ଆଦିଗୁରୁ ପଙ୍କଜ ଚରଣ ଦାସଙ୍କ ସ୍ମୃତିରେ ୧୦ମ ବାର୍ଷିକ ନୃତ୍ୟ ଓ ସଙ୍ଗୀତ ଉତ୍ସବ ପାଳନ
ଭୁବନେଶ୍ୱର, ଆଦିଗୁରୁ ଓଡିଶୀ ଗୁରୁକୁଳଙ୍କ ପକ୍ଷରୁ ପଦ୍ମଶ୍ରୀ ଆଦିଗୁରୁ ପଙ୍କଜ ଚରଣ ଦାସଙ୍କ ସ୍ମୃତିରେ ୧୦ମ ବାର୍ଷିକ ନୃତ୍ୟ ଓ ସଙ୍ଗୀତ ଉତ୍ସବ ୨୦୨୬ ଆସନ୍ତା ୧୫ ଏପ୍ରିଲ ୨୦୨୬ ରେ ଭୁବନେଶ୍ୱରସ୍ଥିତ ଭଞ୍ଜ କଳା ମଣ୍ଡପ ରେ ଆୟୋଜିତ ହେବ।
ଏହି ଉତ୍ସବର ଅପରାହ୍ନ ଅଧିବେଶନ ସନ୍ଧ୍ୟା ୪ଟାରୁ ଆରମ୍ଭ ହେବ, ଯେଉଁଥିରେ ଆଦିଗୁରୁ ଓଡିଶୀ ଗୁରୁକୁଳର କୁମାର ଓ କନିଷ୍ଠ ଶିଷ୍ୟମାନଙ୍କ ଦ୍ୱାରା ସୋଲୋ ନୃତ୍ୟ ପ୍ରଦର୍ଶନ ହେବ। ସନ୍ଧ୍ୟା ୬ଟାରୁ ସନ୍ଧ୍ୟା ଅଧିବେଶନରେ ଉଦ୍ଘାଟନୀ ଅନୁଷ୍ଠାନ ହେବ ଓ ଏହାରେ ଅନେକ ପ୍ରସିଦ୍ଧ ଅତିଥିମାନେ ଉପସ୍ଥିତ ରହିବେ।
ଏହି ଅବସରରେ ପ୍ରସିଦ୍ଧ ଓଡିଶୀ ନୃତ୍ୟ ଗୁରୁ ଶ୍ରୀମତୀ ମୀନାକ୍ଷୀ ବେହୁରେ, ଗୁରୁ ଶ୍ରୀମତୀ ଚପଳା ମିଶ୍ର, ଲେଖିକା ଓ ଆଶା ୱେଲନେସ୍ ସଂସ୍ଥାପିକା ଡ଼ଃ ନମ୍ରତା ଚାହାଲ ଓ ଓଲିଉଡ୍ ଅଭିନେତା ଶ୍ରୀ ହର ରଥ ମୁଖ୍ୟ ଅତିଥି ଭାବେ ଯୋଗଦେବେ।
ଉଦ୍ଘାଟନ ପରେ ଆଦିଗୁରୁ ଓଡିଶୀ ଗୁରୁକୁଳର ଶିଷ୍ୟମାନଙ୍କ ଦ୍ୱାରା ସାଙ୍ଗୀତିକ ଓ ସାଂସ୍କୃତିକ କାର୍ୟକ୍ରମ ପ୍ରଦର୍ଶିତ ହେବ। ଏଥିରେ ମହାରୀ ନୃତ୍ୟ, ଓଡିଶୀ ନୃତ୍ୟ ଓ ସମ୍ବଲପୁରୀ ଲୋକନୃତ୍ୟର ଆକର୍ଷଣୀୟ ପ୍ରଦର୍ଶନ ରହିବ।
ଆଦିଗୁରୁ ଓଡିଶୀ ଗୁରୁକୁଳ ୨୦୧୨ ମସିହାରେ ପ୍ରତିଷ୍ଠିତ ହୋଇଥିଲା ଏବଂ ଏହା ଓଡିଶୀ ନୃତ୍ୟର ପାରମ୍ପରିକ ଶୈଳୀକୁ ସୁରକ୍ଷିତ ରଖିବା ସହିତ ଏହାକୁ ଜାତୀୟ ଓ ଆନ୍ତର୍ଜାତୀୟ ମଞ୍ଚରେ ପ୍ରଚାର କରିବାରେ ସକ୍ରିୟ ଭୂମିକା ନେଉଛି। ଏହି ମହୋତ୍ସବରେ ସମସ୍ତ ସଂସ୍କୃତିପ୍ରେମୀଙ୍କୁ ଉପସ୍ଥିତ ହୋଇ କାର୍ୟକ୍ରମକୁ ସଫଳ କରିବା ପାଇଁ ଅନୁରୋଧ କରାଯାଉଛି।
