ବିଞ୍ଝାରପୁର ଥାନା ଅଧିକାରୀଙ୍କୁ ସମ୍ବର୍ଦ୍ଧନା
ଯାଜପୁର , ୨୮|୧୦ (ମସିହା ନ୍ୟୁଜ ) ପ୍ରଦୀପ କୁମାର ମଲ୍ଲିକ: ବିଞ୍ଝାରପୁର ଥାନାର ଭାରପ୍ରାପ୍ତ ଥାନା ଅଧିକାରୀ ଶ୍ରୀଯୁକ୍ତ ରଞ୍ଜନ କୁମାର ମଲ୍ଲିକଙ୍କୁ ସିଂହପୁର ବଜାର କମିଟି ଆନୁକୂଲ୍ୟରେ ଅନୁଷ୍ଠିତ କାଳୀପୂଜା ଅବସରରେ ସମ୍ବର୍ଦ୍ଧନା ଜ୍ଞାପନ କରାଯାଇଛି | ଜଣେ ସରଳ ଓ କର୍ତ୍ତବ୍ୟ ପାରାୟଣ ପୋଲିସ ଅଧିକାରୀ ଭାବେ ଜନସାଧାରଣରେ ଲୋକପ୍ରିୟତା ହାସଲ କରିବା ସହିତ ସ୍ଥାନୀୟ ଅଞ୍ଚଳରେ ଆଇନଶୃଙ୍ଖଳା ପରିସ୍ଥିତି କୁ ନିୟନ୍ତ୍ରଣ କରିବାରେ ଥାନା ଅଧିକାରୀ ଶ୍ରୀଯୁକ୍ତ ରଞ୍ଜନ ମଲ୍ଲିକଙ୍କ ଭୂମିକା ବେଶ ପ୍ରଶଂସନୀୟ | ବେଆଇନ ନିଶା କାରବାର, ବ୍ରାଉନ ସୁଗାର କାରବାର କୁ ବିଞ୍ଝାରପୁର ଅଞ୍ଚଳରେ ରୋକ ଲଗାଇବାରେ ଥାନାଧିକାରୀ ଶ୍ରୀଯୁକ୍ତ ମଲ୍ଲିକଙ୍କ ନିରନ୍ତର ପ୍ରୟାସ କୁ ମଞ୍ଚରେ ଅତିଥି ମାନେ ବଖାଣି ଥିଲେ | ବଜାର କମିଟି ସମ୍ପାଦକ ଶ୍ରୀଯୁକ୍ତ ନିରଞ୍ଜନ ବେଉରିଆ ଙ୍କ ସଭାପତିତ୍ୱ ରେ ଆୟୋଜିତ ଏହି ସମ୍ବର୍ଦ୍ଧନା ସଭାରେ ପୂର୍ବତନ ପଞ୍ଚାୟତ ସମିତି ଅଧ୍ୟକ୍ଷ ଶ୍ରୀଯୁକ୍ତ ପୁରୁଷୋତ୍ତମ ବେହେରା ପ୍ରମୁଖ ଉପସ୍ଥିତ ଥିଲେ |
