ସହକାରୀ ଶିକ୍ଷକ ନିଲମ୍ବିତ:ପ୍ରଧାନ ଶିକ୍ଷକ ଙ୍କ ଦରମା ବନ୍ଦ
(ଶ୍ରେଣୀ ଗୃହରେ ଅଶ୍ଳୀଳ ଭାଷାରେ ଶିକ୍ଷକ ଗାଳିଗୁଲଜ କରିବା ଘଟଣା)
ନବରଙ୍ଗପୁର:(୬|୮)(ରବି ନାରାୟଣ ମହାନ୍ତି)ନବରଙ୍ଗପୁର ଜିଲ୍ଲା ଡାବୁଗାଁ ବ୍ଳକ ବୋରିଗାଁ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ ଶ୍ରେଣୀ ଗୃହରେ ପଢାଇବା ବେଳେ ଶିକ୍ଷକ ମଥୁରା ନନ୍ଦ ରାଉତ ଛାତ୍ରୀ ଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରିବା ଘଟଣାରେ ସୋମବାର ତାଙ୍କୁ ନିଲମ୍ବିତ କରାଯାଇଛି l ଜିଲ୍ଲା ଶିକ୍ଷା ବିଭାଗ ଉକ୍ତ ଘଟଣାରେ ସ୍କୁଲ ପ୍ରଧାନଶିକ୍ଷକ ଙ୍କ ଦରମା ବନ୍ଦ କରିଛି l ସୂଚନା ଅନୁସାରେ ସହକାରୀ ଶିକ୍ଷକ ଅଶ୍ଳୀଳ ଭାଷାରେ ଗାଳିଗୁଲଜ କରୁଥିବା ନେଇ ଗତ ୨୬ ତାରିଖରେ ଛାତ୍ରୀମାନେ ବିଦ୍ୟାଳୟ ପ୍ରଧାନଶିକ୍ଷକ ଙ୍କୁ ଲିଖିତ ଅଭିଯୋଗ ଦେଇଥିଲେ l ଅଭିଯୋଗ ବିଷୟରେ ପ୍ରଧାନଶିକ୍ଷକ ଜିଲ୍ଲା ଶିକ୍ଷା ଅଧିକାରୀଙ୍କୁ ଜଣାଇଥିଲେ ଜିଲ୍ଲା ଶିକ୍ଷା ଅଧିକାରୀ ଅଭିଯୋଗ ପାଇବା କ୍ଷଣି ଏକ ୬ ଜଣିଆ ତଦନ୍ତ କମିଟି ଗଠନ କରି ବିଦ୍ୟାଳୟକୁ ଯାଞ୍ଚ ନିମନ୍ତେ ପଠାଇଥିଲେ l ୨୭ ତାରିଖରେ ତଦନ୍ତ କମିଟି ବିଦ୍ୟାଳୟରେ ପହଁଞ୍ଚି ତଦନ୍ତ କରିଥିଲେ l ତଦନ୍ତ କମିଟି ଏକ ରିପୋର୍ଟ ଜିଲ୍ଲା ଶିକ୍ଷା ଅଧିକାରୀ ଛତ୍ରପତି ସାହୁଙ୍କୁ ପ୍ରଦାନ କରିଥିଲେ l ତଦନ୍ତ ରିପୋର୍ଟ ଅନୁସାରେ ଜିଲ୍ଲା ଶିକ୍ଷା ବିଭାଗ ଜିଲ୍ଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ଚିଠି ନମ୍ବର ୩୯୮୮/୪.୮.୨୦୨୫ ଅନୁଯାୟୀ ସହକାରୀ ଶିକ୍ଷକ ମଥୁରା ନନ୍ଦ ରାଉତ ଙ୍କୁ ନିଳମ୍ବନ କରାଯାଇ ଥିବା ବେଳେ ତାଙ୍କୁ ଡାବୁଗାଁ ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ରେ ଅବସ୍ଥାପିତ କରାଯାଇଛି l ତେବେ ସମ୍ପୃକ୍ତ ବିଦ୍ୟାଳୟର ପ୍ରଧାନଶିକ୍ଷକ କେଶବ ଗୌଡଙ୍କର ଦରମା ବନ୍ଦ କରାଯାଇଥିବା ଜିଲ୍ଲା ଶିକ୍ଷା ଅଧିକାରୀ ଛତ୍ରପତି ସାହୁ ମହୋଦୟ ସୂଚନା ଦେଇଛନ୍ତି l
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
