୧୬୩ ତମ ଗଙ୍ଗାଧର ଜୟନ୍ତୀ ମହା ସମାରୋହ ରେ ପାଳିତ
କୁଳମଣି ସାହୁ ଙ୍କୁ ଗଙ୍ଗାଧର ମେହେର ସମ୍ମାନ
ଭବାନୀପାଟଣା ତା: ୯/୮()ଚେତାବନୀ ସାହିତ୍ୟ ସଂସଦ କେସିଙ୍ଗା ପକ୍ଷରୁ ପ୍ରତ୍ୟେକ ବର୍ଷ ଭଳି ଚଳିତ ବର୍ଷ ମଧ୍ୟ ସ୍ଥାନୀୟ କେସିଙ୍ଗା ଉଚ୍ଚ ବିଦ୍ୟାଳୟ ପରିସରରେ ୧୬୩ ତମ ଗଙ୍ଗାଧର ଜୟନ୍ତୀ ସମାରୋହ ରେ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମଟି ସଂସଦ ର ସଭାପତି ଯାଜ୍ଞସେନୀ ସାହା ଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଅଞ୍ଚଳର ବରିଷ୍ଠ ଚିକିତ୍ସକ ତଥା ପୂର୍ବତନ ନଗରପାଳ ଡାକ୍ତର ହେମସାଗର ସାହା ଯୋଗ ଦେଇ ଥିବା ବେଳେ ସମ୍ମାନିତ ଅତିଥି ଭାବରେ ଯୋଗଦେଇ ବରିଷ୍ଠ ଶିକ୍ଷକ ହରିଶଙ୍କର ଭୋଇ ସେହିପରି ମୁଖ୍ୟବକ୍ତା ଭାବେ ବଡ଼ମାଳ ଆୟୁଧ ନିର୍ମାଣ ବିଦ୍ୟାଳୟର ଟି ଜି ଟି ରାଜ ମଣି ସାହୁ ମଞ୍ଚାଷିନ ଥିଲେ। ମଞ୍ଚାଷିନ ଅତିଥି ମାନେ ନିଜ ଅଭିଭାଷଣରେ ସ୍ଵଭାବ କବି ଗଙ୍ଗାଧର ମେହେର ଙ୍କ ଜୀବନୀ ଉପରେ ଆଲୋକପାତ କରି କବି ଙ୍କ ସ୍ମୁଟିଚାରଣ କରିଥିଲେ। ଏହି ଅବସରରେ ବିଶିଷ୍ଟ ସାହିତ୍ୟିକ ରାଜମଣି ସାହୁ ଙ୍କୁ ତାଙ୍କର ସାହିତ୍ୟ ପ୍ରତି ଉଲ୍ଲେଖନୀୟ ଅବଦାନ ପାଇଁ ଅନୁଷ୍ଠାନ ପକ୍ଷରୁ ଗଙ୍ଗାଧର ମେହେର ସମ୍ମାନ ରେ ସମ୍ମାନିତ କରାଯାଇଥିଲା। ଆରମ୍ଭରେ ସ୍ଥାନୀୟ ସରସ୍ଵତୀ ଶିଶୁ ବିଦ୍ୟା ମନ୍ଦିର ର ଛାତ୍ର ଛାତ୍ରୀ ଙ୍କ ଦ୍ଵାରା ପ୍ରାରମ୍ଭିକ ସଙ୍ଗୀତ ଗାନ କରାଯାଇଥିବା ବେଳେ ସହର ର ବିଭିନ୍ନ ବିଦ୍ୟାଳୟର ଛାତ୍ର ଛାତ୍ରୀ ଙ୍କ ଦ୍ଵାରା ମେହେର ସଙ୍ଗୀତ ପରିବେଷଣ କରାଯାଇଥିଲା। ସମ୍ପାଦକ ରଞ୍ଜନ କୁମାର ପଣ୍ଡା ସ୍ଵାଗତ ସମ୍ଭାଷଣ ଦେଇଥିବା ବେଳେ ଅତିଥି ପରିଚୟ ପ୍ରଦାନ କରିଥିଲେ ସାଂଗଠାନିକ ସମ୍ପାଦକ ଯାଦବେନ୍ଦ୍ର ସାହା ସେହିପରି ମଞ୍ଚ ପରିଚାଳନା ଜି କ୍ରୀଷ୍ଣା ରେଡ୍ଡୀ ଓ ଗୋବିନ୍ଦ ବାଗ କରିଥିବା ବେଳେ ଶେଷରେ ଧନ୍ୟବାଦ୍ ଅର୍ପଣ କରିଥିଲେ ଉପ ସଭାପତି ରମେଶ କୁମାର ଜେନା।ଅନ୍ୟ ମାନଙ୍କ ମଧ୍ୟରେ ସାହିତ୍ୟ ସଂସଦ ର ସଂଯୁକ୍ତା ପାଢ଼ୀ, ଡମ୍ବରୁଧର ଭୋଇ ସହଯୋଗ କରିଥିଲେ।
ବିଷ୍ନୁ ଚରଣ ସ୍ଵାଇଁ ଙ୍କ ରିପୋଟିଂ
