ଅଭିଷେକ ସାହୁଙ୍କ ମୁଣ୍ଡରେ ମୟୂରଭଂଜ -୨ ର ବିଜେଡି ଯୁବ ସଭାପତି ମୁକୁଟ
ରାଇରଙ୍ଗପୁର -୫/୦୫ — ଆଗକୁ ତ୍ରିସ୍ତରୀୟ ନିର୍ବାଚନ ।ତେଣୁ ବିଜେଡି ତା’ର ସଂଗଠନକୁ ସୁଦୃଢ କରିବା ପାଇଁ ପଦକ୍ଷେପ ନେଉଛି ।ଆଜି ରାଜ୍ୟ ସଭାପତି ନବିନ ପଟ୍ଟନାୟକ ରାଜ୍ୟର ଯୁବ ସଂଗଠନ ତାଲିକାରେ ମୋହର ମାରିଛନ୍ତି ।ମୟୂରଭଂଜ – ୨ ଯୁବ ବିଜେଡ଼ି ସଭାପତି ଭାବେ ଅଭିଷେକ ସାହୁଙ୍କୁ ମନୋନିତ କରିଛନ୍ତି ।ଅଭିଷେକ ସାହୁ ଜଣେ ଟାଣୁଆ ଯୁବ ନେତା ।ଦିର୍ଘବର୍ଷ ଧରି ବିଜେଡ଼ି ଯେତେବେଳେ ଯାହା ଦାୟିତ୍ଵ ଦେଇଥାଏ ,ସେ ନିଷ୍ଠାର ସହ ତୁଲାଇଥାନ୍ତି ।ଅଭିଷେକ ସାହୁ କୁସୁମି ବ୍ଳକର ବାଦାମ ପାହାଡ଼ ଅଞ୍ଚଳର ।ସେ ଜଣେ ଯୁବ ସମାଜସେବୀ ଅଞ୍ଚଳରେ ପରିଚିତ ।ପ୍ରତିକ୍ରିୟାରେ ସେ କହିଛନ୍ତି ମୁଖ୍ଯମନ୍ତ୍ରୀ ତାଙ୍କ ଉପରେ ବିଶ୍ଵାସ ଓ ଆସ୍ଥା ରଖିଥିବାରୁ ସେ କୃତଜ୍ଞତା ଜଣାଇଛନ୍ତି ।ତଦସହ ଜିଲ୍ଲା ବିଜେଡ଼ି ସଭାପତି ଡାକ୍ତର ଦେବାଶିଷ ମାରାଣ୍ଡୀ ,କାର୍ଯ୍ୟକାରୀ ସଭାପତି ରାଇସେନ ମୁର୍ମୁ ,ଜିଲ୍ଲାର ସମସ୍ତ ନେତୃବୃନ୍ଦ ,ଯୁବ ଓ ଛାତ୍ର ନେତୃଵୃନ୍ଦଙ୍କୁ କୃତଜ୍ଞତା ଜଣାଇଛନ୍ତି ।ସେ ତୃଣମୂଳ ସ୍ତରରେ ଯୁବ ଛାତ୍ରମାନଙ୍କୁ ଏକାଠି କରି ସଂଗଠନକୁ ସୁଦୃଢ କରିବେ ବୋଲି କହିଛନ୍ତି ।
ରାଇରଙ୍ଗପୁର ରୁ ଅକ୍ଷୟ ବିଶ୍ବାଳ
