କାଉନସିଲ୍ ଅଫ୍ ଆନାଲାଇଟିକାଲ୍ ଟ୍ରାଇବାଲ୍ ଷ୍ଟଡିଜ୍ ସହିତ ମା ମାଣିକେଶ୍ଵରୀ ବିଶ୍ୱବିଦ୍ୟାଳୟର ଚୁକ୍ତି ସ୍ଵାକ୍ଷରିତ
ମା ମାଣିକେଶ୍ଵରୀ ବିଶ୍ୱବିଦ୍ୟାଳୟ , ଭବାନୀପାଟଣା ଗବେଷଣା ଦିଗରେ ସର୍ବଦା ତତ୍ପର ତଥା ସଚେତନ । ଗବେଷଣା କ୍ଷେତ୍ରରେ ଏକ ନୂତନ ଆଭିମୁଖ୍ଯ ନେଇ ବିଭିନ୍ନ ସମୟରେ ବିଭିନ୍ନ ଗବେଷଣା ପ୍ରତିଷ୍ଠାନ ସହିତ ଚୁକ୍ତି ସ୍ୱାକ୍ଷରିତ କରିଆସିଛି । ଗବେଷଣା ବିଶ୍ୱବିଦ୍ୟାଳୟର ଶୈକ୍ଷିକ ପରିବେଶକୁ ଉତ୍ତମ କରି ଗଢିତୋଳିଥାଏ । କୋରାପୁଟସ୍ଥିତ କାଉନସିଲ ଅଫ୍ ଆନାଲାଇଟିକାଲ୍ ଟ୍ରାଇବାଲ ଷ୍ଟଡିଜ୍ (କୋଟସ୍)ର ନିର୍ଦେଶକ ପି ସି ମହାପାତ୍ର ଓ ମାଣିକେଶ୍ଵରୀ ବିଶ୍ୱବିଦ୍ୟାଳୟର କୁଳପତି ଡକ୍ଟର ନିବେଦିତା ନାଥଙ୍କ ଉପସ୍ଥିତିରେ ଏକ ଭବ୍ୟ ସମାରୋହରେ ଚୁକ୍ତି ସ୍ଵାକ୍ଷରିତ ହୋଇଥିଲା । ଏହି ସମାରୋହରେ ପରିଶେଷରେ ପ୍ରଫେସର ମାଗୁଣୀ ବେହେରେ (ବିଶ୍ଲେଷଣାତ୍ମକ ଆଦିବାସୀ ଅଧ୍ୟୟନ ପରିଷଦ, କୋରାପୁଟ) ଧନ୍ୟବାଦ କରିଥିଲେ । ଏହି ଚୁକ୍ତି ସ୍ଵାକ୍ଷର କରି ଜନଜାତି ଗବେଷଣା କ୍ଷେତ୍ରରେ ମା ମାଣିକେଶ୍ଵରୀ ବିଶ୍ୱବିଦ୍ୟାଳୟ ଏକ ଯୁଗାନ୍ତକାରୀ ପଦକ୍ଷେପ ନେଇଅଛି । କୋରାପୁଟର ବିଶ୍ଳେଷଣାତ୍ମକ ଆଦିବାସୀ ଅଧ୍ୟୟନ ପରିଷଦ (କୋଟସ୍) ଆଦିବାସୀ ସଂପ୍ରଦାୟର ଗବେଷଣା ନିମିତ୍ତ ୧୯୯୩ ମସିହାରେ ପ୍ରତିଷ୍ଠିତ ହୋଇଥିଲା । ଏହା ବିକ୍ରମଦେବ ବିଶ୍ୱବିଦ୍ୟାଳୟ ସହ ଅନୁବନ୍ଧିତ ଓଡିଶାର ପ୍ରମୁଖ ଗବେଷଣା ସହ ଶୈକ୍ଷିକ ପ୍ରତିଷ୍ଠାନ । ଏହି ପ୍ରତିଷ୍ଠାନ ମିଳିତ ସେମିନାର , ଗବେଷଣା ପ୍ରକଳ୍ପ ଦିଗରେ ବିଭିନ୍ନ ପଦକ୍ଷେପ ଗ୍ରହଣ କରି ଗବେଷଣାକୁ ତ୍ୱରାନ୍ୱିତ କରିବ । ଏହି ଚୁକ୍ତିଦ୍ୱାରା ଆଦିବାସୀ ସଂପ୍ରଦାୟର ସାମାଜିକ, ସାଂସ୍କୃତିକ, ଆର୍ଥିକ ଓ ଶୈକ୍ଷିକ ଦିଗରେ ଗବେଷଣାର ମାନ ବୃଦ୍ଧି ପାଇବ ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି । ମା ମାଣିକେଶ୍ଵରୀ ବିଶ୍ୱବିଦ୍ୟାଳୟର ଗବେଷଣାର ପରିଧିକୁ ପରିବ୍ୟାପ୍ତ କରି ଗବେଷକଙ୍କ ପାଇଁ ଏକ ନୂତନ ଉତ୍ସାହ ସୃଷ୍ଟି କରିବ ।
( ମ ନି ସ )
