ବିପିୟୁଟି, ଓଡିଶା ରାଉରକେଲାରେ “ଭାରତୀୟ ଜ୍ଞାନ ପ୍ରଣାଳୀ” ଉପରେ ଦୁଇ ଦିନିଆ ଅଧ୍ୟାପକ ବିକାଶ କାର୍ଯ୍ୟକ୍ରମ ଅନୁଷ୍ଠିତ
ରାଉରକେଲା: ବିଜୁ ପଟ୍ଟନାୟକ ବୈଷୟିକ ବିଶ୍ୱବିଦ୍ୟାଳୟ, ଓଡିଶା ରାଉରକେଲା ସ୍ଥିତ ଏହାର କ୍ୟାମ୍ପସରେ “ଭାରତୀୟ ଜ୍ଞାନ ପ୍ରଣାଳୀ” ଉପରେ ଏକ ଦୁଇ ଦିନିଆ ଅଧ୍ୟାପକ ବିକାଶ କାର୍ଯ୍ୟକ୍ରମ ୩୦ ଏବଂ ୩୧ ଅଗଷ୍ଟ ୨୦୨୫ ରେ ସଫଳତାର ସହ ଆୟୋଜନ କରିଥିଲା। ଏହି କାର୍ଯ୍ୟକ୍ରମରେ ବିପିୟୁଟି ଅଧୀନରେ ଥିବା ବିଭିନ୍ନ ଅନୁବନ୍ଧିତ କଲେଜର ପ୍ରତିନିଧିତ୍ୱ କରୁଥିବା ପ୍ରାୟ ୮୦ ଜଣ ଅଧ୍ୟାପକଙ୍କ ସକ୍ରିୟ ଅଂଶଗ୍ରହଣ ଦେଖିବାକୁ ମିଳିଥିଲା।
୩୦ ଅଗଷ୍ଟ ୧୦:୩୦ ରେ ଅନୁଷ୍ଠିତ ଉଦଘାଟନୀ ଅଧିବେଶନଟି ପାଠ୍ୟକ୍ରମ ବିକାଶ ନିର୍ଦ୍ଦେଶକ ପ୍ରଫେସର ସୁଜିତ କୁମାର ଖୁଣ୍ଟିଆଙ୍କ ସ୍ୱାଗତ ଭାଷଣ ସହିତ ଆରମ୍ଭ ହୋଇଥିଲା। ସିୟୁପିଜିଏସ ର ନିର୍ଦ୍ଦେଶକ ପ୍ରଫେସର ଶିବକୁମାର ମିଶ୍ର ଏବଂ ପରୀକ୍ଷା ନିର୍ଦ୍ଦେଶକ ପ୍ରଫେସର ବି. ବି. ମଙ୍ଗରାଜ ଉଚ୍ଚ ଶିକ୍ଷାରେ ପାରମ୍ପରିକ ଭାରତୀୟ ଜ୍ଞାନର ସମନ୍ୱୟ ଉପରେ ସେମାନଙ୍କର ଅନ୍ତର୍ଦୃଷ୍ଟି ପ୍ରଦାନ କରିଥିଲେ । ଏହି ଅଧିବେଶନରେ ସମ୍ମାନିତ ଅତିଥି ଭାବରେ ନୂଆଦିଲ୍ଲୀ ଏନବିସିସି ର ସିଜିଏମ ଦେବାଶିଷ ଶତପଥୀ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ମୁଖ୍ୟଅତିଥି, ବିପିୟୁଟିର କୁଳପତି ପ୍ରଫେସର ଅମୀୟ କୁମାର ରଥ, ଆଜିର ଶିକ୍ଷାଗତ ଏବଂ ବୃତ୍ତିଗତ ବିଶ୍ୱ ପାଇଁ ଭାରତୀୟ ଜ୍ଞାନ ପ୍ରଣାଳୀର ପ୍ରାସଙ୍ଗିକତା ଏବଂ ଏହାର ପରିଚାଳନା ଉପରେ ଆଲୋକପାତ କରିଥିଲେ। ଡକ୍ଟର ଡି. ଚନ୍ଦ୍ରଶେଖର ରାଓ ଧନ୍ୟବାଦ ପ୍ରସ୍ତାବ ଦେଇଥିଲେ। ଦୁଇ ଦିନ ଧରି ଅନୁଷ୍ଠିତ ବୈଷୟିକ ଅଧିବେଶନଗୁଡ଼ିକ ବୌଦ୍ଧିକ ଆଦାନପ୍ରଦାନ ପାଇଁ ଏକ ସମୃଦ୍ଧ ମଞ୍ଚ ପ୍ରଦାନ କରିଥିଲା। ୩୧ ଅଗଷ୍ଟ ସନ୍ଧ୍ୟା ରେ ଏକ ବିଦାୟ ସମାରୋହ ସହିତ ଏହି କାର୍ଯ୍ୟକ୍ରମ ଶେଷ ହୋଇଥିଲା ।ଯେଉଁଠାରେ ଅଂଶଗ୍ରହଣ କରିଥିବା ଅଧ୍ୟାପକ ମାନଙ୍କୁ ପ୍ରମାଣପତ୍ର ବଣ୍ଟନ କରାଯାଇଥିଲା। କାର୍ଯ୍ୟକ୍ରମଟି ବିପିୟୁଟି, ଓଡିଶାର ଡେପୁଟି ରେଜିଷ୍ଟ୍ରାର ଡକ୍ଟର ଶୁଭେନ୍ଦୁ କୁମାର ରଥଙ୍କ ଦ୍ୱାରା ସଂଯୋଜିତ ହୋଇଥିଲା।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
