କଣ ସମାଗ୍ରୀ କେଉଁ ପରିମାଣରେ ବ୍ୟବହାର କରାଯାଇଛି, ଏହା ସ୍ଵାଦିଷ୍ଟ ଅଛି କି ନାହିଁ, ତାର ମୂଲ୍ୟ କେତେ ହେବ ଏପରି କଥା ପଚାରି ବୁଝିଥିଲେ l ମଧ୍ୟାହ୍ନ ଭୋଜନ ପରେ ମଧ୍ୟାହ୍ନ ଭୋଜନ ସମ୍ବନ୍ଧୀୟ କେତୋଟି ପ୍ରଶ୍ନ କୋଡ଼ିଏ ନମ୍ବର ର ପରୀକ୍ଷା କରାଯାଇ ସମସ୍ତଙ୍କୁ ସାର୍ଟିଫିକେଟ ପ୍ରଦାନ କରାଯାଇଥିଲା l ଆସନ୍ତା କାଲି ଉକ୍ତ କାର୍ଯ୍ୟକ୍ରମ ଶେଷ ହେବ l
ଡାବୁଗାଁ ରୁ ପ୍ରଜ୍ଞା ରଞ୍ଜନ ପରିଡା ଙ୍କ ରିପୋର୍ଟ
