ସଂଯୋଗୀ ସଜଫୁଲ ର ପୂର୍ବ – ଦକ୍ଷିଣାଞ୍ଚଳ ବିଶେଷାଙ୍କ ନିମନ୍ତେ ଲେଖା ଆବଶ୍ୟକ
ଘଟଗାଁ,୪/୧ : ସମଗ୍ର ଓଡ଼ିଶାର ପୁରପଲ୍ଲୀକୁ ସ୍ପର୍ଶ କରିବା ନିମନ୍ତେ ଦ୍ଵିତୀୟ ପର୍ଯ୍ୟାୟରେ ରାଜ୍ୟର ଅଗ୍ରଣୀ ତଥା ସୃଜନୀ ସାହିତ୍ୟର ନବ ଉନ୍ମେଷ ସଂଯୋଗୀ ସାହିତ୍ୟ ସଂସଦ କୁଣ୍ଡାପିଠା କେନ୍ଦୁଝର ର ତ୍ରୈମାସିକ ମୁଖପତ୍ର ” ସଂଯୋଗୀ ସଜଫୁଲ ” ର ପଶ୍ଚିମାଞ୍ଚଳ ବିଶେଷାଙ୍କ ଲୋକାର୍ପଣ ଅପୂର୍ବ ସଫଳତା ପାଇବା ପରେ ତା’ର ଆଗାମୀ ସଂଖ୍ୟା ଓଡ଼ିଶାର ପୂର୍ବାଞ୍ଚଳ ଓ ଦକ୍ଷିଣାଞ୍ଚଳ ଜିଲ୍ଲା ଗୁଡ଼ିକୁ ନେଇ ସମର୍ପଣ କରାଯାଇଛି । ଏହି ସଂଖ୍ୟାରେ ପୁରୀ, ଖୋର୍ଦ୍ଧା, ଗଞ୍ଜାମ,ନୟାଗଡ଼,କଟକ, ଜଗତସିଂହପୁର, କେନ୍ଦ୍ରାପଡ଼ା, ରାୟଗଡା, କୋରାପୁଟ, ମାଲକାନଗିରି, କନ୍ଧମାଳ , ନବରଙ୍ଗପୁର ଓ ଗଜପତି ଜିଲ୍ଲାକୁ ନିଆଯାଇଅଛି ।ଏଣୁ ଉକ୍ତ ଜିଲ୍ଲା ମାନଙ୍କର ଲେଖକ ଲେଖିକା ବୃନ୍ଦ ପରିବେଶ, ପାରିବାରିକ ଓ ସମାଜ ସଂସ୍କାରଧର୍ମୀ ଭିତ୍ତିକ ଲେଖା ( ଗଦ୍ୟ ସାହିତ୍ୟ ପାଇଁ ୫୦୦ ଶବ୍ଦ ଓ କବିତା ନିମନ୍ତେ ୨୪ ଧାଡ଼ି ମଧ୍ୟରେ ଛନ୍ଦଯୁକ୍ତ ) ମୋବାଇଲରେ ଟାଇପ୍ କରି ଆସନ୍ତା ଫେବୃୟାରୀ ମାସ ଶେଷ ସୁଦ୍ଧା ସଂପାଦକଙ୍କ ହ୍ବାଟ୍ସ ଆପ୍ ନଂ – ୯୪୩୭୧୫୨୯୩୬ ମାଧ୍ୟମରେ ଯୋଗାଯୋଗ କରି ପଠାଇ ପାରିବେ । ଉକ୍ତ ଅଞ୍ଚଳର ଲେଖାଗୁଡିକୁ ଅଗ୍ରାଧିକାର ଦିଆଯିବା ସହ ଅନ୍ୟ ଜିଲ୍ଲାର ସାରସ୍ବତ ସାଧକ ସାଧିକା ମାନଙ୍କ ସୃଷ୍ଟି ମଧ୍ୟ ସ୍ଥାନ ଦିଆଯିବ। ଲୋକାର୍ପଣ ଉତ୍ସବରେ ପୂର୍ବାଞ୍ଚଳ ଓ ଦକ୍ଷିଣାଞ୍ଚଳର ପ୍ରତ୍ୟେକ ଜିଲ୍ଲାରୁ ସର୍ବନିମ୍ନ ଜଣେ ସାରସ୍ବତ ସ୍ରଷ୍ଟା/ କଳାକାର / ସମାଜସେବୀ ମାନଙ୍କୁ ” ସଂଯୋଗୀ ସଜଫୁଲ ସମ୍ମାନ ” ରେ ସମ୍ମାନିତ କରାଯିବା ସହିତ ଲୋକାର୍ପଣ ଉତ୍ସବରେ ଉପସ୍ଥିତ ଥିବା ସମସ୍ତ କବି, କବୟିତ୍ରୀ ଙ୍କୁ ” ସଂଯୋଗୀ ପ୍ରଶଂସା ପତ୍ର ” ଦିଆଯିବ ବୋଲିି ସଂଯୋଗୀ ସଜଫୁଲ ପରିବାର ତରଫରୁ ସଂପାଦକ ବାବୁଲାଲ ପଲେଇ ଗଣମାଧ୍ୟମକୁ ଜଣାଇଛନ୍ତି ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
