ଖରାଦିନ ଆରମ୍ଭ ରୁ ରାଇବୋଲ ଗ୍ରାମରେ ଦେଖାଦେଲାଣି ପିଇବା ପାଣି ର ସମସ୍ୟା
କାମାକ୍ଷାନଗର (ମନିସ )10/2/25 // ଗାଁ ରେ ବିଶୁଦ୍ଧ ପାନୀୟଜଳ ଯୋଗାଇବା ପାଇଁ ରହିଛି ପାଣିଟାଙ୍କି l କିନ୍ତୁ ଅପରେଟର ଙ୍କ ମନମୁଖୀ କାର୍ଯ୍ୟ ଯୋଗୁଁ ପିଇବା ପାଣି ଟୋପାଏ ପାଉନାହାନ୍ତି କଙ୍କଡାହାଡ଼ ବ୍ଲକ ରାଇବୋଲ ଗ୍ରାମବାସୀ l ଖରାଦିନ ଆରମ୍ଭ ରୁ ଗାଁ ଲୋକେ ଭୋଗିଲେଣି ଜଳକଷ୍ଟ l ଯାହାକୁ ନେଇ ଗରା, ବାଲଟି ଧରି ପଞ୍ଚାୟତ କାର୍ଯ୍ୟାଳୟ ଘେରିବା ସହ ସରପଞ୍ଚ ଙ୍କୁ ଦାବି ଜଣାଇଲେ ମହିଳା l ସୂଚନା ଅନୁସାରେ ରାଇବୋଲ ଗ୍ରାମ ରେ ସରକାର ଙ୍କ ତରଫରୁ ବିଶୁଦ୍ଧ ପାନୀୟ ଜଳ ଯୋଗାଇବା ପାଇଁ ପାଣିଟାଙ୍କି ନିର୍ମାଣ ସହ ସାହି, ସାହି ରେ ଟ୍ୟାପ ଲଗାଯାଇଛି l କିନ୍ତୁ ପାଣି ଯୋଗାଇବା କାର୍ଯ୍ୟ ରେ ନିୟୋଜିତ ଅପରେଟର ଠିକ ସମୟରେ ପାଣି ଯୋଗାଉ ନାହାନ୍ତି l କେତେବେଳେ ସକାଳୁ ଘଣ୍ଟାଏ ପାଣି ଚଲାଇ ବନ୍ଦ କରି ଦେଉଛନ୍ତି ତ ଅନ୍ୟ ସମୟରେ ଦିନ ଦିନ ଧରି ଲୋକ ମାନେ ପାଣି ଟୋପାଏ ପାଉନାହାନ୍ତି l ତେଣୁ ବାଧ୍ୟ ହୋଇ ଗ୍ରାମର ମହିଳା ମାନେ ଗରା, ବାଲଟି ଧରି ପଞ୍ଚାୟତ କାର୍ଯ୍ୟାଳୟ ସାମ୍ନାରେ ଧାରଣା ରେ ବସିବା ସହ ସରପଞ୍ଚ ଙ୍କୁ ତୁରନ୍ତ ପାଣି ଯୋଗାଇବା ପାଇଁ ଦାବି କରିଛନ୍ତି l ତେବେ କିପରି ଲୋକମାନେ ସୁବିଧା ରେ ପାଣି ପାଇପାରିବେ ସେ ନେଇ ଶୀଘ୍ର ବ୍ୟବସ୍ଥା କରାଯିବାକୁ ସରପଞ୍ଚ ଶାନ୍ତନୁ ସାହୁ କହିଛନ୍ତି
ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
