କବୟିତ୍ରୀ ରଞ୍ଜୁଲତା ପାଢ଼ୀଙ୍କୁ ପୁରସ୍କୃତ କଲେ ସମ୍ଭୁନାଥ ସେଠୀ
ଖଇରା,୨୬/୭/୨୫- ବାଲେଶ୍ବର ଜିଲ୍ଲା ଖଇରା ଠାରେ ଗଢ଼ି ଉଠିଥିବା ” ମୋ ଅନୁଷ୍ଠାନ ସାହିତ୍ୟ ସଂସଦ ” ବିଭିନ୍ନ ପ୍ରତିଭାଧାରୀ ମାନଙ୍କୁ ନେଇ ଆଗେଇ ଚାଲିଛି । ଏହା ଏକ ସାହିତ୍ୟ ଶିକ୍ଷାର ଅନୁଷ୍ଠାନ କହିଲେ ଅତ୍ଯୁକ୍ତି ହେବ ନାହିଁ । ଏଠି ନୂଆ ପୁରୁଣା ସମସ୍ତଙ୍କ ସୃଷ୍ଟିକୁ ସମ୍ମାନ ଦିଆଯାଏ । ଗଳ୍ପ, ପ୍ରବନ୍ଧ ଓ ମେଧାଅନ୍ବେଷଣ ପରି ବିଭିନ୍ନ ପ୍ରକାର ପ୍ରତିଯୋଗିତା କରାଯାଇ ତା’ ମାଧ୍ୟମରେ ଅନେକ କିଛି ଶିକ୍ଷା ଦେଇଥାଏ ଅନୁଷ୍ଠାନ । ପ୍ରତ୍ୟେକ ରବିବାର କିଛି ନା କିଛି ବିଷୟବସ୍ତୁକୁ ନେଇ ପ୍ରତିଯୋଗିତା ଅନୁଷ୍ଠିତ ହୋଇଥାଏ । କବି କବୟିତ୍ରୀ ମାନେ ମଧ୍ୟ ଆଗ୍ରହର ସହିତ ଭାଗନେଇ ଥାଆନ୍ତି । ପବିତ୍ର ଚିତାଲାଗି ଅମାବାସ୍ୟା ଉପଲକ୍ଷେ ” ମୋ ଅନୁଷ୍ଠାନ ” ହ୍ଵାଟ୍ସଆପ୍ ଗୃପରେ ଗତ ତା ୨୩/୭/୨୦୨୫ ରିଖ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଯାହାର ଶୀର୍ଷକ ଥିଲା ” ଚିତାଲାଗି ଅମାବାସ୍ୟା ” । ମୋଟ ୧୦ ଜଣଙ୍କ ମଧ୍ୟରୁ ରଞ୍ଜୁଲତା ପାଢ଼ୀ, ରାଉରକେଲା, ସୁନ୍ଦରଗଡ଼ ପ୍ରଥମ ସ୍ଥାନ ଅଧିକାର କରିବା ସହିତ ଅନୁଷ୍ଠାନର ଗୌରବ ବୃଦ୍ଧି କରିଥିଲେ । ସମୀକ୍ଷା କରିଥିଲେ ଝାରସୁଗୁଡାର କବୟିତ୍ରୀ ମାଧୁରୀ ମିଶ୍ର । ଫଳାଫଳ ପ୍ରକାଶ ପରେ ” ମସୀହା ” ପୋଟାଲରେ ନିଉଜ୍ ପ୍ରକାଶ ପାଇଥିଲା । ସୋସିଆଲ ମିଡ଼ିଆରୁ ଖବର ପଢି ” ମୋ ଅନୁଷ୍ଠାନ ” କାର୍ଯ୍ଯାଳୟ ସହିତ ଯୋଗାଯୋଗ କରିଥିଲେ ସମ୍ଭୁନାଥ ସେଠୀ । ସମ୍ଭୁନାଥ ଜଣେ ସମାଜସେବୀ । ପରିବାର ପ୍ରତି ପୋଷଣ ପାଇଁ ଖଇରା ବଜାରରେ ସେ ଏକ ଲଣ୍ଡ୍ରି ଦୋକାନ କରିଛନ୍ତି । ମୋ ଅନୁଷ୍ଠାନକୁ ସେ ଅତିମାତ୍ରାରେ ଭଲ ପାଆନ୍ତି । ଅନୁଷ୍ଠାନର ସମାଜସେବା କାର୍ଯ୍ୟରେ ମଧ୍ୟ ଯୋଗ ଦିଅନ୍ତି । ନିଜର ସ୍ବଳ୍ପ ଆୟରୁ କମ୍ବଳ ବଣ୍ଟନ କାର୍ଯ୍ୟ ପାଇଁ କିଛି ଦାନ ମଧ୍ୟ କରନ୍ତି । ମୋ ଅନୁଷ୍ଠାନର ପ୍ରତିଟି କାର୍ଯ୍ୟକ୍ରମକୁ ସୋସିଆଲ ମିଡିଆରେ ଦେଖି ବହୁ ଖୁସି ଅନୁଭବ କରନ୍ତି । ରଞ୍ଜୁଲତା କବିତା ପ୍ରତିଯୋଗିତାରେ ପ୍ରଥମ ସ୍ଥାନ ଅଧିକାର କରିଥିବା ସୋସିଆଲ ମିଡ଼ିଆରୁ ଜାଣି ହଠାତ୍ କାର୍ଯ୍ଯାଳୟରେ ପହଞ୍ଚି ନିଜର ମନକଥା ଖୋଲି କହିଥିଲେ ଏବଂ ରଞ୍ଜୁଲତାଙ୍କୁ କିଛି ଅର୍ଥ ପୁରସ୍କାର ଦେବାପାଇଁ ମନସ୍ଥ କରିଥିବା କହିଥିଲେ । ପୁରସ୍କାର ସ୍ବରୂପ ରଞ୍ଜୁଲତାଙ୍କୁ ଶ୍ରୀ ସେଠୀ ୧୦୦ ଟଙ୍କା ପ୍ରଦାନ କରି ସାହିତ୍ୟ ଜୀବନ ଚଲାପଥ କୁସୁମିତ ନିମନ୍ତେ ଈଶ୍ବରଙ୍କ ନିକଟରେ ପ୍ରାର୍ଥନା କରି କାର୍ଯ୍ଯାଳୟରୁ ଫେରିଥିଲେ । ସମ୍ପାଦକ ନରେନ୍ଦ୍ର ପ୍ରସାଦ ବେହେରା ସମ୍ଭୁନାଥଙ୍କ ଏପରି ମହତ୍ତ୍ୱପୂର୍ଣ୍ଣ କାର୍ଯ୍ୟକୁ ଖୁବ୍ ପ୍ରଶଂସା କରିଥିଲେ ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
