ଓ ଟି ଇ ଟି ପରୀକ୍ଷା ଦେଲେ ରାଜ୍ୟ ଗଣଶିକ୍ଷାମନ୍ତ୍ରୀ ଙ୍କ ସ୍ତ୍ରୀ ଓ ନବରଙ୍ଗପୁର ବିଧାୟକଙ୍କ ସ୍ତ୍ରୀ
ନବରଙ୍ଗପୁର:(୨୭|୯)(ରବି ନାରାୟଣ ମହାନ୍ତି) ନବରଙ୍ଗପୁର ଜିଲ୍ଲାରେ ଶନିବାର ଦିନ ଓ ଟି ଇ ଟି ପରୀକ୍ଷା ହୋଇଛି l ଉକ୍ତ ପରୀକ୍ଷା ରେ ରାଜ୍ଯ ଗଣଶିକ୍ଷାମନ୍ତ୍ରୀ ନିତ୍ୟାନନ୍ଦ ଗଣ୍ଡ ଙ୍କ ସ୍ତ୍ରୀ ଚଇତି ଗଣ୍ଡ ଓ ନବରଙ୍ଗପୁର ବିଧାୟକ ଗୌରୀ ଶଙ୍କର ମାଝୀ ଙ୍କ ସ୍ତ୍ରୀ ତରୁଣୀ ମାଝୀ ପରୀକ୍ଷା ଦେଇଛନ୍ତି l ଚଇତି ମାଝୀ ମାଝୀ ଉମରକୋଟ ବ୍ଳକ ଡଙ୍ଗରିଗୁଡ଼ା ୟୁ ଭି-୩ ସ୍କୁଲ ରେ ଶିକ୍ଷକତା କରୁଥିବା ବେଳେ ତରୁଣୀ ମାଝୀ ନନ୍ଦାହାଣ୍ଡି ଜେଟୁଗୁଡା ସ୍କୁଲ ରେ ଶିକ୍ଷକତା କରୁଛନ୍ତି l ତେବେ ଦୁହେଁ ଓଡିଶା ସରକାରଙ୍କ ନିୟମ ଅନୁଯାୟୀ ନିଜ୍ ନିଜ୍ କେନ୍ଦ୍ର ରେ ଓ ଟି ଇ ଟି ପରୀକ୍ଷା ଦେଇଛନ୍ତି l ନବରଙ୍ଗପୁର ଜିଲ୍ଲାରେ ୨ ଟି ସିଟିଂରେ ଓ ଟି ଇ ଟି ପରୀକ୍ଷା ହୋଇଥିବା ବେଳେ ପ୍ରଥମ ସିଟିଂ ୪ ଟି କେନ୍ଦ୍ରରେ ହୋଇଥିଲା l୮୪୮ ଜଣ ଶିକ୍ଷକଙ୍କ ମଧ୍ୟରୁ ୭୮୭ ଜଣ ପରୀକ୍ଷା ଦେଇଥିଲେ lତନ୍ମଧ୍ୟରୁ ୬୧ ଜଣ ଅନୁପସ୍ଥିତ ରହିଥିଲେ l ସେହିଭଳି ଦ୍ଵିତୀୟ ସିଟିଂ ୬ ଟି କେନ୍ଦ୍ରରେ ପରୀକ୍ଷା କରାଯାଇଥିଲା l୧୫୯୮ ଜଣଙ୍କ ମଧ୍ୟରୁ ୧୫୩୪ ଜଣ ପରୀକ୍ଷା ଦେଇ ଥିବା ବେଳେ ୬୪ ଜଣ ଶିକ୍ଷକ ଅନୁପସ୍ଥିତ ରହିଥିଲେ l ଉକ୍ତ କେନ୍ଦ୍ର ଗୁଡିକୁ ନବରଙ୍ଗପୁର ଜିଲ୍ଲାପାଳ ଡାଃ ମହେଶ୍ଵର ସ୍ଵାଇଁ, ଅତିରିକ୍ତ ଜିଲ୍ଲାପାଳ ଙ୍କ ସମେତ ଜିଲ୍ଲା ଶିକ୍ଷାଧିକାରୀ ଛତ୍ରପତି ସାହୁ ପରିଦର୍ଶନ କରିଥିଲେ l
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
