ଅଭ୍ୟାସ ଟେକ୍ନୋ ସ୍କୁଲରେ ବିନାୟକ ପୂଜାରେ ଉତ୍ସବୀୟ ମହଲ
ରାୟଗଡା /ପଦ୍ମପୁର, ଅଭ୍ୟାସ ଟେକ୍ନୋ ସ୍କୁଲ୍:ବିଦ୍ୟା, ବୁଦ୍ଧି ଓ ମଙ୍ଗଳର ପ୍ରତୀକ ବିନାୟକ ସ୍ବାମୀଙ୍କ ପୂଜା ଅଭ୍ୟାସ ଟେକ୍ନୋ ସ୍କୁଲରେ ଅତ୍ୟନ୍ତ ଆଡମ୍ବର ଓ ଭକ୍ତିଭାବରେ ସମ୍ପନ୍ନ ହେଲା । ସଭିଙ୍କ ମଙ୍ଗଳ କାମନା ଓ ଶୁଦ୍ଧ ଭାବନାରେ ଏହି ପୂଜାରେ ସମସ୍ତଙ୍କ ସହଭାଗୀତା ହେଲା ।
ଆଜି ସକାଳ ୯ଟାରୁ ପୂଜା ଆରମ୍ଭ ହୋଇ ପ୍ରାୟ ୧ ଘଣ୍ଟା ଯାଏଁ ଚାଲିଥିଲା । ଛାତ୍ରଛାତ୍ରୀଙ୍କ ସହିତ ଅଭିବାବକମାନେ ମଧ୍ୟ ଭାଗ ନେଇଥିଲେ । ପରିବେଶ ସୁରକ୍ଷାକୁ ଧ୍ୟାନ ରଖି ପ୍ରାୟ ୯ ଫୁଟ ଉଚ୍ଚତାର ମାଟିର ସୁନ୍ଦର ବିନାୟକ ମୂର୍ତ୍ତି ତିଆରି କରାଯାଇଥିଲା । କିଛି ଛାତ୍ରଛାତ୍ରୀ ନିଜେ ଛୋଟ ମୂର୍ତ୍ତି ନେଇ ମଧ୍ୟ ପୂଜାରେ ଯୋଗଦେଇଥିଲେ ।
ପୁରୋହିତଙ୍କ ମନ୍ତ୍ରୋଚ୍ଚାରଣରେ ସମସ୍ତ ପରିବେଶ ପବିତ୍ର ହୋଇଯାଇଥିଲା । ଛାତ୍ରଛାତ୍ରୀମାନେ ଭକ୍ତିଭାବରେ ପୁଷ୍ପାଞ୍ଜଳି ଓ ଆଳତି ଦେଇ ପୂଜା କରିଥିଲେ । ବିଶେଷ କଥା ହେଲା, ପୂଜା ମଣ୍ଡପର ସମସ୍ତ ସଜାଣି ଛାତ୍ରମାନେ ନିଜେ କରିଥିଲେ, ଯାହା ଦେଖିବାକୁ ବହୁତ ସୁନ୍ଦର ଲାଗୁଥିଲା ।
ପୂଜା ଶେଷରେ ଛାତ୍ରମାନେ ଆନନ୍ଦମୟ ନୃତ୍ୟ ପରିବେଷଣ କରିଥିଲେ । ସନ୍ଧ୍ୟାରେ ମହାଆଳତିର ବ୍ୟବସ୍ଥା ରହିଛି । ପ୍ରିନ୍ସିପାଲ୍ ଶ୍ରୀ ଦିବ୍ୟ ଦେବାଶିଷ ଦୁବେ କହିଛନ୍ତି ଯେ, ଆସନ୍ତା ଶୁକ୍ରବାର ବିସର୍ଜନ ବିଶେଷ ଆଡମ୍ବର ସହିତ କରାଯିବ ।ସ୍କୁଲର ସେକ୍ରେଟାରୀ ଶ୍ରୀ ଲାଡି ତୁକାରମ୍ ମଧ୍ୟ ଉପସ୍ଥିତ ହୋଇ ସମସ୍ତ ପିଲାଙ୍କୁ ପ୍ରସାଦ ବଣ୍ଟନ କରିଥିଲେ ।
ଗୌରୀ ପଟ୍ଟନାୟକ ଙ୍କ ରିପୋର୍ଟ୍
