ଭାରସମ୍ୟ ହରାଇ ଓଲଟିଲା ଆଟୋ ଦୁଇ ଗୁରୁତର
ଆସିକା,୩୧/୫/୨୬ (ଶିବ ଶଙ୍କର ମିଶ୍ର ) ଆସିକା ରୁ ସୋରଡା ପଟକୁ ଯାଉଥିବା ଏକ ପସେଞ୍ଜର ଅଟୋ ଜାତୀୟ ରାଜପଥ 59 ର ସରଧାପୁର ବାଟିଆ ନିକଟରେ ରବିବାର ସନ୍ଧ୍ୟାରେ ଭାରସାମ୍ୟ ହରାଇ ରାସ୍ତା କଡ଼କୁ ଓଲଟି ପଡିଛି। ଅଟୋଟି ଆସିକା ରୁ ସୋରଡା ଯାଉଥିବା ବେଳେ ଏହି ଦୁର୍ଘଟଣା ଘଟିଛି। ଏଥିରେ 4 ରୁ ଅଧିକ ଆହତ ହୋଇଥିବା ବେଳେ ଦୁଇ ଜଣକ ଅବସ୍ଥା ଅଧିକ ଗୁରୁତର ରହିଛି। ଗୁରୁତର ଦୁଇ ଜଣ ହେଲେ ରାହୁଲ ରାଉତ ଓ ବାଲଜି ନାୟକ। ଧରାକୋଟ ଦମକଳ ବାହିନୀ ପହଞ୍ଚି ସେମାନଙ୍କୁ ଉଦ୍ଧାର କରିବା ପରେ ପ୍ରଥମେ ଆସିକା ମେଡିକାଲ ଓ ପରେ ଗୁରୁତର ଦୁଇ ଜଣ ଙ୍କୁ ବ୍ରହ୍ମପୁର ମେଡିକାଲ କୁ ସ୍ଥାନାନ୍ତର କରାଯାଇଛି। ଅଟୋରେ 10 ଜଣ ଏକ ଭୋଜି ରୋଷେଇରେ ସହାୟତା ପାଇଁ ଯାଉଥିଲେ। ଘଟଣା ସ୍ଥଳରେ ଧରାକୋଟ ପୋଲିସ ପହଁଚି ଅଧିକ ତଦନ୍ତ କରୁଛି।
