ବିସ୍ମୟକର ଶିଶୁ କନ୍ଯାର ବାଲ୍ୟ ପ୍ରତିଭା
ଭବାନୀପାଟଣା/ଭବାନୀପାଟଣା ସହର ଅନ୍ତର୍ଗତ ନକଟିଗୁଡା ରେ ରହୁଥିବା ଛୋଟ ଶିଶୁ କନ୍ଯାର ବିସ୍ମୟକର ବାଲ୍ୟ ପ୍ରତିଭା ସମସ୍ତଙ୍କୁ ଆଶ୍ଚର୍ଯ୍ୟ କରିଛି. ଶିଶୁ ର ନାମ ସ୍ବୟଂ ଶ୍ରୀ ନାୟକ ବୟସ ମାତ୍ର ଦୁଇ ବର୍ଷ ତିନି ମାସ. ପିତା ଗୌରୀ ଶଙ୍କର ନାୟକ, ମାତା ପଦ୍ମିନୀ ପାତ୍ର. ତାଙ୍କ ର ନିଜ ଜନ୍ମିତ ସ୍ଥାନ ଗଞ୍ଜାମ ଜିଲା କରା ଖଣ୍ଡି ଗ୍ରାମରେ. କୁନି ଶିଶୁ ର ଅବିଶ୍ବସନୀୟ ସ୍ମରଣଶକ୍ତି ସମ୍ପନ୍ନ. ଏତେ କମ ବୟସରୁ ସ୍ପଷ୍ଟ ଭାବେ ମନେ ରଖି କହି ପାରୁଛନ୍ତି ଏବଂ ଜିନିଷ ପତ୍ର ଚିହ୍ନି ପାରୁଛି. ଗାୟତ୍ରୀ ମନ୍ତ୍ର ଉଚ୍ଚାରଣ କରି ପାରନ୍ତି. ସେ ମନେ ରଖି ପାରୁଥିବା ତାଲିକାଟି ହେଲା ଉଭୟ ଓଡିଆ ଓ ଇଂରାଜୀ ଗଣନା, ଉଭୟ ଭାଷାରେ ସାତ ବାରର ନାମ. ବାର ମାସର ନାମ, ଛଅ ରୁତୁ ର ନାମ, ବିଭିନ୍ନ ଆକୃତି ଓ ରଙ୍ଗ ର ନାମ, ହିନ୍ଦୀ ଓ ଇଂରାଜୀ ଭାଷାରେ ସମାନ ଶବ୍ଦ ଉଚ୍ଚାରଣ, ବନ୍ଯ ଓ ଗୃହ ପାଳିତ ପଶୁ ପକ୍ଷୀ ଙ୍କ ନାମ, ବିଭିନ୍ନ ପନିପରିବା ର ନାମ, ଜିଲା ଗୁଡିକର ନାମ, ବିଭିନ୍ନ କ୍ରିୟା ଗୁଡିକର ନାମ, ବିଭିନ୍ନ ଫୁଲ ଓ ଫଳ ର ନାମ, ଶରୀର ର ଅଙ୍ଗ ପ୍ରତ୍ୟଙ୍ଗ, ଯାନ ବାହାନର ନାମ, ଇଂରାଜୀ ଅକ୍ଷରରେ ବିଭିନ୍ନ ଶବ୍ଦ, ବିଭିନ୍ନ ମନ୍ତ୍ର ଉଚ୍ଚାରଣ, ବିଭିନ୍ନ ବୃତ୍ତିର ନାମ, ସାଧାରଣ ଜ୍ଞାନ, ଜାତୀୟ ସଂକେତ, ଜାତୀୟ ସଙ୍ଗୀତ ର କିଛି ଅଂଶ, ବିଭିନ୍ନ ସରୀସୃପ ର ନାମ ମନେ ରଖିପାରିଛି. ମନେ ରଖିବା ସହ ସଙ୍ଗୀତ ଶୁଣିଲେ ହାତ ପାଦ ହଲେଇ ନାଚିବା ଆରମ୍ଭ କରନ୍ତି. ଏହା ସତରେ ଏକ ଆଶ୍ଚର୍ଯ୍ୟଜନକ ଲାଗେ.
ବିଷ୍ଣୁ ଚରଣ ସ୍ଵାଇଁ ଙ୍କ ରିପୋଟିଂ
