ବ୍ରହ୍ମପୁର ବିଶ୍ବବିଦ୍ୟାଳୟରେ ” ଛତୁଚାଷ ପାଇଁ ସମନ୍ବିତ ପଦ୍ଧତି ” ଦୁଇଦିନିଆ କର୍ମଶାଳା
ବ୍ରହ୍ମପୁର, ତା ୨୨/୦୪ ବ୍ରହ୍ମପୁର ବିଶ୍ବବିଦ୍ୟାଳୟ ଗୃହ ବିଜ୍ଞାନ ବିଭାଗ ପକ୍ଷରୁ ବିଶ୍ବ ବିଦ୍ୟାଳୟର କନଫରେନ୍ସ ହୋଲରେ “ଛତୁ ଚାଷ ପାଇଁ ସମନ୍ୱିତ ପଦ୍ଧତି – ପ୍ରୟୋଗଶାଳା ରୁ ଗ୍ରାମସ୍ତରୀୟ ଉଦ୍ୟୋଗ ପର୍ଯ୍ୟନ୍ତ” ଏକ ଦୁଇଦିନିଆ କର୍ମଶାଳା ଆୟୋଜିତ ହୋଇଯାଇଛି । ଏହି କର୍ମଶାଳାକୁ ପିଜି କାଉନ୍ସିଲ ଅଧ୍ୟକ୍ଷ ପ୍ରଫେସର ସୁକାନ୍ତ କୁମାର ତ୍ରିପାଠୀ କାର୍ଯ୍ୟକ୍ରମକୁ ଉଦଘାଟନ କରିଥିବା ବେଳେ ମୁଖ୍ଯ ଅତିଥି ରୁପେ ପୂର୍ବତନ ଡିନ୍ ତଥା କୃଷି କଲେଜ ଓୟୁଏଟି ଭୂବନେଶ୍ବର ପ୍ରଫେସର ହୃଷୀକେଶ ପାତ୍ର ଓ ଅତିଥି ଭାବେ ବରିଷ୍ଠ ବୈଜ୍ଞାନିକ ଓ ମୁଖ୍ୟ କୃଷି ବିଜ୍ଞାନ କେନ୍ଦ୍ର ଗଞ୍ଜାମ-୨ ଡ଼. ସୁଜିତ କୁମାର ନାଥ , ଗୃହ ବିଜ୍ଞାନ ବିଭାଗ ପ୍ରମୁଖ ଅଧ୍ୟାପିକା ଡ. ଅଲିତା ମିଞ୍ଜ ଉଦ୍ଘାଟନୀ ସମାରୋହରେ ଯୋଗଦେଇ ଉଦଘାଟନ କରିଥିଲେ । ଓ ଏହାର ସଂଯୋଜନା , ଅଧ୍ୟାପିକା ଅସ୍ମିତା ବେଉରା , ମାନସି ମେହେର ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା ସହ କର୍ମଶାଳାକୁ ତ୍ୱରାନ୍ୱିତ କରିଥିଲେ । ଏହି କର୍ମଶାଳାରେ ଛାତ୍ରଛାତ୍ରୀ ମାନେ କିଭଳି ଭବିଷ୍ୟତରେ ଶିକ୍ଷା ଗ୍ରହଣ ସହ ସ୍ୱାବଲମ୍ବୀ ଓ ଆତ୍ମ ନିର୍ଭରଶୀଳ ହୋଇ ପାରିବେ ଏବଂ ଚାଷରେ ବୈଜ୍ଞାନିକ ପଦ୍ଧତି ଅବଲମ୍ବନ କରି ସମାଜରେ ପ୍ରତିଷ୍ଠିତ ରୋଜଗାରକ୍ଷମ ନାଗରିକ ହୋଇପାରିବେ ତାହାରି ଉପରେ ଆଲୋକପାତ ହୋଇଥିଲା । ଏବଂ ଏହି କାର୍ଯ୍ୟକ୍ରମକୁ ବିଶ୍ବ ବିଦ୍ୟାଳୟର କୁଳପତି ପ୍ରଫେସର ଡ. ଗୀତାଞ୍ଜଳି ଦାସ ଦିଗଦର୍ଶନ ଦେଇଥିଲେ ।
