ଅନ୍ଧାରରେ ଉବୁଡୁବୁ ନର୍ଲା:-ଶୁଣିବାକୁ କେହି ନାହିଁ
ନର୍ଲା:- କଳାହାଣ୍ଡି ଜିଲ୍ଲା ନର୍ଲା ବ୍ଲକ୍ ର ମୁଖ୍ୟାଳୟ ନର୍ଲା କୁ ସଦର ମହକୁମା କହିଲେ ଅତ୍ୟୁକ୍ତି ହେବନାହିଁ |ଏଠି ବିଭିନ୍ନ ସରକାରୀ କାର୍ଯ୍ୟାଳୟ ତଥା ବ୍ୟବସାୟ ପ୍ରତିଷ୍ଠାନ,ସ୍କୁଲ୍,କଲେଜ୍,କୋଚିଂ ସେଣ୍ଟର୍ ମାନ ରାତ୍ର ୯ ଘଣ୍ଟା ପର୍ଯ୍ୟନ୍ତ ଖୋଲା ରହେ |କିନ୍ତୁ ଦୁର୍ଭାଗ୍ୟ ର ବିଷୟ ସନ୍ଧ୍ୟା ୬ ଘଣ୍ଟା ହୋଇଗଲେ ନର୍ଲା ସହର ଅନ୍ଧକାର ମୟ ହୋଇଥାଏ |ଏଠାରେ କାଆଁ ଭାଆଁ ଷ୍ଟିଟ୍ ଲାଇଟ୍ ଜଳୁଥିବା ବେଳେ ଗଳିକନ୍ଦି କିନ୍ତୁ ଅନ୍ଧାରରେ ରହିଥାଏ |ପାର୍ବଣ ଋତୁ ମାନଙ୍କ ରେ ଦୋକାନ ବଜାର ଭିଡ଼ ସହ ହଜାର ହଜାର ଲୋକ ମାର୍କେଟିଂ କରିବା ପାଇଁ ନର୍ଲା ଉପରେ ନିର୍ଭର କରିଥାନ୍ତି |ଅନେକ ବିଦ୍ୟୁତ ଖୁଣ୍ଟରେ ଲାଇଟ୍ ନଥିବା ତଥା ଗଳିକନ୍ଦି ରେ ବିଦ୍ୟୁତ୍ ସଂଯୋଗ ନ ହେବାରୁ ସନ୍ଧ୍ୟା ସମୟରେ ବିଭିନ୍ନ ପ୍ରକାର ଦୁର୍ଘଟଣା ମାନ ଦେଖିବାକୁ ମିଳୁଛି | ପୁଣି ଲାଗିଥିବା ଲାଇଟ୍ ଗୁଡ଼ିକ ଜଳୁ ନଥିବାରୁ ପ୍ରବଳ ମାତ୍ରା ରେ ଚୋରି ହୋଇଥାଏ |ଲାଇଟ୍ ର ସୁବ୍ୟବସ୍ଥା ସ୍ଥାନୀୟ ପଞ୍ଚାୟତ କରୁନଥିବା ବେଳେ ବ୍ଲକ୍ ପ୍ରଶାସନ କିନ୍ତୁ ଚୁପ୍ ହୋଇ ବସି ରହିଛି |ଦୁର୍ଘଟଣା ଘଟୁଛି,ପୋଲିସ୍ ବାହିନୀ ଆସି ସମାଧାନ ହେଉଛି ହେଲେ ଲାଇଟ୍ ର ଚିନ୍ତା କାହାରି ନଜର ନାହିଁ |ତେଣେ ପଳ ପଳ ଗାଈ ରାସ୍ତା ମଝିରେ ଆଡ୍ଡା ଜମାଇ ଖେଳ କରୁଥିବା ବେଳେ ଲାଇଟ୍ ମାନ ଜଳୁ ନଥିବାରୁ ଆରାମ୍ ରେ ରାସ୍ତା ଜାମ୍ କରି ରହିଥାନ୍ତି,ଯଦ୍ୱାରା ଅନେକ ଦୁର୍ଘଟଣା ମାନ ଘଟିଥାଏ |ବିଭିନ୍ନ କାର୍ଯ୍ୟାଳୟ ରୁ ବିଭିନ୍ନ ବିଭାଗର କର୍ମଚାରୀ ମାନେ କର୍ମସ୍ଥଳୀ ରୁ ଘର କୁ ଫେରୁଥିବା ବେଳେ ରାସ୍ତା ର ଲାଇଟ୍ ଜଳୁ ନଥିବାରୁ ଅନେକ ଦୁର୍ଘଟଣା ର ଶିକାର ହେଉଥିବା ଜଣା ପଡ଼ିଛି |ତେଣେ ନର୍ଲା ବ୍ଲକ୍ ର ୨୬ ଗୋଟି ପଞ୍ଚାୟତ ରେ ୨୫ ଲକ୍ଷ୍ୟ ଟଙ୍କା ବକେୟା ଥିବା ଜନୈକ ପିଇଓ ପ୍ରକାଶ କରିଛନ୍ତି |ସେ ଯାହା ହେଉନା କାହିଁକି ନର୍ଲା ଷ୍ଟ୍ରିଟ୍ ଲାଇଟ୍ ସହ ଅନେକ ଗଳିକନ୍ଦି ରେ ଯଥାଶୀଘ୍ର ଲାଇଟ୍ ଲଗାଇବା ପାଇଁ ବିଭିନ୍ନ ମହଲ ରେ ଦାବୀ ହେଉଛି |
ଦୀପକ ଠାକୁର ଙ୍କ ରିପୋର୍ଟ୍
