ମା ମାଣିକେଶ୍ଵରୀ ବିଶ୍ୱବିଦ୍ୟାଳୟର କମ୍ପ୍ୟୁଟର ବିଜ୍ଞାନ ବିଭାଗରେ ନିମନ୍ତ୍ରିତ ଅଭିଭାଷଣ କାର୍ଯ୍ୟକ୍ରମ
ମା ମାଣିକେଶ୍ଵରୀ ବିଶ୍ଵବିଦ୍ୟାଳୟର କମ୍ପ୍ୟୁଟର ବିଜ୍ଞାନ ବିଭାଗ ଓ ଆଇ କ୍ୟୁ ଏ ସି ସେଲର ମିଳିତ ଉଦ୍ୟମରେ ଭାରପ୍ରାପ୍ତ କୁଳପତି ଡକ୍ଟର ନିବେଦିତା ନାଥଙ୍କ ଅଧ୍ଯକ୍ଷତାରେ ‘ଫ୍ରମ ଡାଟା ଟୁ ଡିସିଜନ- ଆନାଲିଟିକ୍ସ ଫର୍ ମେଟରନାଲ୍ ଆଣ୍ଡ ଚାଇଲ୍ଡ ୱେଲ ବିଙ୍ଗ’ ଶୀର୍ଷକରେ ନିମନ୍ତ୍ରିତ ଅଭିଭାଷଣ କାର୍ଯ୍ୟକ୍ରମ ଅନଷ୍ଠିତ ହୋଇଯାଇଛି । ଏହି ଅଭିଭାଷଣରେ କିଟ୍ ବିଶ୍ୱବିଦ୍ୟାଳୟର କମ୍ପ୍ୟୁଟର ଇଞ୍ଜିନିୟରିଂ ବିଭାଗର ସହକାରୀ ପ୍ରଫେସର ଡକ୍ଟର ଶୁଭଶ୍ରୀ ଦର୍ଶନ ବକ୍ତା ରୂପେ ଉପସ୍ଥିତ ହୋଇ ବିଷୟ ଆଧାରିତ ସ୍ଵାସ୍ଥ୍ୟସେବା ସୂଚନା ବିଜ୍ଞାନ, କ୍ଳିନିକାଲ ଟେକ୍ସଟ ମାଇନିଂ, ପରିବେଶଗତ ଡାଟା ମଡେଲିଂ ଓ କୃତ୍ରିମବୁଦ୍ଧିମତା ସଂପର୍କରେ ପୁଙ୍ଖାନୁପୁଙ୍ଖ ବିଶ୍ଳେଷଣ କରିଥିଲେ । ନାରୀ ଓ ଶିଶୁମାନଙ୍କ ସ୍ଵାସ୍ଥ୍ୟବସ୍ଥାର ଉନ୍ନତି ପାଇଁ ତଥ୍ୟଗତ ବିଜ୍ଞାନକୁ କିପରି ଉପଯୋଗ କରାଯାଇପାରିବ , ସେ ସଂପର୍କରେ ତାତ୍ତ୍ଵିକ ଆଲୋକପାତ କରିଥିଲେ । ଉକ୍ତ ଅଭିଭାଷଣରେ କମ୍ପ୍ୟୁଟର ବିଜ୍ଞାନ ବିଭାଗ ମୁଖ୍ଯ ଶ୍ରୀ ନକୁଳ ଚରଣ ମାଝୀ ବିଷୟ ସଂପର୍କିତ ଅଭିଭାଷଣ ପ୍ରଦାନ କରିଥିଲେ । କାର୍ଯ୍ୟକ୍ରମକୁ ସଫଳ କରିବାରେ କମ୍ପ୍ୟୁଟର ବିଜ୍ଞାନ ବିଭାଗର ଅଧ୍ୟାପିକା ନେହା ରଥ ଓ ସୁଶ୍ରୀ ପୂଜାଶ୍ରୀ ପାତ୍ରଙ୍କ ଅବଦାନ ରହିଅଛି । ଅର୍ଥନୀତି ବିଭାଗର ବରିଷ୍ଠ ପ୍ରାଧ୍ୟାପକ ଶ୍ରୀ ସୀମାଞ୍ଚଳ ମିଶ୍ର ଓ କମ୍ପ୍ୟୁଟର ସହାୟକ ଅଖିଳେଶ ଉପସ୍ଥିତ ଥିଲେ । ପ୍ରଥମ ବର୍ଷ ଛାତ୍ରୀ ସୁଶ୍ରୀ କୁଙ୍କୁମ ପଣ୍ଡା ମଞ୍ଚ ପରିଚାଳନା କରିଥିବାବେଳେ ପ୍ରଥମ ବର୍ଷ ଛାତ୍ର ଶ୍ରୀମାନ ଶୁଭମଶ୍ରୀ ପାତ୍ର ଧନ୍ୟବାଦ ଅର୍ପଣ କରିଥିଲେ । ପରିଶେଷରେ ବକ୍ତା ଛାତ୍ରଛାତ୍ରୀଙ୍କ ମନରେ ଥିବା ଦ୍ୱନ୍ଦକୁ ଉତ୍ତର ମାଧ୍ୟମରେ ସମାଧାନ କରିଥିଲେ । କମ୍ପ୍ୟୁଟର ବିଜ୍ଞାନ ବିଭାଗର ସମସ୍ତ ଛାତ୍ରଛାତ୍ରୀ ଉକ୍ତ ଅଭିଭାଷଣ କାର୍ଯ୍ୟକ୍ରମରେ ଉପସ୍ଥିତ ହୋଇ ସଫଳ କରିଥିଲେ ।
( ମ ନି ସ )
