ଦଶମ ବାର୍ଷିକ ରଜ ମହୋତ୍ସବ – ୨୦୨୫ ମହା ସମାରୋହ ରେ ଅନୁଷ୍ଠିତ
କେନ୍ଦ୍ରାପଡ଼ା : ଚଳିତ ବର୍ଷ ଶ୍ରୀ ଶ୍ରୀ ବୁଢ଼ୀ ମଙ୍ଗଳା ଯୁବକ ସଂଘ ଆନୁକୂଲ୍ୟରେ ରାଜନଗର ଗଳିଦାଣ୍ଡର ଆରାଧ୍ୟା ଦେବୀ ମା ବୁଢ଼ୀ ମଙ୍ଗଳାଙ୍କ ଦିବ୍ୟ ପ୍ରାଙ୍ଗଣରେ ତ୍ରିଦିବସୀୟ ଦଶମ ବାର୍ଷିକ ରଜ ମହୋତ୍ସବ – ୨୦୨୫ ମହାସମାରୋହରେ ପାଳିତ ହୋଇଯାଇଅଛି | ପହିଲି ରଜ ଅବସରରେ ସଭାମଞ୍ଚରେ ମୁଖ୍ୟ ଅତିଥି ଭାବରେ ରାଜ୍ୟପାଳ ପୁରସ୍କାର ପ୍ରାପ୍ତ ଶିକ୍ଷକ ତଥା ବିଶିଷ୍ଟ ସାହିତ୍ୟିକ ପଣ୍ଡିତ ଶରତ ଚନ୍ଦ୍ର ମହାପାତ୍ର , ମୁଖ୍ୟ ବକ୍ତା ଭାବେ ରାଜନଗର ପ୍ରେସ କ୍ଲବ ସଭାପତି ଶ୍ରୀଯୁକ୍ତ ଭାସ୍କର ଚନ୍ଦ୍ର ରାଉତରାୟ , ସମ୍ମାନିତ ଅତିଥି ଭାବେ ଜୟଦୁର୍ଗା ବଣିକ ସଂଘ ପୂର୍ବତନ ସଭାପତି ପଣ୍ଡିତ ଶଙ୍କର୍ଷଣ ମିଶ୍ର , ରାଜନଗର ସରପଞ୍ଚ ପ୍ରତିନିଧି ରମଣୀ ରଞ୍ଜନ ମହାପାତ୍ର , ସମିତି ସଭ୍ୟା ସୁମିତ୍ରା ସେଠୀ, ଗ୍ରାମ୍ୟ କମିଟି ସମ୍ପାଦକ ଶ୍ରୀଯୁକ୍ତ ଅଭିରାମ ସାହୁ , ଯୁବକ ସଂଘ ଉପଦେଷ୍ଟା ବିଜୟ କୁମାର ପ୍ରଧାନ ମହୋଦୟ ଉପସ୍ଥିତ ଥିଲେ | ସଭା ଆରମ୍ଭରୁ ଗଳିଦାଣ୍ଡର କୁନି ପ୍ରତିଭା ଋଷିର ଆକସ୍ମିକ ବିୟୋଗ ଓ ଅହମଦାବାଦର ବିମାନ ଦୁର୍ଘଟଣା ପାଇଁ ଶୋକବ୍ୟକ୍ତ କରାଯାଇଥିଲା | ଇତ୍ୟବସରରେ ଜୀବନ ବ୍ୟାପୀ ସାଧନା ପାଇଁ ପଣ୍ଡିତ ଶରତ ଚନ୍ଦ୍ର ମହାପାତ୍ରଙ୍କୁ ” ରାଜନଗର ରତ୍ନ ସମ୍ମାନ”ରେ ସମ୍ମାନିତ କରାଯାଇଥିଲା | ପରେ ପରେ ଷ୍ଟାର ମ୍ୟାଜିକ ଶୋ,ଭଦ୍ରକ ଦ୍ୱାରା ଯାଦୁଗରୀ ପ୍ରଦର୍ଶନ କରାଯାଇଥିବା ବେଳେ ରଜ ସଂକ୍ରାନ୍ତିରେ ଶ୍ରୀକ୍ଷେତ୍ର ଭଜନ ମଞ୍ଚ ,କଟକ ଦ୍ୱାରା ଭଜନ ସନ୍ଧ୍ୟା ଏବଂ ଶେଷ ରଜ ଅବସରରେ ବୀଣାପାଣି କଳାନିକେତନ , ମଦନପୁର ଦ୍ୱାରା ନୃତ୍ୟ ପରିବେଷଣ କରାଯାଇଥିଲା | ଆହୁରି ମଧ୍ୟ ଛୋଟ ଛୋଟ ପିଲାମାନଙ୍କ ମଧ୍ୟରେ ମ୍ୟୁଜିକ ଚେୟାର ,ପୁଚି, ଲୁଡୋ ଆଦି ଅନେକ ଖେଳକୁଦ ପ୍ରତିଯୋଗିତା କରାଯାଇଥିଲା | କାର୍ଯ୍ୟକ୍ରମକୁ ଯୁବକ ସଂଘ ସଭାପତି ଶିବାନନ୍ଦ ରାଉତ, ସମ୍ପାଦକ ଚନ୍ଦ୍ରକାନ୍ତ ସେଠୀ, ଆବାହକ ଡ଼ଃ ଅମୀୟ ରଞ୍ଜନ ପରିଡା ,ଚନ୍ଦନ ପତି, ପ୍ରିୟବ୍ରତ ସାହୁ, ଅଭିରାମ ସାହୁ , ସହଦେବ ସେଠୀ , ଭରତ ସାହୁ , ରଜତ ପରିଡା, ସମୀର ସିଂ, ଦୀନବନ୍ଧୁ ସୂତାର ଆଦି କାର୍ଯ୍ୟକର୍ତ୍ତା ପରିଚାଳନା କରିଥିଲେ ଏବଂ ଗ୍ରାମ୍ୟ କମିଟି ସଭାପତି ଭିକାରୀ ବଳ , ଜୟରାମ ସେଠୀ , ବୈକୁଣ୍ଠ ବଳ, ଅନିରୁଦ୍ଧ ପରିଡା ଆଦି ସହଯୋଗ କରିଥିଲେ |
କେନ୍ଦ୍ରାପଡ଼ା ରୂ ଜିଲ୍ଲାପ୍ରତି ନିଧି ସମୀର କୁମାର ପ୍ରଧାନ ଙ୍କ ରିପୋର୍ଟ ମସିହା ନିୟୁଜ
