ଧରାକୋଟ ରେ ଆସ ସ୍କୁଲଯିବା ଅଭିଯାନ
ଆସିକା, ୨୮/୩/୨୬ (ଶିବ ଶଙ୍କର ମିଶ୍ର ) ବିକାଶିତ ଓଡିଶା ଗଠନ ନିମନ୍ତେ ସରକାରଙ୍କ ନୂତନ ଶିକ୍ଷାନୀତି 2020 ଅନୁଯାୟୀ ଦେଶର ପ୍ରଥମ ରାଜ୍ୟ ଭାବେ ଓଡ଼ିଶା ର ସମସ୍ତ ପ୍ରାଥମିକ ବିଦ୍ୟାଳୟ ରେ ଶିଶୁ ବାଟିକା ଆରମ୍ଭ କରାଯାଇଛି । 2026-27 ଶିକ୍ଷାବର୍ଷ ପାଇଁ ସେପ୍ଟେମ୍ବର ମାସ ସୁଦ୍ଧା ପାଞ୍ଚ ବର୍ଷ ରୁ ଅଧିକ ପିଲାଙ୍କୁ ଶିଶୁ ବାଟିକା ଓ ଛଅ ବର୍ଷ ରୁ ଅଧିକ ପିଲାଙ୍କୁ ପ୍ରଥମ ଶ୍ରେଣୀରେ ନାମ ଲେଖାଇବା ପାଇଁ ଆସନ୍ତା ଏପ୍ରିଲ ଦୁଇ ତାରିଖରେ ପ୍ରବେଶ ଓ ଖଡ଼ି ଛୁଆଁ ଉତ୍ସବ ପ୍ରତ୍ୟେକ ବିଦ୍ୟାଳୟରେ ଆୟୋଜନ କରାଯାଉଛି । ଏହି ଅବସରରେ ଧରାକୋଟ ଶ୍ରୀ ରାଜ ଉଚ୍ଚ ବିଦ୍ୟାଳୟ ତରଫରୁ ଯୋଗ୍ୟ ଶିଶୁ ମାନଙ୍କ ଘରକୁ ଯାଇ ଶିଶୁ ବାଟିକା ରେ ନାମ ଲେଖାଇବା ପାଇଁ ନିମନ୍ତ୍ରଣ ପତ୍ର ବଣ୍ଟନ କରାଯାଇଛି । ଏହି କାର୍ଯ୍ୟକ୍ରମରେ ଗୋଷ୍ଠୀ ଶିକ୍ଷା ଅଧିକାରୀ ରମେଶ ଚନ୍ଦ୍ର ସାହୁ, ଏସ ଏମ ସି ଅଧ୍ୟକ୍ଷ ପୂର୍ଣ୍ଣ ଚନ୍ଦ୍ର ନାୟକ, ସାମ୍ବାଦିକ ଶିଶିର ମହାନ୍ତି,ଶିକ୍ଷକ ବିଧୁ ଭୁଷଣ ରାଉତ,ଗଣପତି ଗମାଙ୍ଗ,ଅନିଲ ନାୟକ, ସୁନୀଲ ସାହୁ,ଅଜିତ ନାୟକ, ଦମୟନ୍ତୀ ଦାସ ଓ ସୁପର୍ଣ୍ଣା ପ୍ରଧାନ ପ୍ରମୁଖ ଉପସ୍ଥିତ ରହିଥିଲେ। ଅଭିଭାବକ ଓ ଶିଶୁ ମାନଙ୍କୁ ଶିକ୍ଷା ବ୍ୟବସ୍ଥାରେ ସାମିଲ ପାଇଁ ସମସ୍ତେ ଉତ୍ସାହିତ କରିଥିଲେ।
