ଆଈଙ୍କ ସ୍ମୃତିରେ
ଆଜି ପରା ତୁମ ଶ୍ରାଦ୍ଧ ଦିବସ
ତୁମ ସ୍ମୃତି ପଡୁଛି ମନ
ପୁଅ ଝିଅ ନାତି ନାତୁଣୀଙ୍କ ମେଳ
ତୁମକୁ ଦେଇ ସ୍ନେହ ସମ୍ମାନ ll
ଦେବଦୂତ ସାଜି ଆସିଥିଲ ତୁମେ
ଅଜାଡ଼ିଛ ବହୁ ସ୍ନେହ ଆଦର
ଜଗନ୍ନାଥଙ୍କ କରୁଣା ସଦା ରହୁ
ସଦଗତି ଲଭୁ ତୁମ ଆତ୍ମାର ll
ସ୍ମୃତିରେ ତୁମେ ଆଜି ଡୁବି ଅଛ
ଆମ ଜୀବନ ଅଗଣାରେ
ହେଲେ ନାହିଁ ଆଶାର ଅବସାନ
ଏ ମନ ଆଜି ବହୁ ଝୁରେ ll
ଆଜି ତୁମ ଅଟେ ଶ୍ରାଦ୍ଧ ଦିବସ
ପାଳିବୁ କରି ଶ୍ରଦ୍ଧା ତର୍ପଣ
ଝୁରୁଛି ତୁମକୁ ଏହି ଆମ ମନ
ପିଣ୍ଡ କରମ କରିବୁ ଅର୍ପଣ ll
ଜୀବନ ସଂଗ୍ରାମେ ହାରି ନାହଁ ତୁମେ
ତୁମେ ଅଟ କାଳଜୟୀ
ଆଶୀଷ ଦିଅ ଢାଳି ତୁମେ ଆଜି
ତୁମେ ଅଟ ଅମୃତମୟୀ ll
ତ୍ରିନାଥ ପଟ୍ଟନାୟକ
( ଅଧ୍ୟାପକ ତଥା କବି)
ଗ୍ରାମ : ଶିକ୍ଷକ କଲୋନୀ, ଗାନ୍ଧୀ ନଗର
ପୋ:ଜିଲ୍ଲା- କୋରାପୁଟ