ନବରଙ୍ଗପୁରରେ ଜିଲ୍ଲାସ୍ତରୀୟ ସଂଘ ଶତବାର୍ଷିକ ପଥ ସଂଚଳନ ର ଭବ୍ୟ ଅୟୋଜନ
ନବରଙ୍ଗପୁର:(୨୨|୧୦)(ରବି ନାରାୟଣ ମହାନ୍ତି)ରାଷ୍ଟ୍ରୀୟ ସ୍ୱୟଂସେବକ ସଂଘ ଏହାର ଶତାବ୍ଦୀ ବର୍ଷ ପାଳନ ପାଇଁ ଦେଶର ବିଭିନ୍ନ ସ୍ଥାନରେ ପଥ ସଂଚଳନ ଆୟୋଜନ କରିଥିଲା । ଏହା ସହିତ ବର୍ଷସାରା ବିଭିନ୍ନ କାର୍ଯ୍ୟକ୍ରମ ଏବଂ ଉତ୍ସବ ପାଳନ କରାଯାଉଛି । ରାଷ୍ଟ୍ରୀୟ ସ୍ୱୟଂସେବକ ସଂଘ , ନବରଙ୍ଗପୁର ଶାଖା ମଧ୍ୟ ଏହି ଶତବାର୍ଷିକ ଉତ୍ସବ ପାଳନ ପାଇଁ ଅକ୍ଟୋବର ୧୯ ତାରିଖ ରବିବାର ଏକ ପଥସଂଚଳନ ଆୟୋଜନ କରିଥିଲା । ହଜାର ହଜାର ସ୍ୱୟଂସେବକ ପୂର୍ଣ୍ଣ ଗଣବେଶ ପିନ୍ଧି ଏହି ପଦଯାତ୍ରାରେ ଅଂଶଗ୍ରହଣ କରିଥିଲେ, 
ଯାହା ନବରଙ୍ଗପୁରର ଚାମୁରିଆଗୁଡାର ସତସଙ୍ଗ ବିହାରରୁ ଆରମ୍ଭ ହୋଇ ମାଝୀଗୁଡା ସ୍ଥିତ ସର୍କିଟ ହାଉସ ପଡ଼ିଆରେ ଶେଷ ହୋଇଥିଲା । ସହରର ବିଭିନ୍ନ ସ୍ଥାନରେ ମା, ଭଉଣୀ ଏବଂ ଶୁଭେଚ୍ଛୁମାନେ “ମା ଭାରତୀ” ଧ୍ୱନି ଦେଇଥିଲେ, ଦେଶପ୍ରେମ ଏବଂ ଏକତା ପ୍ରକାଶ କରୁଥିବା ସ୍ଲୋଗାନ ଦେଇଥିଲେ ଏବଂ “ଭାରତ ମାତା କି ଜୟ” ସ୍ଲୋଗାନ ଦେଇ ସ୍ୱୟଂସେବକମାନଙ୍କୁ ସ୍ୱାଗତ କରିଥିଲେ । ଏହି କାର୍ଯ୍ୟକ୍ରମ ଜିଲ୍ଲାରେ ଏକତା, ଶୃଙ୍ଖଳା ଏବଂ ସଂଗଠନ ପ୍ରଦର୍ଶନ କରିଥିଲା । ଜିଲ୍ଲା ସଂଘଚାଳକ ଯୁଧିଷ୍ଠିର ରାଜଗୋଣ୍ଡଙ୍କ ଅଧ୍ୟକ୍ଷତାରେ ମାଝୀଗୁଡା ସ୍ଥିତ ସର୍କିଟ ହାଉସ ପଡ଼ିଆରେ ଏକ ବୈଠକ ଅନୁଷ୍ଠିତ ହୋଇଥିଲା । ମୁଖ୍ୟ ଅତିଥି ଭାବରେ ଅବସରପ୍ରାପ୍ତ ଭାରତୀୟ ସେନା କମାଣ୍ଡର ଡି. ସୁବ୍ରମଣ୍ୟମ ଏବଂ ମୁଖ୍ୟ ବକ୍ତା ରୁପେ ଓଡ଼ିଶାର ପଶ୍ଚିମ ପ୍ରାନ୍ତ ଶାରୀରିକ ଶିକ୍ଷା ସଂଯୋଜକ ହରେକୃଷ୍ଣ ମାଝୀ ରାଷ୍ଟ୍ରୀୟ ସ୍ୱୟଂସେବକ ସଂଘ ର 100 ବର୍ଷର ଯାତ୍ରା, ଏହାର କାର୍ଯ୍ୟ, ବିଭିନ୍ନ ଘଟଣା, ବହୁ ଘାତ ପ୍ରତିଘାତ, ବିରୋଧୀଙ୍କ ମିଥ୍ୟା ଆରୋପ, ନିଷିଦ୍ଧ ଘୋଷଣା ଏବଂ ବିରୋଧ ସମ୍ପର୍କ ରେ କହିଥିଲେ । ସ୍ୱୟଂସେବକ ଙ୍କ ଦ୍ଵାରା ଗଣସମତା, ନିଯୁଦ୍ଧ, ଆସନ ଏବଂ ବ୍ୟାୟାମ ଯୋଗ ପ୍ରଦର୍ଶନ କରଯାଇଥିଲା । ଜିଲ୍ଲା କାର୍ୟବାହକ ଏସ୍. ଦେବେନ୍ଦ୍ର ଦୋରା ସମସ୍ତ ଅତିଥିମାନଙ୍କ ପରିଚୟ ପ୍ରଦାନ କରିଥିଲେ । ଏହି ଅବସରରେ ସଂଘ ର ଅଖିଳ ଭାରତ ସହ-ଗୋ-ସେବା ପ୍ରମୁଖ ସୁଭାଷ ଜୈନ, ପଶ୍ଚିମ ପ୍ରାନ୍ତ ବ୍ୟବସ୍ଥା ପ୍ରମୁଖ ସୁଶୀଲ ଜୈନ, ପଶ୍ଚିମ ପ୍ରାନ୍ତ କୁଟୁମ୍ବ ପ୍ରବୋଧନ ପ୍ରମୁଖ ଡକ୍ଟର ବିପିନ ବିହାରୀ ମିଶ୍ର , ନବରଙ୍ଗପୁର ବିଧାୟକ ଗୌରୀ ଶଙ୍କର ମାଝୀ, ବିଭିନ୍ନ ବିଭାଗ ଏବଂ ଜିଲ୍ଲାର କାର୍ଯକର୍ତ୍ତା , ଶତାଧିକ ମହିଳା ଓ ଅନେକ ଶୁଭେଚ୍ଛୁ ଉପସ୍ଥିତ ଥିଲେ।
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
