ରକ୍ତଦାତା ଇଂ.ବିପ୍ର ରଂଜନ ନାୟକ : ଯୁବ ସମାଜର ଜାଗ୍ରତ ସ୍ୱର ଓ ସ୍ୱାକ୍ଷର
କଟକ : ରକ୍ତଦାନ ଏକ ମହତ ଦାନ । ଏହି ରକ୍ତଦାନ ମହା ସେବାର ମହତ୍ୱ ଜନ ସାଧାରଣଙ୍କୁ ଅବଗତ କରାଇବା,ପରିବେଶ ସୁରକ୍ଷା ଆଦି ଅନେକ ଅତି ମାନବୀୟ କାର୍ଯ୍ୟର ସ୍ରଷ୍ଟା ଯୁବ ସମାଜସେବୀ ତଥା ନେସନାଲ ୟୁଥ୍ ଆସୋସିଏସନ୍ ଟ୍ରଷ୍ଟ ଓଡ଼ିଶାର ଆବାହକ ଇଂ.ବିପ୍ର ରଂଜନ ନାୟକ । ବୈଷୟିକ ବିଦ୍ୟାରେ ଉଚ୍ଚ ଶିକ୍ଷା ଲାଭ କରିଛନ୍ତି ଏଥିସହ ସମାଜ ସେବାରେ ତାଙ୍କର ଶ୍ରଦ୍ଧା ରହିଛି । ସେ ଭଦ୍ରକ ମାଟିର କୃତୀ ସନ୍ତାନ । ପରିବେଶ ସୁରକ୍ଷା ସହ ଚାରା ରୋପଣ,ରକ୍ତଦାନ ଶିବିର ଆୟୋଜନ,ରକ୍ତର ଅଭାବୀ ସମସ୍ୟାକୁ ଦୂର କରିବାରେ ସେ ଶତ ଚେଷ୍ଟିତ । ସେ ଏଯାବତ୍ ୩୫ ଥର ରକ୍ତଦାନ,୨୮ ଥର ଏସଡିପି, କଟକ,ଭୁବନେଶ୍ବର,ଭଦ୍ରକ ଆଦି ବିଭିନ୍ନ ସ୍ଥାନରେ ୧୨ ହଜାରରୁ ଅଧିକ ରକ୍ତ ସଂଗ୍ରହ ଓ ୫୦୦ରୁ ଅଧିକ ରକ୍ତଦାନ ଶିବିର ଆୟୋଜନ କରି ଆଜି ଚର୍ଚ୍ଚାରେ । ମୋବାଇଲ୍ ଗ୍ରୁପ ଗଠନ କରି ୩୦ ଟି ଜିଲ୍ଲାରେ ୩୦ ଟି ଶାଖା ଗଠନ କରି ସେବାକାର୍ଯ୍ୟ କରୁଛନ୍ତି l
ନିଜ ଜନ୍ମ ଦିନକୁ ରକ୍ତଦାନ ଆଉ ଅନ୍ୟାନ୍ୟ ସେବା ମାଧ୍ୟମରେ ପାଳନ କରନ୍ତି । ସେ ମନ୍ଦିର ଅପେକ୍ଷା ଚିକିତ୍ସାଳୟରେ ଅସହାୟ ଲୋକଙ୍କ ସେବାରେ ସମୟ ଦିୟନ୍ତି । କଥା ପ୍ରସଙ୍ଗରେ ସେ କୁହନ୍ତି “ରକ୍ତଦାନ,ଭିନ୍ନ ଏକ ଦେଶପ୍ରେମ,ସ୍ବେଚ୍ଛାକୃତ ରକ୍ତଦାନ ଅସହାୟ ରୋଗୀଙ୍କୁ ଦିଏ ଏକ ନୂଆ ଜୀବନ ।
ଶ୍ରୀକାନ୍ତ ବେଉରା ଙ୍କ ରିପୋର୍ଟ୍
