ଶଙ୍କରା ଭରଣ

 

ଅତୁଳ ମାଣିକ ରତ୍ନ

          ଶୋଭାର ସାଗର

କ୍ଷୀର ସମୁଦ୍ରକୁ ବଳି

       ରୂପ ରତ୍ନାକର

ପ୍ରାତଃ ପ୍ରଦୋଷର ଘନ

      ମେଘ ପ୍ରଭାକର

ସମ ଦିଶେ ରୂପକାଶେ

     ସୁନ୍ଦରୁ ସୁନ୍ଦର

 ଚିର ପୂଜ୍ୟ ଶିରୀ ଧର

ଚିର ହାସ୍ୟ ମୟ ବିମ୍ବ   

      ଓଷ୍ଠ ରଙ୍ଗାଧର |1|

 

ଗୋପପୁର ବ୍ରଜପୁର

     ରସିକ ଶେଖର

ତ୍ରିଭୁବନ ରସରାଜ

     ଗୋପାଙ୍ଗନା ବର,

ମୃଦୁ ମନ୍ଦ ବିମ୍ବାଧର

      ଶଙ୍ଖ ଚକ୍ର ଧର

କୋଟି କୋଟି ମଣି ନିଧି

      ନାହିଁ ପଟାନ୍ତର,

   ଗୋପୀ ବଲ୍ଲଭ ଶ୍ରୀଧର

ଗୋପୀ ଦୁଧ ଦହି ଚୋର

       ଶତ ବସ୍ତ୍ରହର |2|

 

କୋଟି କୋଟି ଦେବାସୁର

        ହୃଦୟ ଈଶ୍ୱର

ମମ ପ୍ରଣିପାତ ଘେନ

      ଜଗତ ଠାକୁର,

ଗୋପୀ ଜନ ହୃଦପଦ୍ମ

        ଚୁମ୍ବିତ ଭ୍ରମର

ତୁମ୍ଭ କର କରେ ରମ୍ୟ

  ….. ମଞ୍ଜୁଳ ଭାସ୍କର,

ଗୋପୀ ବଲ୍ଲଭ ତସ୍କର

ରସେରସେ ମନହର

        ରସିକ ନଗର |3|

 

ବୁଡ଼ିଗଲେ ଦିନକର

         ଶୋଇଲେ ନାଗର

ବଇଁଶୀ ବଜାଉ କୃଷ୍ଣ

     … କୁଞ୍ଜେ ନିରନ୍ତର,

ବଇଁଶିର ସୁରେହରୁ

   …. ପ୍ରାଣ ହୃଦୟର

      ଗୋପୀ ବଲ୍ଲଭ ହେ ପ୍ରଭୂ

ଗୋପୀଙ୍କ ମାନ ଇଜ୍ଜତ

        ଆଜି ରକ୍ଷାକର |4|

 

ଜଗତ ଠାକୁର ହରି

    …. ସୁମନ ସୁନ୍ଦର

ରାଧାକୁଚ କୁମ୍ଭ ଧର

         ଖୋଲି ଦୁଇ କର

ଗୋପୀ ବଲ୍ଲଭ ସୁନ୍ଦର

       ନମଃ ଶ୍ରୀପୟର

ଶରଣ ଯାଉଛି ପ୍ରଭୂ

       ଆଜି ବିଦ୍ୟାଧର

ଶରଣାଗତ କିଙ୍କର

ଚଲାପଥେ ଦୋଷ ଥିଲେ

           ନିରି ଦୋସ କର

 

ଶ୍ରୀବିଦ୍ୟାଧର ମହାନ୍ତ

ତମ୍ବାହରା, କେନ୍ଦୁଝର