ଭିନ୍ନକ୍ଷମ ଝିଅ ହେଲେ ବି ପାଠରେ ପଢିନି ଡୋରି:ଯୁକ୍ତ +୨ ଶ୍ରେଣୀରେ ହେଲେ ପ୍ରଥମ
କୋଟପାଡ:(୨୧|୫)(ରବି ନାରାୟଣ ମହାନ୍ତି) କୋଟପାଡ ବ୍ଳକ ସଦରମହକୁମା ର ଗାୟତ୍ରୀ ନଗର ନିବାସୀ ସ୍ୱନାମଧନ୍ୟ ଆଇନଜୀବୀ ପିତା- ଶଙ୍କର ପଣ୍ଡାଙ୍କ ଔରଷରୁ ମାତା- ସଂଘମିତ୍ରା ପଣ୍ଡାଙ୍କ ଗର୍ଭରୁ ଜନ୍ମ ନେଇଥିଲେ ପ୍ରଥମ କନ୍ୟାରତ୍ନ ଶ୍ରୁତି ପଣ୍ଡା l ସେ ଜନ୍ମରୁ ସିପି ଭିନ୍ନକ୍ଷମ ହୋଇଥିଲେ ବି ମନକୁ ଦୃଢ଼ କରି ବିଦ୍ୟାଧ୍ୟୟନ କରିବାରେ ମନୋନିବେଶ କରିଥିଲେ l କନ୍ୟାରତ୍ନ ଧୀରେ ଧୀରେ ମାତା ପିତାଙ୍କ କୋଳରେ ବଢି ସେ ପ୍ରଥମ ରୁ ଦଶମ ଶ୍ରେଣୀ ପର୍ଯ୍ୟନ୍ତ କୋଟପାଡର ସିଦ୍ଧାର୍ଥ ଇଂଲିଶ ମିଡିୟମ ସ୍କୁଲରେ ପାଠ ପଢିଥିଲେ l ପରେ କୋଟପାଡର କେନ୍ଦୁଗୁଡା ସରକାରୀ ଅନୁସୂଚିତ ଜାତି ଓ ଜନଜାତି ବିଭାଗର ଦ୍ଵାରା ପରିଚାଳିତ ଉଚ୍ଚ ମାଧ୍ୟାମିକ ବିଦ୍ୟାଳୟରେ +୨ ପାଠ ପଢି ଭଗବାନଙ୍କ ଆଶୀର୍ବାଦ ଏବଂ ନିଜସ୍ୱ ଚେଷ୍ଟାରେ ଘରେ ବସି ୟୁ ଟ୍ୟୁବ୍ ଦେଖି ନିଜସ୍ୱ ଶୈଳୀରେ ପାଠ ପଢ଼ି ୭୦ ପ୍ରତିଶତ ମାର୍କ ରଖି ଉତ୍ତୀର୍ଣ୍ଣ ହୋଇଛନ୍ତି l ସେ ପୂର୍ଣ୍ଣସଂଖ୍ୟା ୬୦୦ ମାର୍କ ପରୀକ୍ଷା ଦେଇଥିଲେ ହେଁ ୪୧୮ ମାର୍କ ରଖି ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହୋଇଛନ୍ତି lସେ ଭିନ୍ନକ୍ଷମ ହେଲେବି ପାଠ ପଢିବାର ଇଚ୍ଛାଶକ୍ତି ଓ ନିଜସ୍ୱ ପରିଶ୍ରମ, ପିତା ମାତାଙ୍କ ସ୍ନେହ ଶ୍ରଦ୍ଧା ସହ ଆପଣ ମାନଙ୍କ ଭଲପାଇବା ଏବଂ ଶିକ୍ଷକ,ଶିକ୍ଷୟତ୍ରୀଙ୍କ ସ୍ନେହଶ୍ରଦ୍ଧା ଭଲ ପାଇବା ସହ ଶିକ୍ଷା ଦାନ ତାକୁ ଏହି ସ୍ତରରେ ପହଞ୍ଚାଇଛି l ଯାହାକି ଭିନ୍ନକ୍ଷମ ହେଲେବି ସେ କେଉଁଥିରେ କମ୍ ନୁହନ୍ତି ବୋଲି ଜନସାଧାରଣଙ୍କୁ ଦେଖେଇ ଭିନ୍ନକ୍ଷମ ମାନଙ୍କ ପାଇଁ ଏକ ଉଦାହରଣ ପାଲଟିଛନ୍ତି lଭଗବାନଙ୍କ ଶୁଭଦୃଷ୍ଟି ଏବଂ ସମସ୍ତଙ୍କ ଭଲପାଇବା ଜାରି ରହୁ ଭବିଷ୍ୟତରେ ବି ଭଲ ହେଉ l ଏପରି କୃତକାର୍ଯ୍ୟ ନେଇ ସବୁରି ମହାଲରୁ ଶୁଭେଚ୍ଛା ଓ ଭବିଷ୍ୟତରେ ଉତ୍ତରୋତ୍ତର ଉନ୍ନତି କାମନା କରିଛନ୍ତି ସମସ୍ତ ଶୁଭେଚ୍ଛୁ ବୃନ୍ଦ l
