ଯୁବ ପତ୍ରକାର ସଂଘ ପକ୍ଷରୁ ୭୬ ତମ ସାଧାରଣ ତନ୍ତ୍ର ଦିବସ ପାଳିତ
ପାଟଣାଗଡ ( ପାଟଣାଗଡ଼ ଉପଖଣ୍ଡ ଯୁବ ପତ୍ରକାର ସଂଘ ପକ୍ଷରୁ ୭୬ ତମ ସାଧାରଣ ତନ୍ତ୍ର ଦିବସ ସ୍ଥାନୀୟ ରାଧାକୃଷ୍ଣ ମନ୍ଦିର ପ୍ରାଙ୍ଗଣ ରେ ପାଳିତ ହୋଇଯାଇଛି। ଏଥିରେ ସଂଘ ର ସଭାପତି କରୁଣାକର ବୁଡେକ ଯୋଗଦେଇ ସ୍ବାଗତ ଭାଷଣ ଦେଇଥିବାବେଳେ ଉପସଭାପତି ଗୋରେଖନାଥ ବରିହା ପତାକା ଉତ୍ତୋଳନ କରିଥିଲେ। ପରେ ସଭାପତି ଶ୍ରୀ ବୁଡେକ ଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ସଂଘ ର ସମସ୍ତ ସଦସ୍ୟ ମାନେ ଯୋଗ ଦେଇ ଜନରାଜ୍ୟ ଦିବସ ଉପରେ ନିଜ ନିଜ ମତବ୍ୟକ୍ତ କରିଥିଲେ। ଜନରାଜ୍ୟ ଦିବସ ପାଳିଲେ ହେବ ନାହିଁ ମହାପୁରୁଷ ମାନଙ୍କ ସ୍ବପ୍ନ କୁ ସାକାର କରିବା ସହ ତାଙ୍କ ତ୍ୟାଗ ଅନୁରାଗ କୁ ଉପଲବ୍ଧ କରି ସମାଜ ରେ ଥିବା ଦୁସ୍ଥ , ନିଷ୍ପେସିତ ଅସହାୟ , ସରକାରୀ ସହାୟତା ରୁ ବଞ୍ଚିତ ହୋଇଥିବା ଲୋକଙ୍କ ସେବାରେ ଲୋକଲୋଚନକୁ ଆଣିବା ପାଇଁ ଖବର ପ୍ରସାରଣ ଉପରେ ଗୁରୁତ୍ୱ ଦେବାକୁ ସଭାପତି ଶ୍ରୀବୁଡେକ ପରାମର୍ଶ ଦେଉଥିଲେ। ଏଥିରେ ଜଗଦୀଶ ଭୋଇ,ଘନ ଭୁଏ, ଲଲିତ ମଲ୍ଲିକ,ଦୂର୍ଯ୍ୟୋଧନ ବର୍ଗେ, ଅଭିମନ୍ୟୁ ବାଗ, ଶେଷଦେବ ସିଂ ନାଏକ, ଗୁଣନିଧି ପୁଟେଲ,ସମାଜସେବୀ ପଲସି ବରିହା, ଭଗବାନ ବାଗ ଙ୍କ ସହ ଅନ୍ୟ ମାନେ ଉପସ୍ଥିତ ଥିଲେ।
ଦୁର୍ଯୋଧନ ବର୍ଗେ ଙ୍କ ରିପୋର୍ଟ୍
