କୃଷକ ଦିବସ
ମାନଗୋବିନ୍ଦ ସ୍ବାଇଁ
କୃଷକ ଦିବସ ଚାଷ ଅନୁକୂଳ
ଅକ୍ଷୟ ତୃତୀୟା ଦିନ
ସେଦିନ ଚାଷୀର ଶୁଭ ବେଳ ପଡେ
କ୍ଷେତରେ ବୁଣିବା ଧାନ।
ବଳଦ ଲଙ୍ଗଳ ଅକ୍ଷିମୁଠି ଧରି
କ୍ଷେତ ବୁଣା ଶସ୍ୟ ବୀଜ
ଆନନ୍ଦ ମନରେ କ୍ଷେତକୁ ଯାଉଛି
ପୂଜା କରି ବୁଣେ ବୀଜ।
କୃଷକ ଆମର ଦେଶ ମେରୁଦଣ୍ଡ
ଆହାର ର ଅନ୍ନ ଥାଳି
କୃଷକ ଯୋଗାଏ ଖାଦ୍ୟର ଭଣ୍ଡାର
ଦେଶ ପାଇଁ ଖାଦ୍ୟ ସ୍ଥଳି।
କୃଷକ ବଞ୍ଚିଲେ ସମାଜ ବଞ୍ଚିବ
କୃଷି ଆମ ଭାତ ହାଣ୍ଡି
ତା ପାଇଁ ସମାଜ ତିଷ୍ଠି ରହି ଅଛି
କୃଷକ ଆହାର ହୁଣ୍ଡି।
ନାହଁ ଝଡ଼ ବର୍ଷା ବନ୍ୟା ବାତ୍ୟା ତାତି
ଖଟୁଥାଏ ଦେଇ ହିଆ
ସଦା କର୍ମ କ୍ଷେତ ଲାଗିଥାଏ ଚାଷେ
ପ୍ରଭୁ ତା ପାଇଁ ସାହା।
ଜୀବନକୁ ବାଜି ଲଗାଇ କ୍ଷେତ୍ରରେ
ଯୋଗାଇ ଦିଏ ଆହାର
ଜୀବ ଉପକାର ସମାଜ ମଙ୍ଗଳ
ଚାଷୀ ଘେନ ମୋ ଜୁହାର।
କେତେ ଦୁଃଖ କଷ୍ଟ ସମାଜ ସେବାର
ଶ୍ରମ କର୍ମ କରି ଦାନ
କୋଟି କୋଟି ପ୍ରାଣୀ ଜୀବନ ଆହାର
ଚାଷୀ ଭାଇ ଭଗବାନ।
କୃଷକ ଦିବସ ସାହସ ଦେଉଛି
ମଙ୍ଗଳମୟ ରହୁ ଦିନ
ସର୍ବ ଶାନ୍ତି ମିଳୁ କୃଷକ ଭାଇକୁ
ଘେନ ଭାଇ ମୋ ପ୍ରଣାମ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
