ସକାଳର ଜଣାଣ
ବିଜୟ କୁମାର ଜେନା
ଗ୍ରାହ୍ୟସ୍ତ ଜୀବନେ ଏକ ପତ୍ନୀ ବ୍ରତ
ଆଚରଣେ ନିଷ୍ଠା ଯାର
ଯେତେ ଝଡ଼ଝଂଜା ଆସୁନା କାହିଁକି
ଜୀବନ ହୁଏ ସୁଧାର।
କର୍ତ୍ତବ୍ୟ ବୋଧରେ ସମ ଜ୍ଞାନ କରି
ତାପାଦେ ନେଲେ ଆଶ୍ରୟ
ଜଗତ ଠାକୁର ବଳିଆରଭୂଜ
ନକରେ ଯେ ନିରାଶ୍ରୟ।
କରମ ଯୋଗରେ ଗୃହୀ ଜନଟିଏ
ଭକ୍ତ ଭାବେତରିଯାଏ
ସତ୍ଯାନୁସରଣ ବ୍ଯକ୍ତିତ୍ବ ମନନ
ପର ନିନ୍ଦା ଦୂରେ ରହେ।
ସମାଜ କହିବ ଆଦର୍ଶ ଗୃହସ୍ଥ
ପର ହିତେ ତାର ମନ
ମାନବ ସେବାରେ ମାଧବର ସେବା
ନିତି ଅରଜଇ ପୁଣ୍ୟ।
ସମର୍ପିତ ମନ ସମର୍ପିତ ପ୍ରାଣ
ଜଗନ୍ନାଥ ହିଁ ଭରସା
କର୍ତ୍ୟବ୍ୟ କରମ ସାଧି ସାଧି ଗଲେ
ନ ବୁଡିବ କାର ଆଶା।