“ସସ୍କୃତି ବନ୍ଧୁ” ଡିଏସପି ସରୋଜକାନ୍ତ ସାହୁ ଙ୍କୁ ଶ୍ରୀ ଜଗନ୍ନାଥ ଟ୍ରଷ୍ଟ ପକ୍ଷରୁ ସମ୍ମାନୀତ
କଟକ : କେନ୍ଦ୍ରାପଡ଼ା ଜିଲ୍ଲାର ଆରକ୍ଷୀ ଅଧିକ୍ଷକଙ୍କ କାର୍ଯ୍ୟାଳୟ ରେ ଡିଏସପି ସରୋଜକାନ୍ତ ସାହୁ ଙ୍କୁ “ସଂସ୍କୃତି ବନ୍ଧୁ” ସମ୍ମାନ ରେ ସମ୍ମାନୀତ କରାଯାଇଛି। କେନ୍ଦ୍ରାପଡ଼ା ଜିଲ୍ଲା ରେ ବିଭିନ୍ନ ଥାନା ମାନଙ୍କ ରେ ଅଧିକାରୀ ଥିବା ସମୟରେ ଶ୍ରୀଯୁକ୍ତ ସାହୁ ସମାଜ ସଂସ୍କାରକ ଓ ସଂସ୍କୃତି ସଂପନ୍ନ କର୍ମ କରି ସବୁବେଳେ ଚର୍ଚ୍ଚା ରେ ରହିଥାନ୍ତି। ତାଙ୍କ ଅଧୀନ ରେ ଥିବା ପାଟକୁରା ଥାନା, ସଦର ଥାନା ଓ ଡେରାବିସ ଥାନା ରେ ଏକ ରୁ ଅନେକ ମନ୍ଦିର ନିର୍ମାଣ କରାଇବା ସହ ରକ୍ତଦାନ ଶିବିର ଆୟୋଜନ କରିବା ଅନ୍ତର୍ଭୁକ୍ତ ଅଟେ। ସଧାରଣ ଜନତା ଙ୍କ ପାଇଁ ବସିବା ସ୍ଥାନ ବନାଇବା, ପାନୀୟ ଜଳ ବ୍ୟବସ୍ତା, ପାଇଖାନା ନିର୍ମାଣ କରାଇବା ଓ ବୃକ୍ଷ ରୋପଣ କରି ସେ ଜନ ମାନସ ରେ ପରିଚିତ। ଶ୍ରୀଯୁକ୍ତ ସାହୁ ଏବେ ଥାନା ଅଧିକାରୀ ରୁ ପଦୋନ୍ନତି ପାଇ କେନ୍ଦ୍ରାପଡ଼ା ଜିଲ୍ଲାର ଆରକ୍ଷୀ ଅଧିକ୍ଷକଙ୍କ କାର୍ଯ୍ୟାଳୟ ରେ ଡିଏସପି ଭାବେ କାର୍ଯ୍ୟରତ। ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ର ଗୋଟିଏ ବାର୍ତ୍ତା “ଆମ କର୍ମ ଆମ ପରିଚୟ” । ଏହି ମର୍ମ ରେ ଡିଏସପି ସରୋଜକାନ୍ତ ସାହୁ ଙ୍କୁ “ସଂସ୍କୃତି ବନ୍ଧୁ” ସମ୍ମାନ ରେ ସମ୍ମାନୀତ କରାଯାଇଛି । ତାଙ୍କୁ ଉତ୍ତରୀୟ ସହ ଏକ ଜାମୁଡଳ ବ୍ରୁକ୍ଷ ପ୍ରଦାନ କରାଯାଇଛି। ଆଜି ର କାର୍ଯ୍ୟକ୍ରମ ରେ ପଣ୍ଡିତ ରବିନାରାୟଣ ମହାପାତ୍ର, ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ର ସଭପତି ଶ୍ରୀଯୁକ୍ତ ଦମନ ମହାନ୍ତି ଓ ଟ୍ରଷ୍ଟ ର ମୁଖ୍ୟ ସହଯୋଗୀ ତପନ କୁମାର ନାଥ ଉପସ୍ଥିତ ଥିଲେ।
ଶ୍ରୀକାନ୍ତ ବେଉରା ଙ୍କ ରିପୋର୍ଟ୍
