ମା ମାଣିକେଶ୍ଵରୀ ବିଶ୍ୱବିଦ୍ୟାଳୟରେ ବିଶ୍ୱ ନୃତତ୍ତ୍ବ ଦିବସ ପାଳିତ
ମା ମାଣିକେଶ୍ଵରୀ ବିଶ୍ୱବିଦ୍ୟାଳୟର ନୃତତ୍ତ୍ବବିଜ୍ଞାନ ବିଭାଗରେ ଭାରପ୍ରାପ୍ତ କୁଳପତି ଡକ୍ଟର ନିବେଦିତା ନାଥଙ୍କ ସଭାପତିତ୍ୱରେ ‘ଆନ୍ଥ୍ରୋପୋଲୋଜି ଅଫ୍ ହେଲଥ୍ ଆଣ୍ଡ ୱେଲ ବିଙ୍ଗ’ ବିଷୟରେ ଏକ ଦିବସୀୟ ଜାତୀୟ ଆଲୋଚନାଚକ୍ର ଅନୁଷ୍ଠିତ ହୋଇଥିଲା । ପ୍ରଫେସର ସୁଭୋ ରାଓ ( ବିଭାଗ ମୁଖ୍ଯ, ବାୟୋଲୋଜିକାଲ ନୃତତ୍ତ୍ବବିଜ୍ଞାନ, ଇଣ୍ଡିଆନ ଷ୍ଟାଟିଷ୍ଟିକାଲ ୟୁନିଟ, କଲିକତା) ଆଲୋଚନାଚକ୍ରର ଶୁଭାରମ୍ଭ କରିଥିଲେ । ଏହି ଆଲୋଚନାଚକ୍ରରେ ସ୍ଵାସ୍ଥ୍ୟ ଓ ପୋଷଣ ଉପରେ ଗୁରୁତ୍ଵାରୋପ କରାଯାଇଥିଲା । ସୁନ୍ଦରଗଡ ଜିଲ୍ଲାର ଆଦିବାସୀ ସଂପ୍ରଦାୟର ମାରାତ୍ମକ ରୋଗ ବିଷୟରେ , ଜାତୀୟ ସର୍ଭେରେ ନୃତତ୍ତ୍ବବିଭାଗର ଭୂମିକା, ସ୍ନାତକ ଓ ସ୍ନାତକୋତ୍ତର ବିଭାଗରେ ସ୍ଵାସ୍ଥ୍ୟ ଓ ପୋଷଣ ସମ୍ବନ୍ଧରେ ବିଶେଷ ଅଧ୍ୟୟନ ପ୍ରଭୃତି ଦିଗରେ ଆଲୋଚନା ହୋଇଥିଲା । ପ୍ରଫେସର ପ୍ରସନ୍ନ କୁମାର ପାତ୍ର (ଉତ୍କଳ ବିଶ୍ୱବିଦ୍ୟାଳୟ), ପ୍ରଫେସର ଅରୁଣ କୁମାର ଆଚାର୍ଯ୍ଯ (ସମ୍ବଲପୁର ବିଶ୍ୱବିଦ୍ୟାଳୟ), ଡକ୍ଟର ବିଭୁ କଲ୍ୟାଣ ମହାନ୍ତି ( ସହଯୋଗୀ ପ୍ରଫେସର,ଗଙ୍ଗାଧର ମେହେର ବିଶ୍ୱବିଦ୍ୟାଳୟ) ଡକ୍ଟର ଶିବ କୁମାର (ସହକାରୀ ପ୍ରଫେସର,ଆଦର୍ଶ ସ୍ନାତକ ମହାବିଦ୍ୟାଳୟ,, ଖରିଆର )ପ୍ରମୁଖ ଯୋଗ ଦେଇଥିଲେ । ସହଯୋଗୀ ପ୍ରଫେସର ଡକ୍ଟର ରାଜକିଶୋର ମାହାନା ଧନ୍ୟବାଦ ଅର୍ପଣ କରିଥିଲେ । ନୃତତ୍ତ୍ବବିଜ୍ଞାନ ବିଭାଗର ସହକାରୀ ପ୍ରଫେସର ଡକ୍ଟର ମଧୁଲିକା ସାହୁ ଡକ୍ଟର କୁମୁଦ ଚନ୍ଦ୍ର ନାଏକ, ଡକ୍ଟର ଧନଞ୍ଜୟ କୁମାର , ଶ୍ରୀ ଚିରଞ୍ଜିବୀ ଶବର , ଶ୍ରୀ ପୂର୍ଣ୍ଣଚନ୍ଦ୍ର ବରାଡି, ଶ୍ରୀ ରତ୍ନାକର ପଲେଇ ତଥା ସମସ୍ତ ଛାତ୍ରଛାତ୍ରୀ ଓ ଗବେଷକ- ଗବେଷିକାଙ୍କ ସହଯୋଗରେ ଏହି ଆଲୋଚନାଚକ୍ର ସଫଳ ହୋଇଥିଲା ।
( ମ ନି ସ )
