ବୃକ୍ଷରୋପଣ ପାଇଁ ଜନସଚେତନତା କାର୍ଯ୍ୟକ୍ରମ
କାଳୀକୃଷ୍ଣ ସଂଘର ପରିଚାଳକ ଶ୍ରୀ ଜଗଦାନନ୍ଦଜୀ ମହାରାଜ ଙ୍କ ନିର୍ଦ୍ଦେଶ କ୍ରମେ ଓଡ଼ିଶା ସାରା ବିଭିନ୍ନ ଜିଲ୍ଲା ବ୍ୟାପୀ ବୃକ୍ଷ ରୋପଣ କାର୍ଯ୍ୟକ୍ରମ ଜାରି ରହିଛି । ଦୀର୍ଘ ୮ ବର୍ଷ ଧରି ପରିବେଶ ସୁରକ୍ଷା ତଥା ସୁସ୍ଥ ପରିବେଶ ପାଇଁ ବିଭିନ୍ନ ସଚେତନତା କାର୍ଯ୍ୟକ୍ରମ ସହ ଏହି ଉଦ୍ୟମ ଜାରି ରହିଛି । ଏହି କ୍ରମରେ ଭୁବନେଶ୍ୱର ର ଭଗବାନପୁର ସରକାରୀ ପ୍ରାଥମିକ ବିଦ୍ୟାଳୟ ଠାରେ ବୃକ୍ଷ ରୋପଣ ଓ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ସଂଘ ର ବରିଷ୍ଠ ଶିଷ୍ୟା ଅମିତା ମିଶ୍ର ଙ୍କ ତତ୍ତ୍ଵାବଧାନ ଏବଂ ପ୍ରଚେଷ୍ଟା ରେ ଏହି କାର୍ଯ୍ୟକ୍ରମ ଟିକୁ ଜନ୍ମେଜୟ ଦାଶ, ସୂର୍ଯ୍ୟକାନ୍ତ ବେହେରା ଙ୍କ ସମେତ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ କଳ୍ପନା ବେହେରା ଏବଂ କର୍ମଚାରୀ ବୃନ୍ଦ ଉପସ୍ଥିତ ରହି ସହଯୋଗ କରିଥିଲେ ।
ଏଠାରେ ଉଲ୍ଲଖଯୋଗ୍ୟ ଯେ, ମୃତ୍ତିକା ସଂରକ୍ଷଣ ,ବୃକ୍ଷ ସୁରକ୍ଷା ,ଜଳ ସୁରକ୍ଷା ଦିଗରେ ଅହରହ ଭାବରେ ଜଗଦାନନ୍ଦଜୀ ଙ୍କ ପ୍ରୟାସ କୁ ବ୍ୟାପକ କରିବାକୁ ନେଇ କୋରାପୁଟ ଜିଲ୍ଲା,ନବରଙ୍ଗପୁର ଜିଲ୍ଲା,କୋରାପୁଟ ଜିଲ୍ଲା ର ବିଭିନ୍ନ ଗାଁ ଠୁ ସହର ଯାଏ ବୃକ୍ଷ ରୋପଣ କାର୍ଯ୍ୟକ୍ରମ ଚାଲିଛି। ଗତ ପାଞ୍ଚ ଦିନଧରି ଏହି ସଚେତନତା ଧର୍ମୀ ବୃକ୍ଷ ରୋପଣ ଏବଂ ତାର ରକ୍ଷଣାବେକ୍ଷଣ କୁ ଅତ୍ୟନ୍ତ ଗୁରୁତ୍ୱର ସହ ତୃଣମୂଳ ସ୍ତରରେ ପହଞ୍ଚାଇବାକୁ ଚେଷ୍ଟା କରାଯାଉଛି । ସଂଘ ପ୍ରତିଷ୍ଠାତା ସ୍ବାମୀ ସତ୍ୟାନନ୍ଦ ସରସ୍ଵତୀଙ୍କ ଜନ୍ମୋତ୍ସବ ଜୁଲାଇ ୨୦ କୁ ନେଇ ସମସ୍ତ ଅନୁଗାମୀ ବୃକ୍ଷ ରୋପଣ କରିଥିଲେ । ଉକ୍ତ ତିନି ଜିଲ୍ଲାବାଦ୍ ଆମେରିକା , ଦିଲ୍ଲୀ,ବାଙ୍ଗାଲୋର, ପୁରୀ,କେଉଁଝର, ଯାଜପୁର,ବ୍ରହ୍ମପୁର, ସହ ଆଜି ଭୁବନେଶ୍ୱର ଠାରେ ମଧ୍ୟ ଏକ ବୃକ୍ଷ ରୋପଣ କାର୍ଯ୍ୟକ୍ରମ ହୋଇଥିଲା ।
ବିଦ୍ୟାଧର ସାହୁଙ୍କ ରିପୋର୍ଟ….
