ଡାବୁଗାଁ ବଜାର ରାସ୍ତା କଡରେ ଥିବା ବିଦ୍ୟୁତ୍ ଖୁଣ୍ଟ ସାଜିଛି ବାଧକ
ଡାବୁଗାଁ, ୧୨/୩ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦରମହକୁମାସ୍ଥିତ ବଜାରରେ ଡିସେମ୍ବର ମାସ ରେ ନୂତନ ବିଦ୍ୟୁତ୍ ଖୁଣ୍ଟ ପୋତିବା ପାଇଁ ଡାବୁଗାଁ ବିଦ୍ୟୁତ ବିଭାଗ ପକ୍ଷର ଡାବୁଗାଁ ମୂଖ୍ୟ ରାସ୍ତା ଉପରେ କିଛି ଖୁଣ୍ଟ ପୋତା ଯାଇଥାନ୍ତା । ସେଥି ମଧ୍ୟରୁ କିଛି ଖୁଣ୍ଟ ପୋତାଯାଇଥିବା ବେଳେ କିଛି ଖୁଣ୍ଟ ରାସ୍ତା କଡରେ ପଡ଼ିରହିଛି । ତେଣୁ ରାସ୍ତା ରେ ଯାଉଥିବା ଗାଡି ର ଚକ ବାଜି ଚକାରେ ପମ୍ପଚୋର ହୋଇଯାଉଥିବା ଦେଖିବାକୁ ମିଳିଛି । ଖୁଣ୍ଟ ଗୁଡ଼ିକ ପିଚୁ ରାସ୍ତା କୁ ଲାଗି ରହିଥିବାରୁ ଗାଡି ପାର୍କିଂ ମଧ୍ୟ ହୋଇପାରୁନାହିଁ । ଯାହା ଦ୍ଵାରା ଗାଡି ଗୁଡି ରାସ୍ତା ଉପରେ ପାର୍କିଂ କରୁଛନ୍ତି ଯାହାକି ଟ୍ରାଫିକ ସମସ୍ୟା ସୃଷ୍ଟି କରୁଛି | ମୂଖ୍ୟ ରାସ୍ତା ଉପରେ ଯଦି ଏପରି ଖୁଣ୍ଟ ଗୁଡ଼ିକ ମନଇଛା ପଡ଼ି ରହିଥାଏ ତାହେଲେ ରାସ୍ତା ରେ ଯିବା ଅସିବା ରେ ବହୁତ ଅସୁବିଧା ହେଉଛି ବୋଲି ଜନସାଧାରଣ ରେ ଅସନ୍ତୋଷ ପ୍ରକାଶ ପାଇଛି । ଆଜକୁ ପ୍ରାୟ ୩ ମାସ ହେବ ଠିକାଦାର ଖୁଣ୍ଟ ଗୁଡିକ ରାସ୍ତା ଉପରେ ପକାଇ ଚାଲି ଯାଇଛି | ଏପରି ଭାବରେ ଡାବୁଗାଁ ବିଦ୍ୟୁତ୍ ବିଭାଗ ର ସମସ୍ତ କର୍ମଚାରୀ ଏପଟେ ସବୁବେଳେ ଯିବା ଆସିବା କରନ୍ତି ତେଣୁ ସେମାନେ ଏହି ଅସୁବିଧା ଦେଖି ମଧ୍ୟ କଣ ପାଈଁ ଖୁଣ୍ଟ କୁ ଏଠାରୁ ଉଠାଉ ନାହାଁନ୍ତି ବୋଲି ଜନସାଧାରଣ ପ୍ରଶ୍ନ କରିଛନ୍ତି । ବିଦ୍ୟୁତ ବିଭାଗ ଅଧିକାରୀ ମାନଙ୍କୁ ଅଭିଯୋଗ କାଲେ ମଧ୍ୟ କଉସୀ ସୁଫଳ ମିଳୁ ନାହିଁ | ଏନେଇ ବିଦ୍ୟୁତ ବିଭାଗ ସହକାରୀ ଯନ୍ତ୍ରୀ ପବିତ୍ର କୁମାର ସାହୁ ଙ୍କୁ ଯୋଗାଯୋଗ କରିବାରୁ ଖୁଣ୍ଟ ଗୁଡିକୁ ଶୀଘ୍ର ଉକ୍ତ ସ୍ଥାନରୁ ଏକ ଖାଲି ସ୍ଥାନକୁ ହଟାଇ ଦିଆଯିବ ବୋଲି କହିଛନ୍ତି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡା ଙ୍କ ରିପୋର୍ଟ
